bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Kings 9
2 Kings 9
Mossi MPBU (WẼNNAAM SEBRE 2014)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 10 →
1
Daar a yembre, Wẽnnaam no-rɛɛs a Eliize boola no-rɛɛsdbã karen-biig a yembr n yeel-a yaa: «Yik n sẽbg f sɛɛga, n deeg tʋg-kãngã ne kaamã n kẽng Ramot sẽn be Galaadã.
2
Fo sã n ta beenẽ, bɩ f kẽng n tɩ bao a Nimsi biig a Zozafat biig a Zehu. Fo sã n yãnd-a, bɩ f kɩt t'a yik n yi a tũud-n-taasã sʋka, tɩ f peeg-a n kẽ ro-pʋgẽ, tɩ yaa yãmb y yiib bal n be be.
3
Dẽ moasã, bɩ f rɩk tʋkã ne kaamã n pʋdg a zugu, la f yeel-a tɩ Sẽn-Ka-Saab yetame: ‹Mam ningda fo zug naam kaam tɩ f lebg Israyɛll dĩma.› La rẽ poore, bɩ f pak roogã noor n yi n zoe n loog n da yals ye.»
4
Bi-bɩɩgã sẽn yaa Wẽnnaam no-rɛɛsa yikame n kẽng Ramot sẽn be Galaadã.
5
Yẽnda sẽn ta beenẽ, a mikame tɩ tãb-biisã nanambs dag n tigma taaba. Yẽnda yeelame: «Naaba, mam tara koɛɛg yãmb yĩnga.» La a Zehu sokame tɩ yaa bãmb sʋkã nin-bʋg yĩnga. La bi-bɩɩgã yeelame: «Naaba, yaa yãmb yĩnga.»
6
Dẽ, a Zehu yikame n kẽ roogẽ wã, la bi-bɩɩgã rɩka kaamã n pʋdg a Zehu zugu, la a yeel-a: «Sẽn-Ka-Saab sẽn yaa Israyɛll Wẽnnaamã yetame: ‹Mam pʋdgda fo zug kaam tɩ f lebg rĩmã, n soog Israyɛll nebã sẽn yaa Sẽn-Ka-Saab nebã.
7
Fo na n kʋʋ f soaal a Akaab buudã, tɩ mam tõe n dok m sũur ne a Zezabɛlle, yẽnda sẽn dag n daag maam a Sẽn-Ka-Saab no-rɛɛsdbã ne m tʋmtʋmdbã fãa zɩɩmã yĩnga.
8
A Akaab buudã gill na n sãamame. Mam na n menesa a Akaab buudã raopã fãa sẽn be Israyɛllã, sã n yaa yembse, wall burkĩmba.
9
La mam na n kɩtame t'a Akaab roogã yɩ wa a Nebat biig a Zeroboaam doogã, la wa a Ayiya biig a Basa roogã.
10
La sã n yaa ne a Zezabɛlle, baas n na n wãb a kũumã Zizreyɛll zĩ-vɩʋʋgẽ wã, tɩ ned ka yãnd-a n dɩk n mum ye.› » La bi-bɩɩgã sẽn gom woto n sɛ, a paka roogã noor n yi n zoe.
11
A Zehu yiime n lebg n leb a soaalã tãb-biis nanambs a taabã nengẽ, la b sok-a lame yaa: «Yaa noog tɩ gãeen-kãngã wa yãmb nengẽ?» A Zehu leok-b lame yaa: «Yãmb mens mii raoã ne a gom-toogã halɩ!»
12
La b yeela a Zehu yaa: «Ka sɩd ye. D kotame tɩ f togs tõnd raoã sẽn yeel tɩ bũmb ninga.» Dẽ, a Zehu yeel-b lame yaa: «Ade, a goma ne maam bũmb wʋsg yelle. A yeela maam tɩ Sẽn-Ka-Saab yetame: Mam ningda fo zug kaam tɩ f lebg Israyɛll dĩma.»
