Deuteronomy 23

Lao Bible (ฉบับอักษรลาว)

← Chapter 22 Jump to: Chapter 24 →

1ຕະຟ່ານ ຕສຸ ອິມ ໂຕ໊ ເຍີຍ ໄຟ ຕສຸ ລ່ຳ ເບວີ໌ຍ ຕ໋ອງ ກ໊າດ ຈວດ ເຍີຍ ມຈັ່ງ ຕອນ, ໄມ້ ຕູ໋ງ ປຸນ ເປັຍ ຕສ໊ຽວ ເຍີຍ ມ່ຽນ ກັ໊ບ ຕສຸ໊ນ ເຍີຍ ຫວຸ່ຍ.

2ທອຍ ຕ້າຍ ເຍີຍ ຝຸຈ໊ວຍ, ໄມ້ ຕູ໋ງ ປຸນ ເປັຍ ຕສ໊ຽວ ເຍີຍ ມ່ຽນ ກັ໊ບ ຕສຸ໊ນ ເຍີຍ ຫວຸ່ຍ. ລ່ຽມ ເອຈ່ຍ ເຖົາ ຕສຽບ ຕ່ອຍ ເຕສີ໊ຍ-ຟຸນ, ໄມ້ ຕຸ໊ ເປັຍ ຕສ໊ຽວ ເຍີຍ ມ່ຽນ ກັ໊ບ ຕສຸ໊ນ ເຍີຍ ຫວຸ່ຍ.

3ຕະຟ່ານ ອຳມົນ ມ່ຽນ ໄຟ ໂມອັບ ມ່ຽນ, ໄມ້ ຕູ໋ງ ປຸນ ເປັຍ ຕສ໊ຽວ ເຍີຍ ມ່ຽນ ກັ໊ບ ຕສຸ໊ນ ເຍີຍ ຫວຸ່ຍ. ລ່ຽມ ເອຈ່ຍ ເຖົາ ນິ່ນ ບົວ ເຍີຍ ຕສຽບ ຕ່ອຍ ເຕສີ໊ຍ-ຟຸນ, ຢ່າ ໄມ້ ຕຸ໊ ເປັຍ.

4ເມີ່ຍ ບົວ ທສວດ ອີຢິ໊ບ ເຕີ່ຍ-ປູງ ວົ້ວ ຕສັ່ນ, ນ້າຍ ເຕີ໋ຍ ອີ ຝີງ ມ່ຽນ ໄມ້ ຕໍ້ ຫຍັ່ນ ຮົບ, ໄມ້ ຕໍ້ ວວມ ຕ້າຍ ຕສິ໊ບ ເມີ່ຍ ບົວ. ນິ່ນ ບົວ ຕສູ໊ງ ທສີ້ງ ຢຽມ ເມໂສໂປເຕເມຍ ເຍີຍ ເປໂທ ຕສີ້ງ, ເບໂອ ເຍີຍ ຕອນ, ບາລາອຳ, ຕສ໋ຽວ ເມີ່ຍ ບົວ.

5ມປ່າ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ໄມ້ ໝວັງ ບາລາອຳ ເຍີຍ ຫວ່າ. ຕ໋າວ ດສ໋ວນ ນິ່ນ ປຸນ ວົ້ວ ເຕີ໋ຍ ຕສ໋ຽວ ເຍີຍ ຫວ່າ ທິ້ວ ເປ໋ນ ປວັງ ເຍີຍ ຫວ່າ, ເຫວີ່ຍ ຕສຸ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຮນ້ຳ ເມີ່ຍ ບົວ.

6ເມີ່ຍ ບົວ ຢຽດ ລິ໌ວ ຢຽດ ເສີຍ ໄມ້ ຕູ໋ງ ເຖງ ນິ່ນ ບົວ ຕຸ໊ ແປ້ງ ອອນ ໄຟ ຕຸ໊ ຫລົງ.

