bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
2 Samuel 6
2 Samuel 6
Lahu Bible Edited © Thailand Bible Society and Bible Society of Myanmar, 2010, 2020.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
1
Oˇ ve hkʼaw‸ nawˉ, Daˍviˆ lehˬ Iˉsaˍreˍlaˆ mvuhˇmiˬ hkʼaw cawˬ ve cheuˬ jaˇ ve ma‸ yaˇ 30,000 gʼaˇ hta‸ kuˬ yuˬ leh,
2
Gʼuiˬsha ve ka ti‸ shaˉ caˆ ta kʼoˍ hta‸ ca taˆ yuˬ tuˬ, Yuˇda‸ mvuhˇmiˬ hkʼaw cawˬ ve Baˍlanˍ venˇ lo kʼai ve yoˬ.
3
Yawˇ hui lehˬ, ka ti‸ shaˉ caˆ ta kʼoˍ oˇ ve hta‸ nuˇ lawˬ awˬ suhˉ teˇ maˬ hkʼaw keu peuˬ hkʼaw‸ nawˉ, hkʼaw hkʼoˆ lo cawˬ ve Aˍbiˆnaˍdaˆ yehˬ hkʼaw tawˆ la ve yoˬ. Aˍbiˆnaˍdaˆ ve yaˇ Awˇzaˆ leh Aˍhiˆawˇ yawˇ huiˉ maˬ nuˇ lawˬ oˇ ve hta‸ gʼa‸ laˬ ve yoˬ.
4
Awˇzaˆ lehˬ Gʼuiˬsha ve ka ti‸ shaˉ caˆ ta kʼoˍ awˬ paˇ lo te toˇ leh, Aˍhiˆawˇ lehˬ nuˇ lawˬ gʼuˇ suhˍ kʼai ve yoˬ.
5
Daˍviˆ leh yawˇ ve ma‸ yaˇ hkʼa peu-eˬ kʼaˍ hkʼeˆ leh, Gʼuiˬsha hta‸ gʼaˇ hte‸ kʼa muiˬ chiˇ mvuh ve yoˬ. Yawˇ hui lehˬ, nawˍ meuˆ, tinˍ hteˆ, shehnˍ hehˆ, cehnˬ dawˆ, lehˉ lu meuˆ leh ha lehˬ ha kʼa te chehˇ ve yoˬ.
6
Yawˇ hui Naˍhkonˍ ve caˬ jaw‸ kuiˬ lo gaˬ la ve teˇ yanˇ, nuˇ oˇ ve teˇ hpaˍ hkui sheh naˆ leˆ ve pa taw, Awˇzaˆ lehˬ ka ti‸ shaˉ caˆ ta kʼoˍ hta‸ yuˬ tiˍ taˍ ve yoˬ.
7
Awˇzaˆ lehˬ, Gʼuiˬsha ve ka ti‸ shaˉ caˆ ta kʼoˍ hta‸ chi hkʼe maˇ yawˆ maˇ yan te ve pa taw, Gʼuiˬsha yawˇ hta‸ nyi ma zuhˆ leh, yawˇ hta‸ tiˇ pehˍ piˇ ve yoˬ. Hkʼe te leh, Awˇzaˆ lehˬ ka ti‸ shaˉ caˆ ta kʼoˍ paˇ lo paˍ suh-e ve yoˬ.
8
Gʼuiˬsha nyi ma zuhˆ ve hkʼaw Awˇzaˆ hta‸ ciˍ yanˍ piˇ ve pa taw, Daˍviˆ nyi ma zuhˆ jaˇ ve yoˬ. Hkʼe te leh, chehˇ kuiˬ oˇ ve hta‸ ya‸ nyi hkʼa gaˬ Peˍraˆ Awˇzaˆ teh‸ meh piˇ taˍ ve yoˬ.