13
Bãmb sẽn wʋm woto, b yeesa b futã n dʋʋg rʋʋdgã zugu, n kɩt t'a Zehu zĩndi, la b peeb baorg n yeele: «Wẽnd na kaoos rĩm a Zehu!»
14
Woto, a Nimsi biig a Zozafat biig a Zehu baood n zãmba a Zoram. Wakat-kãng t'a Zoram ne Israyɛll nebã fãa rag n bee Ramot sẽn be Galaadã n gũud tẽngã, tɩ Siiri rĩm a Azayɛll ra wa tõog n zab ne-a ye.
15
La mikame t'a Zoram sẽn dag n zab ne a Azayɛll tɩ Siiri rãmbã pogl-a wã, a rag n lebg n leba Zizreyɛll n na n tɩ tɩp a menga. A Zehu yeela tãb-biisã yaa: «Yãmb sã n bee mam poorẽ, bɩ y gũus tɩ ned da wa yi tẽngã pʋg n kẽng Zizreyɛll n tɩ togs bũmb ning sẽn maan ka wã ye.»
16
Dẽ zugẽ, a Zehu kẽng n tɩ kẽ a saar n na n kẽng Zizreyɛlle. Bala, a Zoram sãmpogrã ra gãneg-a lame, tɩ Zʋʋda rĩm a Akaazɩya me rag n kẽng be n na n tɩ ges-a.
17
Tẽn-gũud ning sẽn dag n be Zizreyɛll tẽn-gũudbã gãosgã zugã zĩnda lalgã zug n yãnd kʋʋng sẽn tũud a Zehu n watẽ, la a yeelame tɩ yẽnda nee kʋʋng sẽn wate. La a Zoram yeelame t'a tʋm wed-rʋʋd t'a tɩ seg-b n sok n ges yaa noogo.
18
La wed-rʋʋdã tɩ sega a Zehu n yeele: «Rĩmã yeelame tɩ b wa sok-y n ges yaa noogo?» T'a Zehu leok-a: «Yaa noog tɩ ka noogo, bʋg n pak foom? Wa loog n tũ maam.» La tẽn-gũudã togsame tɩ wed-rʋʋdã taame, la a ka lebg n watẽ ye.
19
Rĩm a Zoram leb n kɩtame tɩ b tʋm wed-rʋʋd a to. La wed-rʋʋdã taa a Zehu rãmb nengẽ n yeele: «Rĩmã sokdame tɩ yaa noogo?» T'a Zehu leoke: «Yaa noog tɩ ka noogo, bʋg n pak foom? Wa loog n tũ maam.»
20
La tẽn-gũudã togsame tɩ wed-rʋʋdã taame, la yẽnda me ka wat ye, tɩ la sẽn paasde, ned ning sẽn be-a taoorã zoees wẽnda a Nimsi biig a Zozafat biig a Zehu. Bala, yẽnda zoeta wa gãeenga.
21
A Zoram yeelame tɩ b sog a saarã. La b soga a saarã. Dẽ, Israyɛll dĩm a Zoram ne Zʋʋda rĩm a Akaazɩya ned kam fãa kẽ a saar pʋga, tɩ b yi n na n seg a Zehu, la b tɩ seg-a-la Zizreyɛll dao a Nabot pʋʋgã pʋga.
22
A Zoram sẽn yãnd a Zehu wã, a sok-a lame yaa: «Zehu, yaa noogo?» La a Zehu leokame: «Na n yɩ a wãn n yɩ noog tɩ yãmb ma a Zezabɛll ket n waoogd wẽn-naandse, la a bʋgd bagre?»
23
A Zoram wẽnemda tao-tao t'a na n zoe, la a yeela a Akaazɩya yaa: «Akaazɩya, b zãmba maam!»
24
La a Zehu rɩka a tãp n yãag n tão a Zoram bãgdã sʋka, la peemdã tɩ kõsa a sũurã n sãag n yi, la a Zoram lʋɩ a saarã pʋg n ki.
