bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Kings 15
2 Kings 15
Mossi MPBU (WẼNNAAM SEBRE 2014)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Israyɛll dĩm a Zeroboaam sẽn wa n deeg a naamã tɩ yʋʋm pisi la a yopoɛɛlẽ, la a Amatsɩya biig a Azariya lebg Zʋʋda rĩmã.
2
A Azariya sẽn wa n na n deeg naamã t'a rag n tara yʋʋm piig la a yoobe, la yẽnda rɩɩ naamã yʋʋm pis-nu la a yiib Zeruzalɛm. Yẽnda ma wã yʋʋr la Yekoliya n yaa Zeruzalɛm bi-pugla.
3
A Azariya maana sẽn yaa tɩrg Sẽn-Ka-Saab nifẽ. Yẽnda kell n maana wa a ba a Amatsɩya sẽn dag n maanã.
4
La baoosg zãnga, b ka menes maoong kʋʋb zĩisã ye. Nebã rag n ket n kẽnd n maanda maand la b yõogd wisd maoong kʋʋb zĩisẽ wã.
5
Woto, Sẽn-Ka-Saab kɩtame tɩ wãood yõk rĩmã hal n tãag a kũum. Rẽ rag n kɩtame tɩ rĩmã welg n tɩ vɩ kɛɛng n ka naag nebã ye. Dẽ, yẽnda biig a Zotam lebga na-yirã zak naaba, n soog tẽngã neb fãa.
6
A Azariya tʋʋmã fãa ne a sẽn maan bũmb ninsã fãa gʋlsa Zʋʋda rĩm-dãmbã kibay sebr pʋga.
7
A Azariya saka a saam-dãmba, la b mum-a lame n naag a ba-rãmbã a Davɩɩd tẽngã pʋga. La yẽnda biig a Zotam n led yẽnda zĩig n dɩ naamã.
8
Zʋʋda rĩm a Azariya sẽn deeg naam tɩ yʋʋm pis-tã la a niinẽ, la a Zeroboaam biig a Zakari me lebg Israyɛll dĩm Samaari tẽnga, la yẽnda rɩ a naamã kiis a yoobe.
9
A Zakari maana sẽn yaa wẽng Sẽn-Ka-Saab nifẽ, wa yẽnda ba-rãmbã sẽn dag n maanã. Yẽnda ka bas yel-wẽn nins a Nebat biig a Zeroboaam sẽn dag n kɩt tɩ Israyɛll nebã lʋɩ kongr pʋgã ye.
10
Ned a yembr yʋʋr sẽn boond t'a Salum n yaa a Yabɛɛs biig zãmba a Zakari, n kʋ-a nebã fãa nifẽ, n deeg yẽnda zĩig n dɩ naamã.
11
A Zakari tʋʋm a taabã gʋlsa Israyɛll dĩm-dãmbã kibay sebr pʋga.
12
Bõn-kãens paama pidsg wa Sẽn-Ka-Saab sẽn dag n gom ne a Zehu wã. Bãmb dag n yeelame: «Fo yagensã na n dɩɩ Israyɛll naamã hal n tɩ tãag zamaan a naasẽ soabã.» La a yɩɩ woto.
13
Zʋʋda rĩm a Azariya sẽn deeg naam tɩ yʋʋm pis-tã la a wɛɛlẽ, la a Yabɛɛs biig a Salum lebg rĩmã. A Yabɛɛs rɩɩ naamã kiuug a yembr bal Samaari tẽngã pʋga.
14
A Gadi biig a Menahɛm yii Tirsa n kẽng Samaari n tɩ kʋ a Yabɛɛs biig a Salum n deeg naamã.
15
A Salum tʋʋm a taabã ne a sẽn zãmb a Zakari wã gʋlsa Israyɛll dĩm-dãmbã kibay sebr pʋga.
16
Wakat-kãnga, a Menahɛm kẽnga Tifsa n tɩ kʋ neb nins fãa sẽn dag n be beenẽ wã, la a kʋ neb nins sẽn dag n be toadgẽ wã, sẽn sɩng ne Tirsa tẽngã n tɩ tãag Tifsa. Yẽnda sãama tẽn-bãmb b sẽn ka sak n deeg yẽnda wã yĩnga. La yẽnda weeda pagb nins sẽn tʋtã fãa pʋse.
17
Zʋʋda rĩm a Azariya sẽn deeg naam tɩ yʋʋm pis-tã la a wɛɛlẽ, la a Gadi biig a Menahɛm lebg Israyɛll dĩmã. A Menahɛm rɩ a naamã Samaari tẽng yʋʋm piiga.
18
A Menahɛm vɩɩmã tɛka, a maana sẽn yaa wẽng Sẽn-Ka-Saab nifẽ. Yẽnda ka bas yel-wẽn nins a Nebat biig a Zeroboaam sẽn dag n maan n kɩt tɩ Israyɛll nebã lʋɩ kongr pʋgã ye.
19
Asiiri rĩm a Pull wa n kẽe tẽngã pʋga. La a Menahɛm kõo yẽnda wanzuri toan pis-tã, n na n kos-a t'a sõng-a t'a rĩungã paam pãnga.
