bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Kings 13
2 Kings 13
Mossi MPBU (WẼNNAAM SEBRE 2014)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 14 →
1
Zʋʋda rĩm a Akaazɩya biig a Zoaas sẽn deeg naam tɩ yʋʋm pisi la a tãablẽ, la a Zehu biig a Zoakaaz me lebg Israyɛll dĩm Samaari tẽnga. La yẽnda rɩɩ naamã yʋʋm piig la a yopoe.
2
Rĩm a Zoakaaz maana sẽn yaa wẽng Sẽn-Ka-Saab nifẽ. Yẽnda maana yel-wẽns nins a Nebat biig a Zeroboaam sẽn maan n kɩt tɩ Israyɛll nebã lʋɩ kongr pʋgã, la yẽnda kell n ka bas yel-wẽn-kãens maaneg ye.
3
Woto, Sẽn-Ka-Saab sũur yika ne Israyɛll nebã. Dẽ, bãmb basame tɩ Siiri rĩm a Azayɛll ne a biig a Bɛn-Hadaad tõog Israyɛll nebã wakat fãa.
4
La a Zoakaaz yõka Sẽn-Ka-Saab sɛɛga, n kos-b tɩ b maan sugri, la Sẽn-Ka-Saab leoka a pʋʋsgã, bala, bãmb yãnda namsg ning Siiri rĩmã sẽn dag n namsd Israyɛll nebã.
5
Dẽ, Sẽn-Ka-Saab yãka fãagd n kõ Israyɛll nebã, la sẽn sɩng ne wakat-kãnga, b paama b meng ne Siiri nebã sẽn dag n namsd-bã. Woto, Israyɛll nebã leb n tõog n vɩɩmda b fu-rotã pʋs wa pĩndã.
6
La baoosg zãnga, bãmb ka bas yel-wẽn nins a Zeroboaam doogã neb sẽn dag n maan n kɩt tɩ Israyɛll nebã lʋɩ kongr pʋgẽ wã ye. Bãmb maana yel-wẽn-kãense, n kell n bas wẽn-naandg a Aseera ra-lugdgã t'a ket n be Samaari tẽnga.
7
Bũmb nins Sẽn-Ka-Saab sẽn bas ne a Zoakaaz yaa wed-rʋʋdb pis-nu, ne saar-dãmb piiga, n paas tãb-biis tus-piig sẽn kẽnd ne nao. Bala, Siiri rĩmã sãama bãmb n kɩt tɩ b lebg zaalem wa tẽng tom tɩ b tabd ne nao.
8
A Zoakaaz tʋʋm a taabã ne a sẽn maan bũmb ninsã, ne a gãndaalmã gʋlsa Israyɛll dĩm-dãmbã kibay sebr pʋga.
9
A Zoakaaz saka a saam-dãmba, la b mum-a-la Samaari tẽnga, la a biig a Zoaas n led yẽnda zĩigẽ n dɩ naamã.
10
Zʋʋda rĩm a Zoaas sẽn deeg naam tɩ yʋʋm pis-tã la a yopoɛɛlẽ, la a Zoakaaz biig a Zoaas lebg Israyɛll dĩm Samaari tẽnga. Yẽnda rɩɩ naam yʋʋm piig la a yoobe.
11
Yẽnda maana sẽn yaa wẽng Sẽn-Ka-Saab nifẽ. Yẽnda ka tol n bas yel-wẽn nins a Nebat biig a Zeroboaam sẽn dag n maan n kɩt tɩ Israyɛll nebã lʋɩ kongr pʋgã ye. Yẽnda me kell n maana yel-wẽn-bãmba.
12
A Zoaas tʋʋm a taabã, ne a yɛl a taabã n paas a gãndaalmã, ne yẽnda sẽn zab ne Zʋʋda rĩm a Amatsɩya wã kibar gʋlsa Israyɛll dĩm-dãmbã kibay sebr pʋga.
13
A Zoaas saka a saam-dãmba, la a Zeroboaam n led yẽnda zĩigẽ. B muma a Zoaas Samaari tẽng n naag Israyɛll dĩm-dãmbã.
14
A Eliize lʋɩɩ bãaga, la rag n yaa a yõor bãaga. Israyɛll dĩm a Zoaas kẽnga a Eliize nengẽ n tɩ yãb a zug n yeele: «M ba! M ba! Israyɛll saar-dãmb ne a wed-rʋʋdba!»
15
La a Eliize yeel-a lame yaa: «Kẽng n tɩ bao tãp ne pɛɛm n wa.» Yẽnda tɩ baoo tãpã ne pɛɛmã n wa.
16
La a Eliize yeela Israyɛll dĩmã yaa: «Rɩk f tãpã n dʋʋse.» La rĩmã sẽn dʋʋs tãpã, a Eliize rɩka a nus n tik rĩmã nus n yeele:
17
«Lak võorã sẽn teesd yaangã!» La rĩmã laka võorã. A Eliize yeelame t'a tão tãpã. La rĩmã tãoome. La a Eliize yeelame: «Yõwã yaa tõogr peemd sẽn yit Sẽn-Ka-Saab nengẽ. Yaa peemd sẽn na n kɩt tɩ yãmb tõog Siiri nebã. Fo na n tõoga Siiri nebã n dig-b n ta Afɛk n menes-b zãnga.»
18
A Eliize leb n yeela rĩmã t'a rɩk a pɛɛmã. La a rɩk-b lame. Dẽ, a Eliize yeela Israyɛll dĩmã yaa: «Rɩk-y pɛɛmã n wẽ tẽngã!» Dẽ, rĩmã rɩka pɛɛmã n wẽ tẽng naoor a tãab n bas n yalse.
19
Wẽnnaam dao a Eliize sũurã yika ne rĩmã t'a yeele: «Yãmb dag n kõn wẽe naoor a nu bɩ a yoobe. Woto, yãmb dag n na n tõog n menesa Siiri nebã zãnga. La moasã wã, yãmb na n tõog-b-la naoor tãab bala.»
20
A Eliize kiime tɩ b mum-a. La yʋʋmdã sẽn vẽke, Moaab tãb-biisã kẽe Israyɛll tẽngã.
21
La daar a yembre, neb n dag n dabd kũum mumbu, la b yãnda Moaab tãb-bi-sull a ye sẽn wate. Dẽ, b rɩka kũumã n lob a Eliize yaoogẽ wã. La raoã kũum sẽn sɩɩs a Eliize kõabã, raoã vʋʋgame n yik n yalse.
22
A Zoakaaz vɩɩmã tɛka, Siiri rĩm a Azayɛll namsa Israyɛll nebã.
23
La Sẽn-Ka-Saab zoee Israyɛll nebã nimbãanega, n maan-b neere. Kaool ning Sẽn-Ka-Saab sẽn dag n maan ne a Abrahaam la Izak ne a Zakoobã yĩnga, b ka tʋlg n na n sãam Israyɛll nebã ye. La hal tɩ ta rũndã, Sẽn-Ka-Saab ka rig-b tɩ b zãag ne bãmb me ye.
24
Siiri rĩm a Azayɛll kiime, la a biig a Bɛn-Hadaad n led yẽnda zĩigẽ n lebg rĩmã.
25
A Zoaas zaba ne a Bɛn-Hadaad n tõog-a, n deeg tẽms nins a Bɛn-Hadaad ba a Azayɛll sẽn dag n zab n deeg yẽnda ba a Zoakaaz nengẽ wã. A Zoaas zaba ne a Bɛn-Hadaad naoor a tãabo, n tõog n leb n deeg Israyɛll tẽmsã n lebse.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25