7ໄມ້ ຕູ໋ງ ດສອງ ເອດົມ ມ່ຽນ ເຫວີ່ຍ ຕສຸ ນິ່ນ ບົວ ໂຕສ໋ວ ເມີ່ຍ ບົວ ເຍີຍ ກໍ໋-ໂຢ໌ວ. ຢ່າ ໄມ້ ຕູ໋ງ ດສອງ ອີຢິ໊ບ ມ່ຽນ ເຫວີ່ຍ ຕສຸ ເມີ່ຍ ບົວ ໂຕສ໋ວ ກັ້ນ ຝີງ ມ່ຽນ ຢຽມ ເຈ໋ຍ ນິ່ນ ບົວ ເຍີຍ ເຕີ່ຍ-ປູງ.

8ນ້າຍ ເຕີ໋ຍ ມ່ຽນ ເຍີຍ ຕະຟາມ ຕ່ອຍ ເຕສີ໊ຍ-ຟຸນ ໄຮ່ ຕຸ໊ ເປັຍ ຕສ໊ຽວ ເຍີຍ ມ່ຽນ ກັ໊ບ ຕສຸ໊ນ ເຍີຍ ຫວຸ່ຍ.

9ເມີ່ຍ ບົວ ທສວດ ມີ່ງ ເຖສົາ ວິນ-ວັ້ງ ເບ໊າະ ຈ໋າ, ຢຽມ ທສຢັ້ງ ເຍີຍ ຕສຢັ້ງ ໂຫ່ ອ໋ອຍ ຕສຸ ຊິ້ມ ອກອຍ ຫຍູ່ງໆ ໄຮ່ ປຸນ ເມີ່ຍ ບົວ ມ່າຍ ຫວຸຍ ເຍີຍ ກະນ້າຍ.

10ເຊ ກ໊ອງ ເມີ່ຍ ບົວ ເຍີຍ ຫາຍ ເຕົ້າ ມ່ຽນ ລູ່ງ ມ໌ວນ ຕສັ່ນ ເປວີ໋ຍ ມອຈ້ອມ ມ່າຍ ໄຈ໋-ໜົ່ງ ທສວດ, ນິ່ນ ຕສ່ຽວ ມ່າຍ ຫວຸຍ. ນິ່ນ ອ໋ອຍ ຕສຸ ທສວດ ກະເຫຍ່ຍ ດົ໊ບ-ລິ່ວ ທສຢັ້ງ ຢຽມ ຈ໊ຽນ ວົ້ວ.

11ມປ່າ ເຖົາ ລູ່ງ ມ໌ານ-ຫຮມວັງ ອ໋ອຍ ຕສຸ ດສ໋າວ ເດສ່ງ ຊິນ. ເຖົາ ບະຮນອຍ ມວດ, ເປັຍ ດົ໊ບ-ລິ່ວ ທສຢັ້ງ ຕຸ໊ ອ໊ະ.

12ຢຽມ ເມີ່ຍ ບົວ ເຍີຍ ທສຢັ້ງ ກະເຫຍ່ຍ ແໝງ ອ໋ອຍ ຕສຸ ຕີ່ງ ນອມ ຕ໋ອງ ໂຕສ໋ວ ໄຈ໊ ປົ໌ວ ເຍີຍ ຕ໋ອງ.

13ອ໋ອຍ ຕສຸ ມ່າຍ ຕິ້ວ ທສິວ ເຖສົາ ຈ໊ຽນ ເມີ່ຍ ບົວ ເຍີຍ ຈາ-ສີ່ ອັນ. ຫາຍ ຕສັ່ນ ມີ່ງ ໄຈ໊ ປົ໌ວ ອ໋ອຍ ຕສຸ ຫລົ່ງ ທສິວ ເວດ ຄວດ. ໄຈ໊ ລິ໌ວ ປົ໌ວ, ອກະຮ້າ ແອ໋ງ ປຢົ໊ບ ຈ໊ຽນ.

14ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຖສົາ ເມີ່ຍ ບົວ ຢຽມ ທສຢັ້ງ ກະຍົ໌ວ ເຫວີ່ຍ ເປວ ຈ໊ຽນ ເມີ່ຍ ບົວ, ເຖງ ເມີ່ຍ ບົວ ເບ໊າະ ຮີ່ງ ເມີ່ຍ ບົວ ເຍີຍ ວິນ-ວັ້ງ. ເຫວີ່ຍ ນ້າຍ ເມີ່ຍ ບົວ ເຍີຍ ທສຢັ້ງ ອ໋ອຍ ຕສຸ ທສີງ-ເດສ່ງ ເຫວີ່ຍ ປຸນ ຕສ໊ຽວ ໄມ້ ປວັດ ຢຽມ ເມີ່ຍ ບົວ ບຸດົ໋ງ ມ່າຍ ຫາຍ ຫຍູ່ງ ມ່າຍ ຫວຸຍ, ໄລ່ ຮລົບ ເຍີຍ ກະນ້າຍ ຕສ່ຽວ ເລີ່ຍ ອກອຍ ເມີ່ຍ ບົວ.

15ເຊ ກ໊ອງ ມ່າຍ ເຕົ້າ ໂນ່ວ ເປຢົ໋າ ນິ່ນ ເຍີຍ ຕສ໊ຽວ ຕສ່ຽວ ຕ້າຍ ເຂົາ ເມີ່ຍ ບົວ, ໄມ້ ຕູ໋ງ ເຕສ໊າະ ນິ່ນ ຈິວ ປຸນ ນິ່ນ ເຍີຍ ຕສ໊ຽວ.

16ປຸນ ນິ່ນ ຢຽມ ເມີ່ຍ ບົວ ບຸດົ໋ງ. ອ໋ອຍ ຢຽມ ຫາຍ ນອມ ມູ້ງ, ຫາຍ ນອມ ຕ໋ອງ, ເຊວີ່ຍ ນິ່ນ ກິ໊ນ. ຢ່າ ໄມ້ ຕູ໋ງ ໂຕສ໋ວ ໂຕະ ຫ່ອຍ ນິ່ນ.

17ອິສະລາເອນ ມ່ຽນ ມຈັ່ງ ມເຊັຍ ໄມ້ ຕູ໋ງ ມ່າຍ ຫາຍ ເຕົ້າ ຢຽມ ຕສັ່ງ ຕສ້ຽນ ເຍີຍ ເປຢົ໊າ ໂຕສ໋ວ ໝ່າຍ ປ໊ວນ-ຊິນ ເຍີຍ ມ່ຽນ.

18ມຈັ່ງ ໄຟ ມເຊັຍ ໝ່າຍ ປ໊ວນ-ຊິນ ຕຸ໊ ຕ້າຍ ເຍີຍ ຍ່ານ ໄມ້ ຕູ໋ງ ຕໍ້ ເປັຍ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຍີຍ ເປຢົ໊າ ເຫວີ່ຍ ຈ໊າວ ຊູງ ແລ໌ງ ເຍີຍ ແຫງ່ງ ຫວ່າ, ເຫວີ່ຍ ຕສຸ ນ້າຍ ເຕີ໋ຍ ອີ ຫຍູ່ງ ມ່ຽນ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ໂຢ໋ວ! ໄຫ່.

19ກ໊າ ຫາຍ ຫຍູ່ງ ປຸນ ເມີ່ຍ ບົວ ເຍີຍ ກໍ໋-ໂຢ໌ວ, ໄມ້ ຕູ໋ງ ຫລົ່ງ ເຫລີ່ຍ ຕສິ້ນ, ໄມ້ ກຸ໊ນ ກ໊າ ຍ່ານ ໄຟ ຫຍັ່ນ ຮົບ ໄຟ ຫາຍ ຫຍູ່ງ ໄຮ່ ຕຸ໊ ເຫລີ່ຍ ຕສິ້ນ ເຍີຍ ກະນ້າຍ.