20
Yaa Israyɛll tẽngã arzegs rãmb nengẽ la a Menahɛm reeg ligd-kãng n kõ Asiiri rĩm a Pulli. Bãmb ned kam fãa yaoo wanzuri wakɩ-koeems pis-nu. Woto, Asiiri rĩm a Pull lebg n loogame n ka kaoos tẽngã pʋg ye.
21
A Menahɛm tʋʋm a taabã ne a sẽn maan bũmb ninsã fãa gʋlsa Israyɛll dĩm-dãmbã kibay sebr pʋga.
22
A Menahɛm saka a saam-dãmba, t'a biig a Pekaya n led yẽnda zĩigẽ n dɩ naamã.
23
Zʋʋda rĩm a Azariya sẽn deeg a naamã tɩ yʋʋm pis-nuunẽ, la a Menahɛm biig a Pekaya lebg Israyɛll dĩm Samaari. A Pekaya rɩ a naamã yʋʋm a yiibu.
24
A Pekaya maana sẽn yaa wẽng Sẽn-Ka-Saab nifẽ, bala, yẽnda ka bas yel-wẽn nins a Nebat biig a Zeroboaam sẽn dag n maan n kɩt tɩ Israyɛll nebã lʋɩ kongr pʋgã ye.
25
La a Remaliya biig a Peka sẽn yaa yẽnda wed-kɩɩm-naabã zãmb-a lame. A Peka peega Galaad neb pis-nu n kẽng na-yirã sẽn be Samaari wã, n tɩ kẽ n kʋ rĩm a Pekaya, la a kʋ a Argoob ne a Ariye. A Peka kʋʋ a Pekaya n deeg a zĩig n dɩ naamã.
26
A Pekaya tʋʋmã ne a sẽn maan bũmb ninsã fãa gʋlsa Israyɛll dĩm-dãmbã kibay sebr pʋga.
27
Zʋʋda rĩm a Azariya sẽn deeg a naamã tɩ yʋʋm pis-nu la a yiiblẽ, la a Remaliya biig a Peka lebg Israyɛll dĩm Samaari tẽnga. Yẽnda rɩɩ naamã yʋʋm pisi.
28
A Peka maana sẽn yaa wẽng Sẽn-Ka-Saab nifẽ. Yẽnda ka bas yel-wẽn nins a Nebat biig a Zeroboaam sẽn maan n kɩt tɩ Israyɛll nebã lʋɩ kongr pʋgã ye.
29
A Peka sẽn wa n yaa Israyɛll dĩmã wakate, Asiiri rĩm a Tɩlgat-Pilezɛɛr wa n zab n deega Iyon, Abɛll-Bɛt-Maaka, ne Yanoak la Kedɛɛse, la a reeg Hatsoor ne Galaad la Galɩle, n paas Neftali tẽngã zãnga, la a yõg tẽn-kãens nebã n tall n kẽng Asiiri.
30
A Ela biig a Ooze zãmba a Remaliya biig a Peka n kʋ-a, n deeg a zĩig n dɩ naam. La rẽ tɩ yaa a Azariya biig a Zotam sẽn deeg naam tɩ yʋʋm pissiiblẽ.
31
A Peka tʋʋm a taabã ne a sẽn maan bũmb ninsã fãa gʋlsa Israyɛll dĩm-dãmbã kibay sebr pʋga.
32
A Remaliya biig a Peka sẽn deeg Israyɛll naam tɩ yʋʋm yiiblẽ, la a Azariya biig a Zotam lebg Zʋʋda rĩmã.
33
Yẽnda sẽn wa n na n lebg rĩmã, t'a tara yʋʋm pisi la a nu, la yẽnda rɩɩ naamã yʋʋm piig la a yoob Zeruzalɛm. A Zotam ma wã yʋʋr la a Yeruusa, n yaa a Sadok bi-pugla.
34
Zʋʋda rĩm a Zotam maana sẽn yaa tɩrg Sẽn-Ka-Saab nifẽ. Yẽnda kell n maana wa yẽnda ba a Azariya sẽn dag n maanã.
35
La baoosg zãnga, bãmb ka menes maoong kʋʋb zĩisã ye. Nebã rag n ket n kẽnd n maanda maand la b yõogd wisd maoong kʋʋb zĩisẽ wã. A Zotam mee Sẽn-Ka-Saab roogã yĩngr doogã dignoore.
36
A Zotam tʋʋm a taabã ne a sẽn maan bũmb ninsã fãa gʋlsa Zʋʋda rĩm-dãmbã kibay sebr pʋga.
37
Yaa Wakat-kãng la Sẽn-Ka-Saab sɩng n na n tʋm Siiri rĩm a Retsĩn ne Israyɛll dĩm a Peka sẽn yaa a Remaliya biigã tɩ b na n tɩ zab ne Zʋʋda tẽngã.
38
Rĩm a Zotam saka a saam-dãmba, tɩ b mum-a n naag a ba-rãmbã, a yaab a Davɩɩd tẽngã pʋga. La yẽnda biig a Akaaz leda yẽnda zĩigẽ n dɩ naamã.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25