Deuteronomy 25

Lao Bible (ฉบับอักษรลาว)

← Chapter 24 Jump to: Chapter 26 →

1ເຊ ກ໊ອງ ອີ ເຕົ້າ ມ່ຽນ ມ່າຍ ສີ່ ແປງ ເຖົາ ສີ່ ຕ້ອງ, ຊ້ຽມ ຕສຸ໌ຍ ຈຽນ ຕສ່ຽວ ຕີ່ງ ຫາຍ ເຕົ້າ ຕ່ອງ, ຫາຍ ເຕົ້າ ໄມ້ ຕ່ອງ.

2ເຊ ກ໊ອງ ມ່າຍ ຕສຸ໌ຍ ວົ້ວ ເຕົ້າ ຕສີ່ ຕຸ໊ ເບ໊າະ, ຊ້ຽມ ຕສຸ໌ຍ ຈຽນ ຕສ່ຽວ ເຫ່ວ ນິ່ນ ບ໊າບ ເອຈ່ຍ ເດົາ, ຕສິ໋ວ ນິ່ນ ໂຕສ໋ວ ເຍີຍ ຕສຸ໌ຍ ຕສີ່ ຕຸ໊ ເບ໊າະ ເຍີຍ ໂສວ ໂໝ່ວ ຕອງ ຈ໊ຽນ ຊ້ຽມ ຕສຸ໌ຍ ຈຽນ ຕສຸ ເບ໊າະ.

3ມປ່າ ໄມ້ ຕູ໋ງ ປຸນ ນິ່ນ ຕສຸ ເບ໊າະ ເກົ້າ ທສ້ຳ ເຝີຍ ຕສຽບ ປິນ. ເຊ ກ໊ອງ ເບ໊າະ ເຈ໋ຍ ດ່າງ ໂສວ ໂໝ່ວ, ເດສ໋ຍ ໂຕສ໋ວ ປຸນ ເມີ່ຍ ບົວ ເຍີຍ ກໍ໋-ໂຢ໌ວ ຕສ່ານ ໄຫ່.

4ງົ່ງ ຫລິ່ນ ເບຢົ້າ ເຍີຍ ຕສຢັ້ງ ໂຫ່ ໄມ້ ຕູ໋ງ ໂຕວ ງົ່ງ ເຍີຍ ດສຸ້ຍ ແປ໋ງ.

5ເຊ ກ໊ອງ ມ່າຍ ອີ ມົ໌ວ-ຕອນ ຈວັ່ງ ເປຢົ໊າ ຢຽມ, ມ່າຍ ເຕົ້າ ໄຕ່ ໝີ່ ອ໊ະ, ຢ່າ ໄມ້ ແກ້ງ ມ່າຍ ຕອນ, ໄຕ່ ວົ້ວ ເຕົ້າ ເຍີຍ ເອົ໊າ ໄມ້ ຕຸ໊ ທສວດ ແກ້ງ ມີ່ງ ຫລົ່ງ ກະເຫຍ່ຍ ເຍີຍ ມ່ຽນ ໂຕສ໋ວ ໂອກ໋. ໂອກ໋ ເຍີຍ ກໍ໋ ໄຟ ໂຢ໌ວ ອ໋ອຍ ຕສຸ ເອີຍ ຈ໊ຽນ ຫລົ່ງ ຍາມ-ກວ໊າ ໄຟ ເດສ໌ຍ-ກວ໊າ ເຍີຍ ເລີ໌ຍ-ເຫຍີ່ຍ ຫລົ່ງ ນິ່ນ ໂຕສ໋ວ ເອົ໊າ.

6ນິ່ນ ຢູ໌ງ ຕຸ໊ ຕ້າວ ເຕົ້າ ຕອນ ອ໋ອຍ ຕສຸ ດສິບ ໄຕ່ ວົ້ວ ເຕົ້າ ກໍ໋ ໄຟ ໂຢ໌ວ ເຍີຍ ບົ໋ວ ເຫວີ່ຍ ໄມ້ ປຸນ ນິ່ນ ເຍີຍ ບົ໋ວ ຢຽມ ອິສະລາເອນ ມ່ຽນ ບຸດົ໋ງ ຕສຸດ ເດສ່ງ.