9
Oˇ ve hkʼaw‸ nawˉ, Daˍviˆ Gʼuiˬsha hta‸ kawˆ jaˇ leh, Chi beu‸ ka ti‸ shaˉ caˆ ta kʼoˍ chi hta‸ ngaˬ hkʼaˬ hkʼe te yuˬ kʼo‸-e hpeh‸ tuˬ le, teh‸ kʼoˆ ve yoˬ.
10
Hkʼe te leh, yawˇ ka ti‸ shaˉ caˆ ta kʼoˍ hta‸ Yeˍruˆsaˍlehnˍ venˇ lo maˇ kʼaw‸ yuˬ kʼo‸-e tuˬ dawˇ cheˆ peuˬ hkʼaw‸ nawˉ, ta kʼoˍ oˇ ve hta‸ Gaˍtaˆ venˇ hkʼaw chehˇ ve Eˇdonˍ chaw Awˇbehˆ ve yehˬ lo yuˬ kʼai ve yoˬ.
11
Ka ti‸ shaˉ caˆ ta kʼoˍ oˇ ve oˇ kaˬ lo ha pa 3 maˬ chehˇ taˍ leh, Gʼuiˬsha lehˬ, Awˇbehˆ leh yawˇ ve yehˬ yaˇ kʼa yaˇ teˇ hpaˍ hta‸ awˬ bon na‸ piˇ ve yoˬ.
12
Ka ti‸ shaˉ caˆ ta kʼoˍ hta‸ pa taw, Gʼuiˬsha lehˬ Awˇbehˆ leh yawˇ ve yehˬ yaˇ kʼa yaˇ teˇ hpaˍ hta‸ awˬ bon na‸ piˇ ve awˬ lawn hta‸ jawˇmawˇ Daˍviˆ gʼa kaˇ ve teˇ yanˇ, yawˇ Awˇbehˆ ve yehˬ lo kʼai leh ka ti‸ shaˉ caˆ ta kʼoˍ oˇ ve hta‸ Yeˍruˆsaˍlehnˍ venˇ lo kʼaw‸ yuˬ kʼaw‸ la ve yoˬ.
13
Ka ti‸ shaˉ caˆ ta kʼoˍ taˆ ve chaw hui hkui piˍ 6 piˍ juˇ kʼai peuˬ ve teˇ yanˇ, Daˍviˆ lehˬ nuˇ teˇ hkeh leh chu jaˇ ve yawˬ ehˉ teˇ hkeh yuˬ leh Gʼuiˬsha hta‸ tuˉ tanˇ piˇ ve yoˬ.
14
Daˍviˆ lehˬ, yawˇ awˬ to hta‸ hpa teˇ hkʼoˆ yuˬ hawˆ taˍ leh, Gʼuiˬsha mehˆ gʼuˇ suhˍ lo awˬ gʼaˇ awˬ shaˉ cawˬ ve hkʼe, kʼaˍ gʼaˇ hte‸ hkʼeˆ chehˇ taˍ ve yoˬ.
15
Hkʼe te leh, yawˇ leh Iˉsaˍreˍlaˆ chaw hkʼa peu-eˬ ha lehˬ ha kʼa behˬ heh ma meuˆ leh ka ti‸ shaˉ caˆ ta kʼoˍ hta‸ Yeˍruˆsaˍlehnˍ venˇ lo yuˬ laˬ ve yoˬ.
16
Ka ti‸ shaˉ caˆ ta kʼoˍ venˇ hkʼaw gaˬ la ve teˇ yanˇ, Sawˉlu‸ yaˇ miˇ Miˆhkaˍlaˆ yehˬ miˉ ehˉ hkʼaw nyi peu leh, jawˇmawˇ Daˍviˆ kʼaˍ hkʼeˆ chehˇ ve hta‸ gʼa mawˬ ve teˇ yanˇ, yawˇ Daˍviˆ hta‸ cha‸ naˬ jaˇ ve yoˬ.
