Deuteronomy 16

Lao Bible (ฉบับอักษรลาว)

← Chapter 15 Jump to: Chapter 17 →

1ເຖົາ ອາບີບ ຫຮລາ ອ໋ອຍ ຕສຸ ເຈ໋ຍ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຍີຍ ເສຍ ແໝ່ງ ຕສິ໊ບ, ເຫວີ່ຍ ຕສຸ ຢຽມ ອາບີບ ຫຮລາ ລູ່ງ ມ໌ວນ ຕສັ່ນ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຕໍ້ ເມີ່ຍ ບົວ ທສວດ ອີຢິ໊ບ ເຕີ່ຍ-ປູງ.

2ອ໋ອຍ ຕສຸ ຢຽມ ຕສ໊ຽວ, ອ໋ອຍ ກິ໊ນ ຕ້າຍ ຫລຽບ ນິ່ນ ກັ້ນ ເຍີຍ ເມ່ງ ວົ້ວ ນອມ ຕ໋ອງ, ຫລົ່ງ ເຕົ້າ ເມີ່ຍ ບົວ ເຍີຍ ງົ່ງ ກວັ້ນ, ຢູ້ງ ກວັ້ນ ເຍີຍ ແຊງ-ຄູ້ ເຕສ່ຍ ປຸນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຫວີ່ຍ ເຈ໋ຍ ເສຍ ແໝ່ງ ຕສິ໊ບ.

3ເມີ່ຍ ບົວ ຫຍັ່ນ ນ້າຍ ເຕົ້າ ແຊງ-ຄູ້ ເຍີຍ ອໍ໊, ໄມ້ ຕູ໋ງ ຫຍັ່ນ ອັນ ປີ໊ງ ເຍີຍ ອຈົ໊ວ ເຖສົາ. ນ້າຍ ເຕີ໋ຍ ເສ່ຍ ຮນອຍ ກະຍົ໌ວ ອ໋ອຍ ຕສຸ ຫຍັ່ນ ໄມ້ ອັນ ປີ໊ງ ເຍີຍ ອຈົ໊ວ, ເຊ ເຫ່ວ ໂຕ້ ໜ່ານ ອຈົ໊ວ, ເຫວີ່ຍ ຕສຸ ເມີ່ຍ ບົວ ກ໊ານ ຈ໊ຽນ ເປຢົ໋າ ທສວດ ອີຢິ໊ບ ເຕີ່ຍ-ປູງ. ຮນັ້ງ ນ້າຍ ເມີ່ຍ ບົວ ຕສ່ຽວ ຢຽດ ເສີຍ ຈັ໋ງ ຈ໊ຽນ ເມີ່ຍ ບົວ ທສວດ ອີຢິ໊ບ ເຕີ່ຍ-ປູງ ເຍີຍ ຕສຢັ້ງ ໂຫ່.

4ນ້າຍ ເຕີ໋ຍ ເສ່ຍ ຮນອຍ, ຢຽມ ເມີ່ຍ ບົວ ເຍີຍ ເຕີ່ຍ-ຈ໋າຍ ກະຍົ໌ວ, ໄມ້ ຕູ໋ງ ປຸນ ຫາຍ ເຕົ້າ ມ່າຍ ປີ໊ງ. ຕ້າວ ຮນອຍ ລູ່ງ ມ໌ານ-ຫຮມວັງ ເຕສ່ຍ ເຍີຍ ອໍ໊, ໄມ້ ຕູ໋ງ ລ່ຽວ ຢຽດ ເຕີ໋ຍ ເຖົາ ລູ່ງ ດອມ.

5ໄມ້ ຕູ໋ງ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຈິວ ປຸນ ເມີ່ຍ ບົວ ເຍີຍ ຫາຍ ນອມ ມູ້ງ ເຕສ່ຍ ເສຍ ແໝ່ງ ຕສິ໊ບ ເຍີຍ ແຊງ-ຄູ້.