20ກ໊າ ປຸນ ກັ້ນ ຝີງ ມ່ຽນ ເຫວີ່ຍ ຫລົ່ງ ເຫລີ່ຍ ຕຸ໊ ເຍີຍ. ມປ່າ ກ໊າ ປຸນ ເຖສົາ ເມີ່ຍ ບົວ ຈວັ່ງ ຝີງ ເຍີຍ ອິສະລາເອນ ມ່ຽນ ກໍ໋-ໂຢ໌ວ ໄມ້ ຕູ໋ງ ກ໊າ ເຫວີ່ຍ ຫລົ່ງ ເຫລີ່ຍ. ຮນັ້ງ ໜ່າຍ ເມີ່ຍ ບົວ ເປັຍ ອ໋ອຍ ເປ໋ນ ເມີ່ຍ ບົວ ເຍີຍ ປ່ວນ ວົ້ວ ນອມ ເຕີ່ຍ-ປູງ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຕສ່ຽວ ເຖສີຍ ຟຸ ເມີ່ຍ ບົວ ເຍີຍ ປົ໌ວ ໂຕສ໋ວ ເຍີຍ ຫຍູ່ງໆ ກົງ.

21ເຊ ກ໊ອງ ເມີ່ຍ ບົວ ແລ໌ງ ແຫງ່ງ ຫວ່າ ປຸນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ໄມ້ ຕູ໋ງ ໄງ່, ອ໋ອຍ ຕສຸ ຈ໊າວ, ເຫວີ່ຍ ຕສຸ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ດົ່ງ ຫາຍ ຕສູ໊ງ ອ໋ອຍ ອ໊າບ ເມີ່ຍ ບົວ ຈ໊າວ. ໄມ້ ຈ໊າວ ນໍ, ເປ໋ນ ຕສຸ໌ຍ ໝີ່ ອ໊ະ.

22ມປ່າ ເຊ ກ໊ອງ ເມີ່ຍ ບົວ ຊິ້ມ ຈ໊ຽນ, ໄມ້ ແລ໌ງ ຫາຍ ຫຍູ່ງ, ເມີ່ຍ ບົວ ຕສ່ຽວ ໄມ້ ມ່າຍ ຕສຸ໌ຍ.

23ເມີ່ຍ ບົວ ເຍີຍ ດສຸ້ຍ ກ໊ອງ ທສວດ ແລ໌ງ ຫາຍ ຫຍູ່ງ, ຕສະເກ້ງ ອ໋ອຍ ຕສຸ ເອີຍ ຈ໊ຽນ ວົ້ວ ຫຍູ່ງ ໂຕສ໋ວ, ເຫວີ່ຍ ຕສຸ ເຊ ເມີ່ຍ ບົວ ກັ້ນ ມ່າຍ ໂຮຍ້ວ ແລ໌ງ ປຸນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ.

24ເຊ ກ໊ອງ ເມີ່ຍ ບົວ ເປັຍ ຈວັ່ງ ລ໌າງ ມ່ຽນ ເຍີຍ ອະຫງຸ່ນ ຫຮວີງ, ເຊວີ່ຍ ປິ່ນ ຫຍັ່ນ ອະຫງຸ່ນ ປ໊ຽວ, ມປ່າ ໄມ້ ຕູ໋ງ ແກ໊ະ ຕັ໊ບ ດານ ຕໍ້ ດສ໋ວນ.

25ເຊ ກ໊ອງ ເປັຍ ກັ້ນ ເຕົ້າ ມ່ຽນ ເຍີຍ ເບຢົ້າ ເດີ່ຍ, ຫລົ່ງ ປົ໌ວ ນຽດ ເບຢົ້າ ຕໍ໊ ຮລັດ ຫຍັ່ນ ຕຸ໊ ເຍີຍ, ມປ່າ ໄມ້ ຕູ໋ງ ຫລົ່ງ ດສຸ ລິ່ມ ກ໊າດ.

← Chapter 22 Jump to: Chapter 24 →