bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Kings 4
2 Kings 4
Mossi MPBU (WẼNNAAM SEBRE 2014)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Daar a yembre, no-rɛɛsdbã karen-biig a ye pag wa a Eliize nengẽ n kelem n yeel-a yaa: «Mam sɩdã sẽn yaa Wẽnnaam tʋmtʋmdã kiime, la yãmb miime t'a rag n yaa ned sẽn zoet Wẽnnaam. A rag n tara ned a ye samde, la sam-soabã waame n dat n yõg mam kom-dibli a yiibã n tɩ maan yembse.»
2
La a Eliize yeela pagã yaa: «Bõe la f rat tɩ m maan n kõ-fo? Wilg maam fo sẽn tar bũmb ning f roogã pʋga.» Pagã leokame: «Mam ka tar bũmb ye. Yaa kaam bilf bal la m tar tɩ be yir ne tʋko.»
3
Woto, a Eliize yeel-a lame: «Kẽng f yagsã fãa nengẽ n tɩ kos rʋg-vɩɩdo, la f sã n na n kose, bɩ f kos rʋgd wʋsgo.
4
Fo sã n lebg n ta yiri, bɩ foom ne f kambã kẽ roogẽ, n lebs roogã noor n page. La f rɩk kaamã n kiig rʋgdã fãa pʋse, tɩ sẽn pid-bã, bɩ f lebs bãmb kɛɛnga.»
5
Pagã basa a Eliize n looge. La yẽnda ne a kambã kẽng n tɩ kẽe roogẽ wã n page, la kambã rag n dɩgsda rʋgdã n kɩt b ma wã t'a kiigd kaamã.
6
Rʋgdã fãa wa n pidame, la pagã yeela a biigã t'a kõ-a rʋk t'a kiig kaamã, la a biigã yeel-a lame tɩ rʋg-vɩʋʋg ka leb n ketẽ ye. Dẽ, kaamã sẽn dag n bundã yalsame.
7
Pagã kẽngame n tɩ togs Wẽnnaam daoã bũmb ning sẽn maanã. La Wẽnnaam daoã yeel-a lame t'a kẽng n tɩ koos kaamã n yao a samdã, la a rɩk sẽn kellã tɩ yẽnda ne a kambã rɩtẽ.
8
Daar a yembre, a Eliize rag n pɩʋʋgda Sunem tẽngã n loogdẽ, la pag a ye n dag n be tẽn-kãng n yaa nin-kãsenga, la a pẽdga a Eliize t'a wa sig yẽnda yirã t'a kõ-a rɩɩbo. Dẽ, sẽn sɩng ne badaare, a Eliize sã n wa n tũud tẽn-kãng n loogdẽ, a sigda pagã zakẽ n dɩ la a looge.
9
La pagã wa n yeela a sɩdã yaa: «Ges-y-yã, ad-y rao ning sẽn sigd-a tõnd yirã wakat fãa wã yaa Wẽnnaam ned sẽn yaa pʋ-peelem soaba.
10
Dẽ wã, wa-y tɩ d me ro-bil doogã zugu, n ning gãaga, la taable, ne goeele, n paas fɩtl doagendga. Woto, a sã n mi n wa sig tõndo, a tõe n kẽe beenẽ.»
11
Dẽ, daar a yembre, a Eliize wa n siga beenẽ, la yẽnda kẽe yĩngr doogẽ wã n na n vʋʋse.
12
A Eliize yeela a rakõor a Geyaazi t'a bool Sunem pagã. La a Geyaazi kẽng n tɩ bool-a lame t'a wa.
13
La a Eliize yeela a Geyaazi t'a sok pagã yaa: «Fo namsda tõnd yĩng wʋsgo, bõe la fo rat tɩ d maan n kõ-fo? Fo ratame tɩ m kos bũmb rĩmã nengẽ, wall tãb-biis naabã nengẽ, n kõ-f bɩ?» Pagã yeelame: «Ayo! Mam bee ne m nebã, la ka bũmb n paoog-m ye.»
14
A Eliize soka a Geyaazi yaa: «Bõe la tõnd tõe n maan n kõ pagã?» A Geyaazi yeelame: «Bũmb sẽn be, yaa t'a ka tar biig ye. La a sɩdã me yaool n kʋʋlame.»