7ເຊ ກ໊ອງ ໄຕ່ ມີ່ງ ວົ້ວ ເຕົ້າ ໂອກ໋ ເຍີຍ ມົ໌ວ-ຕ່ອຍ ໄມ້ ຄັ້ງ ປຸນ ດສິບ ນິ່ນ ເຍີຍ ກໍ໋ ໄຟ ໂຢ໌ວ ເຍີຍ ບົ໋ວ, ວົ້ວ ເຕົ້າ ເອົ໊າ ຕສ່ຽວ ມີ່ງ ຕສີ້ງ ແກ້ງ, ມ່ຽນ ໂກ໋ ວົ້ວ ກ໊ອງ, “ເຢຍ ເຍີຍ ໂອກ໋ ເຍີຍ ມົ໌ວ-ຕ່ອຍ ໄມ້ ຄັ້ງ ປຸນ ນິ່ນ ເຍີຍ ກໍ໋ ເຍີຍ ບົ໋ວ ຢຽມ ອິສະລາເອນ ມ່ຽນ ບຸດົ໋ງ ດສິບ ຈ໊ຽນ ມີ່ງ. ນິ່ນ ໄມ້ ຄັ້ງ ເອີຍ ຈ໊ຽນ ຫລົ່ງ ຍາມ-ກວ໊າ ເຍີຍ ເລີ໌ຍ-ເຫຍີ່ຍ ຫລົ່ງ ເຢຍ ໂຕສ໋ວ ເອົ໊າ.”

8ວົ້ວ ນອມ ຕສີ້ງ ເຍີຍ ມ່ຽນ ໂກ໋ ຕສ່ຽວ ເຫ່ວ ວົ້ວ ເຕົ້າ ມ່ຽນ ຕ້າຍ ໜ່າຍ ນິ່ນ. ເຊ ກ໊ອງ ນິ່ນ ຖສໍ່ ແຫງ່ງ ຈ໊ຽນ ກ໊ອງ, “ເຢຍ ໄມ້ ອ໋ອຍ ຫລົ່ງ ນິ່ນ ໂຕສ໋ວ ເອົ໊າ” ນໍ,

9ວົ້ວ ເຕົ້າ ຍາມ-ກວ໊າ ຕສ່ຽວ ຕອງ ຈ໊ຽນ ມ່ຽນ ໂກ໋ ມີ່ງ ທຸດ ນິ່ນ ເຍີຍ ໂຢ໌ວ ເຍີຍ ຢຽດ ເຈັ໊ຍ ເຮ່, ຢ່າ ທຸ້ຍ ວວມ-ດສຸ້ຍ ແນດ ນິ່ນ ເຍີຍ ຮມຽນ ກ໊ອງ, “ຕະຟ່ານ ໄມ້ ເຖງ ນິ່ນ ເຍີຍ ກໍ໋ ເຖສີຍ ຮມວັ້ງ ຕ່ອຍ ເຍີຍ ມ່ຽນ ອ໋ອຍ ຕສຸ ຮນັ້ງ ນ້າຍ ນໍ ໂຕສ໋ວ ປຸນ ນິ່ນ.”

10ຢຽມ ອິສະລາເອນ ມ່ຽນ ບຸດົ໋ງ ວົ້ວ ປ່ວນ ມ່ຽນ ຕສ່ຽວ ຕຸ໊ ບົ໋ວ ເຫ່ວ “ຕສຸ ທຸດ ເຮ່ ເຍີຍ ຮມວັ້ງ ຕ່ອຍ.”

11ເຊ ກ໊ອງ ມ່າຍ ອີ ເຕົ້າ ມ່ຽນ ເບ໊າະ ຈ໋າ, ມ່າຍ ຢຽດ ເຕົ້າ ເຍີຍ ເອົ໊າ ອ໋ອຍ ມີ່ງ ໂອຈ໋ວ ນິ່ນ ເຍີຍ ໂອກ໋ ເປຢົ໋າ ດຸ໊ດ ເບ໊າະ ນິ່ນ ເຍີຍ ໂອກ໋ ວົ້ວ ເຕົ້າ, ຕສ່ຽວ ຊູງ ປົ໌ວ ເຍົາ ຈ໊ຽນ ວົ້ວ ເຕົ້າ ມ່ຽນ ເຍີຍ ລ່ຳ ເບວີ໌ຍ ຕ໋ອງ,

12ເມີ່ຍ ບົວ ອ໋ອຍ ຕສຸ ຮງະ ດຸ໊ດ ວົ້ວ ເຕົ້າ ເອົ໊າ ເຍີຍ ປົ໌ວ. ຢ່າ ໄມ້ ຕູ໋ງ ຄໍ້-ລ່ຽນ ນິ່ນ.