17
Yawˇ hui lehˬ ka ti‸ shaˉ caˆ ta kʼoˍ oˇ ve hta‸ Daˍviˆ gu taˍ ve aˉ po kʼo hkʼaw teh taˍ leh, Gʼuiˬsha hta‸ tuˉ tanˇ piˇ ve yoˬ.
18
Yawˇ oˇ hkʼe te peuˬ hkʼaw‸ nawˉ, Gʼuiˬsha ve awˬ meh hkʼaw yawˇ chaw moˍ lonˉ hta‸ bon na‸ piˇ ve yoˬ.
19
Iˉsaˍreˍlaˆ mvuhˇmiˬ hkʼaw hkʼa chehˇ ve hawˉ hkʼaˆ yaˇ miˇ teˇ gʼaˇ le le ve hta‸ htawˇ, yawˇ hkaoˍmonˇ teˇ gʼaˇ teˇ diˬ, piˬ taˍ ve shaˍ teˇ gʼaˇ a ciˉ leh a pehˉ meuˇ shiˍ awˬ goˇ teˇ gʼaˇ a ciˉ pehˬ piˇ ve yoˬ. Oˇ hkʼe te peuˬ hkʼaw‸ nawˉ, teˇ gʼaˇ le le a shu yawˇ ve yehˬ lo kʼo‸-e ve yoˬ.
20
Daˍviˆ htawˇ yawˇ ve yehˬ lo kʼo‸-e leh, Sawˉlu‸ yaˇ miˇ Miˆhkaˍlaˆ yawˇ hta‸ ha‸ yuˬ tuˬ tawˆ la ve yoˬ. Yawˇ kʼoˆ ve, Ya‸ nyi Iˉsaˍreˍlaˆ ve jawˇmawˇ lehˬ yawˇ awˬ to awˬ me‸ awˬ hponˇ gʼa tuˬ gʼaˇ hte‸ te taˍ peuˬ ve yoˬ. Yawˇ lehˬ chaw gʼuˇ hkʼa shuˍ, yawˇ ve awˬ ceˬ ma teˇ hpaˍ mehˆ gʼuˇ suhˍ awˬ kʼu nyi te chehˇ taˍ ve yoˬ, teh‸ kʼoˆ ve yoˬ.
21
Daˍviˆ kʼaw‸ yaw hkʼaw‸ leh kʼoˆ ve, Iˉsaˍreˍlaˆ chaw hui hta‸ uˉ peunˍ tuˬ, nawˬ pa ve yehˬ yaˇ kʼa yaˇ teˇ hpaˍ awˬ hkʼaw lo ngaˬ hta‸ leuˆ yuˬ laˇ ve Gʼuiˬsha hta‸ ngaˬ taˍ uiˍ taˍ mvuh leh kʼaˍ hkʼeˆ chehˇ ve yoˬ.
22
Laˬ tuˬ ve awˬ yanˇ awˬ hkʼaw lo htawˇ, ngaˬ ve awˬ to hta‸ taˍ nehˬ leh Gʼuiˬsha hta‸ taˍ uiˍ taˍ mvuh ve hkʼaw kʼaˍ hkʼeˆ tuˬsheˍ ve yoˬ. Nawˬ lehˬ, ngaˬ hta‸ te‸ chiˉ tcuhˉ kuiˬ maˇ cawˬ ve chaw hpeh‸ ve yoˬ, teh‸ dawˇ chehˇ ve yoˬ. Ya‸ hkʼaˇ, yaˇ miˇ oˇ ve teˇ hpaˍ ngaˬ hta‸ taˍ uiˍ chehˇ ve yoˬ, teh‸ Miˆhkaˍlaˆ hta‸ kʼoˆ piˇ ve yoˬ.
23
Sawˉlu‸ yaˇ miˇ Miˆhkaˍlaˆ lehˬ, suh htaˇ hkʼa gaˬ yaˇ maˇ kʼaw‸ cawˬ-o.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24