6ຂູງ ອ໋ອຍ ຕສຸ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ກິ໊ນ ຕ້າຍ ເຫວີ່ຍ ຫລຽບ ນິ່ນ ກັ້ນ ເຍີຍ ເມ່ງ ວົ້ວ ນອມ ຕ໋ອງ ເຕສ່ຍ. ຢຽມ ວົ້ວ ລູ່ງ ມ໌ານ-ຫຮມວັງ, ບະຮນອຍ ດ໊ອດ ເຍີຍ ຕສຢັ້ງ ໂຫ່, ເຊ ຕ໋ອຍ ທສວດ ອີຢິ໊ບ ເຕີ່ຍ-ປູງ ເຍີຍ ຕສຢັ້ງ ໂຫ່, ອ໋ອຍ ຕສຸ ເຕສ່ຍ ເຫວີ່ຍ ເສຍ ແໝ່ງ ຕສິ໊ບ ເຍີຍ ແຊງ-ຄູ້.

7ອ໋ອຍ ຕສຸ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ກິ໊ນ ຕ້າຍ ວົ້ວ ນອມ ຕ໋ອງ ເຕສ໊າະ ວົ້ວ ເຕີ໋ຍ ອໍ໊ ໂຕສ໋ວ ຕສົວະ ຕ້າຍ ຫຍັ່ນ. ຕະເຫຍີ່ຍ ດອມ ດສ໊ຽວ ເຍີຍ, ເກ໊າະ-ມ່ຽນ ດສ໋ວນ ເກ໊າະ-ມ່ຽນ ເຍີຍ ດົ໊ບ-ລິ່ວ.

8ຈຸ໊ ຮນອຍ ກະຍົ໌ວ ອ໋ອຍ ຕສຸ ຫຍັ່ນ ໄມ້ ອັນ ປີ໊ງ ເຍີຍ ອຈົ໊ວ. ຕະທສຽດ ຮນອຍ ອ໋ອຍ ຕສຸ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ຕສັ່ງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຢ່າ ໄມ້ ຕູ໋ງ ໂຕສ໋ວ ຫາຍ ຫຍູ່ງ ກົງ.

9ເມີ່ຍ ບົວ ອ໋ອຍ ຕສຸ ຢຽມ ເມີ່ຍ ບົວ ເຕສ໊າະ ດສຸ ລິ່ມ ເອຈ່ຍ ປົ໌ວ ກ໊າດ ເບຢົ້າ ວົ້ວ ຮນອຍ ຝຸນ ປວັ໊ງ ເສ່ຍ ນອມ ເລີ໌ຍ-ປ໋າຍ,

10ຕສ່ຽວ ເຈ໋ຍ ຊຽວ ທສຸນ-ແກງ ເຍີຍ ຕສິ໊ບ ໂຫ່ວ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ. ຕສິ໋ວ ຕສ໊ຽວ ເຖສີຍ ຟຸ ປຸນ ເມີ່ຍ ບົວ, ອ໋ອຍ ຕສຸ ຕສິ໋ວ ວົ້ວ ທສວດ ຟິມ ຝົ່ງ ຫໍ່.

11ເມີ່ຍ ບົວ ກັ້ນ ເຖສົາ ເມີ່ຍ ບົວ ເຍີຍ ນ່າມ ໂຍ໌ວ, ລ່ຽມ ເມີ່ຍ ບົວ ເຍີຍ ໂນ່ວ ເກົ໊າ ໂນ່ວ ເປີ໌ຍ, ເຖສົາ ຢຽມ ເມີ່ຍ ບົວ ເຍີຍ ຕສີ້ງ ເຍີຍ ເລວີ ມ່ຽນ, ຢຽມ ເມີ່ຍ ບົວ ບຸດົ໋ງ ເຍີຍ ກັ້ນ ຝີງ ມ່ຽນ, ກູ້ ຮັ່ນ ຝຸຈ໊ວຍ ເຖສົາ ເອົ໊າ-ກວ໊າ ອ໋ອຍ ຕສຸ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ກິ໊ນ ຕ້າຍ ເຫວີ່ຍ ຫລຽບ ນິ່ນ ກັ້ນ ເຍີຍ ເມ່ງ ວົ້ວ ນອມ ຕ໋ອງ, ຢຽມ ຕສ໊ຽວ ເຍີຍ ດສະຮມຽນ ອຈຽນ-ໂຢ້ວ ອອນ-ເຫລາະ.