13ໄມ້ ຕູ໋ງ ມ່າຍ ອີ ຫຍູ່ງ ດສຢັງ-ຕໍ້, ຢຽດ ນອມ ໂຮລ ຢຽດ ນອມ ໄຝ, ຕັ໊ບ ຈ໊ຽນ ເມີ່ຍ ບົວ ເຍີຍ ບົວະ.

14ຢຽມ ເມີ່ຍ ບົວ ເຍີຍ ເປຢົ໊າ ຢ່າ ໄມ້ ຕູ໋ງ ມ່າຍ ອີ ຫຍູ່ງ ຮລາວ ເຍີຍ ກະນ້າຍ, ຢຽດ ນອມ ໂຮລ, ຢຽດ ນອມ ໄຝ.

15ດສຢັງ ເຍີຍ ເຖສົາ ຮລາວ ເຍີຍ ກະນ້າຍ ອ໋ອຍ ຕສຸ ຫອບ ເຍີຍ, ຕ໋ອຍ ເຍີຍ. ຮນັ້ງ ໜ່າຍ ເມີ່ຍ ບົວ ຕສ່ຽວ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຈິວ ປຸນ ເມີ່ຍ ບົວ ເຍີຍ ເຕີ່ຍ-ປູງ ຕສຢັ້ງ ຕຸ໊ ສ່ຽວ ຍ່ວນ ດ໊າວ,

16ເຫວີ່ຍ ຕສຸ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ໂຢ໋ວ ໄຫ່ ໂຕສ໋ວ ນ້າຍ ຫຍູ່ງ ສີ່ ເຍີຍ ມ່ຽນ, ເຊ ໂຮຍ້ວ ອຈ໊ວດ, ໂຮຍ້ວ ພຽນ ເຍີຍ ມ່ຽນ.

17ອ໋ອຍ ຕສຸ ຈັ໋ງ ຈ໊ຽນ ເມີ່ຍ ບົວ ທສວດ ອີຢິ໊ບ ເຕີ່ຍ-ປູງ ຢຽມ ເຈົ໊າ ຕສັ່ງ ວົ້ວ ຕສັ່ນ ອາມາເລກ ມ່ຽນ ຮນັ້ງ ຫາຍ ນໍ ໂຕສ໋ວ ປຸນ ເມີ່ຍ ບົວ.

18ເມີ່ຍ ບົວ ຢຽມ ເຈົ໊າ ຕສັ່ງ ເມົາ ໄຫ່, ໂຄ້ວ ໄຫ່ ວົ້ວ ຕສັ່ນ, ນິ່ນ ບົວ ທສວດ ຕ້າຍ ຕັ໊ງ ຈ໊ຽນ ກັນ ອກະຮ້າ ຕ້າຍ ວົ້ວ ເຕີ໋ຍ. ນິ່ນ ບົວ ຢ່າ ໄມ້ ກ້ຳ ເດສ໋ຍ ທິນ-ຮູ່ງ.

19ຮນັ້ງ ໜ່າຍ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ປຸນ ເມີ່ຍ ບົວ ຕຸ໊ ຢຽມ ຈ໊ຽນ ນິ່ນ ອ໋ອຍ ຈິວ ປຸນ ເມີ່ຍ ບົວ ດສິບ ເຍີຍ ເຕີ່ຍ-ປູງ ຮິດ ຂວນ, ໄມ້ ຕສຸ ເວີ່ຍ ກ໋ອມ ເຍີຍ ວິນ-ວັ້ງ ຫ່ອຍ. ເມີ່ຍ ບົວ ອ໋ອຍ ຕສຸ ໄຕ໋ ເດສ່ງ ນ້າຍ ເຕີ໋ຍ ອາມາເລກ ມ່ຽນ ປຸນ ນິ່ນ ບົວ ຕສຸດ ເດສ່ງ. ຢຽມ ລູ່ງ ເດ໊ຍ ໄມ້ ມ່າຍ ຫາຍ ເຕົ້າ ຈັ໋ງ ຕຸ໊ ນິ່ນ ບົວ ເຍີຍ ບົ໋ວ. ເມີ່ຍ ບົວ ທສິນ-ໝ່ານ ໄມ້ ຕູ໋ງ ຫລະຄຸ.

← Chapter 24 Jump to: Chapter 26 →