15
A Eliize yeela a Geyaazi t'a bool pagã t'a wa. La a Geyaazi bool-a lame t'a wa ta n yals roogã noore.
16
A Eliize yeela pagã yaa: «Vẽer woto wẽnde, tɩ fo bugda bi-ribla.» Dẽ, pagã yeelame: «Sɩd bɩ, m kẽem sõngo? Wẽnnaam neda, da-y belg-y-m ye!»
17
Sɩd me, pagã wa n dɩka pʋga, la sẽn vẽk yʋʋmde, a roga bi-ribla, wa Wẽnnaam dao a Eliize sẽn dag n yeel-a wã.
18
Biigã bɩɩme. La daar a yembre, a baaba wã sẽn wa n be ne bõn-koaadl tigsdbã, biigã yiime n kẽng a nengẽ.
19
La biigã yeela a baaba yaa: «M zug wɛɛ! M zug wɛɛ!» A ba wã yeela a rakõorã t'a tall-a n tɩ kɩs-a a ma.
20
Woto, rakõorã talla biigã n tɩ kɩs-a a ma. La biigã pa a ma wã naoẽ hal n tãag wĩnto-sʋka, la a maana kaalem.
21
La pagã talla biigã n dʋ yĩngr doogã n gãneg-a Wẽnnaam daoã gãag zugu, la a lebs roogã noor n pag biigã pʋgẽ, la a bas n yi.
22
Pagã boola a sɩdã n yeel-a yaa: «Mam kotame tɩ y yãk rakõapã ned a yembr t'a tall bõn-yãang n wa yãag-m tɩ m zoe n ta Wẽnnaam daoã nengẽ la m lebg n wa.»
23
A sɩdã sok-a lame: «Yaa noog tɩ f rabd Wẽnnaam daoã nengẽ rũndã? Bala, ka ki-paalga, leb n ka vʋʋsg daar me.» La pagã leok-a lame tɩ yell ka be ye.
24
Dẽ, pagã kɩtame tɩ b ning bõangã yolgo, la a yeel rakõor ning sẽn tog n yãag-a yẽnda wã yaa: «Lʋɩ taoor tɩ d kẽnge, la mam sã n ka yeel foom tɩ f yals bɩ f ra yals ye.»
25
Woto, pagã kẽng n tɩ paama Wẽnnaam daoã Karmell tãngã zugu. Wẽnnaam daoã sẽn yãnd pagã sẽn ket n be yɩɩg n watẽ, a yeela a rakõor a Geyaazi yaa: «Gese, yaa Sunem pagã la sẽn watã.
26
M kos tɩ f yik n wudg n seg-a, n sok-a n ges yaa noogo! La f sok-a n gese, a sɩdã ne a biigã sã n tara laafɩ.» La a Geyaazi sẽn kẽngã, pagã leokame tɩ yell ka be ye.
27
Dẽ, pagã sẽn ta Wẽnnaam daoã nengẽ Karmell tãngã zugu, a wudg n mobga Wẽnnaam daoã nao. La a Geyaazi kolgame n na n tus-a n serge, la Wẽnnaam dao a Eliize yeela a Geyaazi yaa: «Bas-a, bala, a bee sũ-sãan-kãseng pʋga, la Sẽn-Ka-Saab solga maam bõn-kãnga, n ka wilg maam ye.»
28
La pagã yeelame yaa: «M kẽem sõngo, mam dag n kosa yãmb tɩ m data biig sɩda? Mam dag n ka pĩnd n yeel yãmb tɩ y ra belg-m sɩda?»
29
A Eliize yeela a Geyaazi yaa: «Yik n sẽbg f sɛɛga, n deeg mam dasaarã n zoe n kẽnge. Fo sã n seg neda, bɩ f ra pʋʋs-a ye, la ned sã n pʋʋs foom, bɩ f ra reeg a pʋʋsmã ye. Fo sã n ta, bɩ f rɩk mam dasaarã n sɩɩs biigã nenga.»