25
La a Zehu yeela a wed-kɩɩm-naab a Bidkaar sẽn be ne yẽnda wã yaa: «Rɩk-a n lob Zizreyɛll rao a Nabot pʋʋgẽ wã. Bala, fo meng tẽra kãab-wẽng ning Sẽn-Ka-Saab sẽn dag n kãab a Zoram wakat ning maam ne foom sẽn wa n zao d wiidã n tũud yẽnda ba a Akaabã.
26
Sẽn-Ka-Saab meng yeelame yaa: ‹Zaamẽ, maam a Sẽn-Ka-Saab yã a Nabot ne a kambã zɩɩm fo sẽn daagã. Pʋ-kãngã pʋga, mam na n daaga fo me zɩɩm n lebse!› La a Zehu yeelame: Dẽ wã, rɩk-a n lob pʋʋgã pʋga, wa Sẽn-Ka-Saab meng sẽn dag n yeelã.»
27
Zʋʋda rĩm a Akaazɩya sẽn yãnd woto, a rɩka Bɛt-Gãn sor n na n zoe. La Zehu pʋgla yẽnda, la a kõ noor n yeel tɩ b kʋ yẽnda me. La b tão a Akaazɩya a saarã pʋg n pogle. Dag n yaa b sẽn wa n dʋʋd Guur tãngã sẽn pẽ Yibleyamã, la a Akaazɩya zoe n kẽnga Megido n tɩ pa be n ki.
28
A Akaazɩya tʋmtʋmdbã rɩka a kũumã n kẽng Zeruzalɛm n tɩ mum-a a yaoogẽ wã a Davɩɩd tẽngã pʋgẽ, n naag a saam-dãmbã.
29
Yaa a Akaab biig a Zoram sẽn deeg naam tɩ yʋʋm piig la a yembrẽ, la a Akaazɩya rag n lebg Zʋʋda rĩmã.
30
A Zehu sẽn wa n kẽed Zizreyɛll tẽngã pʋgã, a Zezabɛll wʋmame n yik n ning a nin kɩrʋ, la a maneg a zugu, n kẽng n tɩ be a roogã võorẽ n lɩkd n getẽ.
31
A Zehu sẽn ta tẽngã noore, a Zezabɛll soka yẽnda yaa: «Nin-kʋʋd wa a Zimri, yaa noogo? Ka foom n kʋ f soaalã wɛ?»
32
La a Zehu nakame n ges roogã võorẽ n sok yaa: «Ned ka be beenẽ n be mam poorẽ la? Ned ka be?» Dẽ, zu-soben-dãmb a yiib bɩ a tãab n zĩnd yĩngrã n lɩk n ges a Zehu.
33
La a Zehu yeelame: «Rɩk-y-yã-a n lob tẽnga.» Woto, b rɩka a Zezabɛll n tũnug roogã võor n tus-a t'a lʋɩ tẽng t'a zɩɩmã yɩg n fẽ lalgã ne wiidã. La a Zehu tab-a-la ne a saarã n looge.
34
Dẽ poore, a Zehu kẽe na-yirã n dɩ la a yũ, n yaool n yeel neb nins sẽn be beenẽ wã yaa: «Kẽng-y n tɩ rɩk-y pʋg-yoog a Zezabɛll n mume, bala a yaa rĩm biiga.»
35
Bãmb sẽn kẽng n na n tɩ rɩk a Zezabɛll n mumã, b tɩ mikame tɩ yaa a zu-wangã ne a naoã la a nusã bal n dag n kete.
36
Woto, bãmb lebg n tɩ togsa a Zehu bõn-kãnga. La yẽnda yeelame: «Yaa Sẽn-Ka-Saab goamã n paam pidsgu. Bãmb dag n goma ne Tisbe tẽng rao a Eli sẽn yaa bãmb tʋmtʋmdã n yeele: Baas n na n wãb a Zezabɛll nemd Zizreyɛll zĩ-vɩʋʋgẽ wã.
37
A Zezabɛll kũumã na n zendmame n sãeeg weoogã pʋg wa birg b sẽn gãneg pʋʋgo, Zizreyɛll pʋʋgã pʋga, hal tɩ ned ka tõe n yeel t'a Zezabɛll la woto ye!»
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25