12ອ໋ອຍ ຕສຸ ຈັ໋ງ ຈ໊ຽນ ເມີ່ຍ ບົວ ຢຽມ ອີຢິ໊ບ ເຕີ່ຍ-ປູງ ໂຕສ໋ວ ເຈ໋ຍ ໂນ່ວ, ຢ່າ ອ໋ອຍ ຕສຸ ຫລົງໆ ເຍີຍ ກັນ ນ້າຍ ເຕີ໋ຍ ເລີ໌ຍ-ຫລັດ.

13ຊຽວ ປ່າ ເບຢົ້າ ເຮມີ້ຍ, ເຍວີ່ຍ ເດສ່ງ ອະຫງຸ່ນ ປ໊ຽວ, ອກະຮ້າ ອ໋ອຍ ຕສຸ ເຈ໋ຍ ບຢໍ໊ ລິ່ວ ຕສິ໊ບ ເສ່ຍ ຮນອຍ.

14ເຈ໋ຍ ນ້າຍ ນອມ ຕສິ໊ບ ອ໋ອຍ ຕສຸ ອຈຽນ-ໂຢ້ວ ເໜົ່າ ຫຍິດ, ເມີ່ຍ ບົວ ເຖສົາ ເມີ່ຍ ບົວ ເຍີຍ ນ່າມ ໂຍ໌ວ, ເມີ່ຍ ບົວ ເຍີຍ ໂນ່ວ ເກົ໊າ ໂນ່ວ ເປີ໌ຍ, ເຖສົາ ຢຽມ ເມີ່ຍ ບົວ ເຍີຍ ຕສີ້ງ ເຍີຍ ເລວີ ມ່ຽນ, ເຖສົາ ກັ້ນ ຝີງ ມ່ຽນ, ເຖສົາ ກູ້ ຮັ່ນ ຝຸຈ໊ວຍ, ເຖສົາ ເອົ໊າ-ກວ໊າ.

15ເມີ່ຍ ບົວ ອ໋ອຍ ຕສຸ ຢຽມ ຕສ໊ຽວ ອ໋ອຍ ກິ໊ນ ຕ້າຍ ວົ້ວ ນອມ ຕ໋ອງ ເຈ໋ຍ ນ້າຍ ເຕີ໋ຍ ເສ່ຍ ຮນອຍ ເຍີຍ ຕສິ໊ບ ທ່າຍ ຕສ໊ຽວ, ເຫວີ່ຍ ຕສຸ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ເຖສີຍ ຟຸ ປຸນ ເມີ່ຍ ບົວ ເຍີຍ ແກງ-ຕສວັ໋ງ ຫລົງ ຢ່າ ເຖສີຍ ຟຸ ເມີ່ຍ ບົວ ເຍີຍ ປົ໌ວ ໂຕສ໋ວ ເຍີຍ ຫຍູ່ງໆ ກົງ. ເມີ່ຍ ບົວ ຕສ່ຽວ ອຈຽນ-ໂຢ້ວ ອອນ-ເຫລາະ ອ໊ະ.

16ເມີ່ຍ ບົວ ເຍີຍ ຢຽດ ຕສູ໊ງ ມຈັ່ງ ຕອນ ຢຽດ ຫຮຍັງ ປົວ ດສຸ່ນ ອ໋ອຍ ຕສຸ ມີ່ງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ກິ໊ນ ຕ້າຍ ວົ້ວ ນອມ ຕ໋ອງ, ຢຽມ ຕສ໊ຽວ ເຍີຍ ດສະຮມຽນ. ເຊ ມີ່ງ ເຈ໋ຍ ໄມ້ ອັນ ປີ໊ງ ເຍີຍ ອຈົ໊ວ ເຍີຍ ຕສິ໊ບ, ຊຽວ ທສຸນ-ແກງ ຕສິ໊ບ ເຖສົາ ບຢໍ໊ ລິ່ວ ຕສິ໊ບ. ຫາຍ ເຕົ້າ ມີ່ງ ຢຽມ ຕສ໊ຽວ ເຍີຍ ດສະຮມຽນ ຢ່າ ໄມ້ ຕູ໋ງ ຂູງ-ປົ໌ວ ແປະ ເຕສົ໋າ ເຍີຍ ມີ່ງ.