30
Biigã ma yeelame: «Mam wẽenda ne Sẽn-Ka-Saabo, la ne yãmb sẽn vɩ wã, tɩ mam kõn tol n serg n bas yãmb ye.» Dẽ, a Eliize yikame n tũ pagã n looge.
31
A Geyaazi rag n denga bãmb taoore, n ta n dɩk rasaarã n sɩɩs biigã nenga, la biigã ka tol n maan rãamde, wall a yẽrg ye. La Geyaazi lebg n sega a Eliize n yeel-a yaa: «Biigã ka nek ye.»
32
A Eliize sẽn ta, a mikame tɩ biigã kiime n gãe yẽnda gãagã zugu.
33
La a kẽeme, n lebs roogã noor n page, tɩ yaa yẽnda ne biigã bal n be pʋgẽ, n na n pʋʋs Sẽn-Ka-Saabo.
34
La a Eliize gãandame n vãbend n tẽeg a meng biigã zugu, n dɩk a noorã n tugl biigã noore, t'a ninã me tees biigã ninã, n dɩk a nusã n ning biigã nusẽ. A Eliize sẽn vãbend biigã zugu, biigã yĩngã leb n lebga tʋʋlga.
35
La a Eliize yikame n kẽnd n gilgd roogã pʋga. La yẽnda lebg n leb n tɩ gãandame, n vãbend biigã zug yɛsa, la biigã tĩsa naoor a yopoe, n puk a ninã n getẽ.
36
Dẽ, a Eliize boola a Geyaazi n yeel-a yaa: «Bool Sunem pagã t'a wa.» La a Geyaazi boola pagã, la a wa a Eliize nengẽ, t'a yeel-a yaa: «Rɩk f biigã.»
37
Pagã wudgame n tɩ yĩgimd a Eliize taoore, n wõgemd n fõgen a neng tẽnga, n yik n dɩk a biigã n yi.
38
A Eliize lebg n waa Gilgalle. Rẽ tɩ kom-kãseng n dag n kẽ tẽngã. Wakat-kãnga, no-rɛɛsdbã karen-biis rag n wa n bee ne a Eliize, la yẽnda yeela a rakõorã t'a rɩk rʋg-bedrã n dʋgl n maan dɩɩb n kõ no-rɛɛsdbã karen-biisi.
39
Dẽ, bãmb sʋkã ned a yembr yiime n kẽng we-kɛɛng n na n tɩ bao zẽedo. La yẽnda yãnda niri n wʋk n pids a fuugu. Yẽnda sẽn ta yiri, a bog-b lame n ning rʋkã pʋga. Ned ba a yembr dag n ka mi niir bãmbã ye.
40
Bãmb yãka niri wã sẽn dʋgã n kõ nebã. La bãmb sẽn zĩnd n sɩng rɩɩb bal yee, la b sẽn kelem n yeele: «Wẽnnaam daoa, yaa kũum n be rʋkẽ wã!» Dẽ, bãmb ka tõog n dɩ-a ye.
41
Woto, a Eliize yeelame: «Ka yell ye. Tall-y zom n wa kõ-ma!» A Eliize reega zomã n ning rʋkã pʋga, la a yeel tɩ b vaag rɩɩbã n kõ nebã tɩ b rɩ. Nebã mikame tɩ rɩɩbã lebga sõama n ka leb n yaa toog ye.
42
Rao a yembr n yi Baall-Salisa n tall Oorz zom-paalg bur pisi, ne bɩle dẽenem biis a sẽn sui a korgẽ n zã n wa kõ Wẽnnaam dao a Eliize. La a Eliize yeelame tɩ b rɩk n kõ nebã tɩ b rɩ.
43
A Eliize rakõorã yeelame yaa: «Mam na n maana a wãn n tõog tɩ yõwã sek neb koabg rɩlgre?» Dẽ, a Eliize yeel-a lame: «Rɩk n kõ nebã tɩ b rɩ. Bala, Sẽn-Ka-Saab yetame: ‹Yãmb na n dɩ n tɩgame tɩ kelle.› »
44
Dẽ, b rɩka burã n kõ nebã, la b rɩ n tɩgame tɩ kell wa Sẽn-Ka-Saab sẽn dag n yeelã.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25