17ເກ໊າະ-ມ່ຽນ ອ໋ອຍ ຕສຸ ຕສິ໋ວ ເກ໊າະ-ມ່ຽນ ໄຮ່ ທສວດ ຕຸ໊ ເຍີຍ, ເຊ ຕສິ໋ວ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຖສີຍ ຟຸ ປຸນ ເມີ່ຍ ບົວ ເຍີຍ ປ່ວນ, ຕໍ້ ກະນ້າຍ ມີ່ງ ຝົ່ງ ຫໍ່.

18ເມີ່ຍ ບົວ ອ໋ອຍ ຕສຸ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຈິວ ປຸນ ເມີ່ຍ ບົວ ເຍີຍ ນອມໆ ຕສີ້ງ, ຕສິ໋ວ ເມີ່ຍ ບົວ ເຍີຍ ຝີງໆ ມ່ຽນ ອອນ ເຕີ໋ຍ ມ່ຽນ ໂຕສ໋ວ ຊ້ຽມ ຕສຸ໌ຍ ຈຽນ ເຖສົາ ກຸ໊ນ ສີ່ ຈຽນ. ນິ່ນ ບົວ ຕສ່ຽວ ໄຮ່ ແປ້ງ ຟິມ ເຍີຍ ຊ້ຽມ ມ່ຽນ.

19ໄມ້ ຕູ໋ງ ໂຕສ໋ວ ຫວ່າຍ ແປ້ງ ຟິມ ເຍີຍ ເລີ໌ຍ, ຢ່າ ໄມ້ ຕູ໋ງ ໝັ່ງ ຫາຍ ເຕົ້າ ເຍີຍ ຮມຽນ. ໄມ້ ຕູ໋ງ ຫຍັ່ນ ຍ່ານ ຫຮມວັງ ເຫວີ່ຍ ຕສຸ ຍ່ານ ຫຮມວັງ ປຸນ ເປີຍ ເລີ໌ຍ ເຍີຍ ມ່ຽນ ເຍີຍ ມຕສີງ ແມ່ງ, ຢ່າ ບ໊ຽນ ແປ້ງ ຟິມ ມ່ຽນ ເຍີຍ ຫວ່າ.

20ອ໋ອຍ ຕສຸ ກັນ ແປ້ງ ຟິມ ເຍີຍ ເລີ໌ຍ, ຂູງ ໂຕສ໋ວ ແປ້ງ ຟິມ ເຍີຍ ຮນັ້ງ, ເມີ່ຍ ບົວ ຖສີງ ຕ້າຍ ຕຸ໊ ແໝ່ງ ຕສຢັ້ງ ຢ່າ ຕຸ໊ ດສິບ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຖສີຍ ປຸນ ເມີ່ຍ ບົວ ເຍີຍ ເຕີ່ຍ-ປູງ.

21ເມີ່ຍ ບົວ ເຖສີຍ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ ເຍີຍ ເຕສ່ຍ-ຕ້ອງ, ຢຽມ ເຕສ່ຍ-ຕ້ອງ ກະເຮລນ ໄມ້ ຕູ໋ງ ຫລຽບ ອາເຊລາ ຕສ້ຽນ ເຍີ໌ຍ ເຍີຍ ຝັງ.

22ຢ່າ ໄມ້ ຕູ໋ງ ຫລຽບ ຕສັ່ງ ຕສ້ຽນ ເຍີຍ ຫລະເປຢີ໊ຍ-ຕົ່ງ. ເຊ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ດສອງ ໄຫ່ ເຍີຍ ກະນ້າຍ.

← Chapter 15 Jump to: Chapter 17 →