bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
2 Kings 23
2 Kings 23
Mossi MPBU (WẼNNAAM SEBRE 2014)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 24 →
1
Rĩmã tʋma neb tɩ b bool Zʋʋda ne Zeruzalɛm kãsem-dãmbã fãa tɩ b wa tigim yẽnda nengẽ.
2
La rĩmã kẽnga Sẽn-Ka-Saab roogẽ wã, yẽnda ne Zʋʋda la Zeruzalɛm nebã fãa, ne maan-kʋʋdbã, ne Wẽnnaam no-rɛɛsdbã, la ne nin-buiidã zãnga, sẽn sɩng ne bãooneg tɩ tãag bɛda. La yẽnda karma kaoolã sebr b sẽn dag n yãnd Sẽn-Ka-Saab roogẽ wã goamã fãa tɩ nebã fãa kelge.
3
Rĩmã yalsa yĩngri, Wẽnd doogã ra-lugdg sɛɛg Sẽn-Ka-Saab taoore, n wẽen n yeele: «Mam na n tũu Sẽn-Ka-Saabo, la m sak bãmb tõodã ne b noyã, la goam nins sẽn gʋls tõodã sebr pʋgẽ wã ne m sũur fãa, la ne m yamã fãa.» La nebã fãa naaga rĩmã n wẽen a woto.
4
Rĩmã yeela maan-kʋʋr kãsem a Hilkiiza ne maan-kʋʋdb nins sẽn sõngd yẽnda wã, la roogã noor gũudbã tɩ b yiis teed nins fãa sẽn be Sẽn-Ka-Saab roogẽ wã tɩ b tar n waoogd Baall ne Aseera la yĩngr ãdsã. Bãmb talla te-bãmb n yi Zeruzalɛm tẽngã pʋg n tɩ yõog bugum pʋtã sẽn be Sedrõ longã pʋgã, la b wʋk a tompeglmã n tall n kẽng Betɛlle.
5
Rĩm a Zoziyaas yiisa maan-kʋʋdb nins Zʋʋda rĩm-dãmbã sẽn dag n yãk tɩ b yõogd wisd maoong kʋʋb zĩisã Zʋʋda tẽmsã pʋg ne Zeruzalɛm tẽn-kɩremsã, la b yiis neb nins me sẽn dag n yõogd wisd n kõt Baall wẽn-naandgã ne wĩndgã la kiuugã ne yĩngr ãdsã fãa.
6
Rĩm a Zoziyaas yiisa wẽn-naandg a Aseera ra-lugdgã sẽn dag n be Sẽn-Ka-Saab roogã pʋgẽ wã, n tall-a n yi Zeruzalɛm n kẽng Sedrõ ko-soogẽ wã n tɩ yõog bugum, t'a lebg tompeglem. La b wʋka tompeglmã n lob nin-talsã yaadẽ.
7
Rĩm a Zoziyaas kɩtame tɩ b wã yoaadbã rotã sẽn dag n be Sẽn-Ka-Saab roogã zak pʋgẽ, tɩ pagbã rag n be ro-bãmb pʋs n wʋgd fut n kõt Aseera wẽn-naandgã pʋʋsdbã.
8
Dẽ zugẽ, rĩm a Zoziyaas kɩtame tɩ b bool Zʋʋda tẽmsã maan-kʋʋdbã fãa tɩ b wa. La yẽnda sãama maoong kʋʋb zĩisã maan-kʋʋdbã sẽn dag n yõogd wisd b zutã, sẽn sɩng ne Geba hal n tɩ tãag Bɛɛr-Seba. La a sãama maoong kʋʋb zĩisã sẽn dag n be tẽngã rignoyẽ wã. Zĩ-bãmb dag n bee tẽngã naab a Zozoe rignoorẽ wã, n dag n be tẽngã noor goabga.
9
La baoosg zãnga, b rag n ka basd maoong kʋʋb zĩisã maan-kʋʋdbã tɩ b kẽng Zeruzalɛm n tɩ maan maoong Sẽn-Ka-Saab tẽn-kugrẽ wã ye. La bãmb dag n naagda b saam-biisã n dɩt bur sẽn ka rã-bɩllã.
10
Rĩmã sãama Tofɛt sẽn yaa kamb yõogr zĩigã sẽn dag n be Bɛn-Hinom tãn-longẽ wã, sẽn na yɩl tɩ ned da leb n dɩk a bi-ribl bɩ a bi-pugl n maan maoong n yõog bugum n kõ wẽn-naandg a Molɛk ye.
11
Rĩm a Zoziyaas yiisa wiid nins Zʋʋda rĩm-dãmbã sẽn dag n welg toor wĩndgã waoogr yĩngã. Wed-bãmb rag n bee Sẽn-Ka-Saab roogã noore, n pẽ zu-soab a Netan-Melɛk zakã sẽn be na-yirã zak pʋgã. Rĩmã yõoga saar-dãmb nins b sẽn dag n tar n waoogd wĩndgã.
12
Rĩmã wãa tẽn-kug nins Zʋʋda rĩm-dãmbã sẽn dag n maan n ning a Akaaz gãosgã zugã ne rĩm a Manaase sẽn maan tẽn-kug nins n ning Sẽn-Ka-Saab roogã zags a yiibã pʋsã. Rĩmã sẽn wã bãmb n sɛ, a wʋka b tomã n tɩ lob Sedrõ tãn-longã pʋga.
13
Rĩm a Zoziyaas sãama maoong kʋʋb zĩis nins sẽn dag n be oliiv tɩɩs tãngã goabg n teesd Zeruzalɛmã. Yaa rĩm a Salmo n dag n me tẽn-kug-bãmb Sɩdõ nebã wẽn-naan-wẽng a Astarte ne Moaab nebã wẽn-naan-yoog a Kemoos yĩnga, la Amo-rãmbã yel-beed a Milkom yĩnga.
14
Rĩmã wãa wẽn-naan-kãens kug-vigindsã, la a kɛ Aseera ra-lugdsã n lubi, n yaool n wʋk ninsaalb kõab n ning b zĩisẽ wã.
15
Rĩm a Zoziyaas kẽnga Betɛll n tɩ pãb tẽn-kugr ning sẽn dag n be beenẽ wã n wã, la a sãam maoong kʋʋb zĩig ning a Nebat biig a Zeroboaam sẽn dag n me n kɩt tɩ Israyɛll nebã kẽ kongr pʋgã. Dẽ, rĩmã sãama tẽn-kugrã ne maoong kʋʋb zĩigã. Yẽnda yõoga maoong kʋʋb zĩigã bugum, n pãb-a t'a lebg tompeglem, la a yõog Aseera ra-lugdgã bugum.
16
Rĩm a Zoziyaas wẽnemdame n yãnd yaad nins sẽn dag n be tãngã zugã. La yẽnda tʋma neb tɩ b wʋk kõabã yaadẽ wã n wa yõog-b bugum tẽn-kugrã zug n sãam-b wa Sẽn-Ka-Saab sẽn dag n kɩt tɩ b no-rɛɛsã togsã.
17
Rĩm a Zoziyaas sokame: «Yaa ãnda yaoog kugr la sẽn tondã?» Tẽngã nebã leokame tɩ yaa Wẽnnaam no-rɛɛs ning sẽn yi Zʋʋda n wa wã yaoogo, tɩ yaa no-rɛɛs-kãng n pĩnd n togs rĩmã sẽn maan Betɛll tẽn-kugrã bũmb ning rũndã wã yelle.
18
Dẽ, rĩmã yeelame: «Bas-y yao-kãngã, la y ra wʋk a kõabã ye!» Dẽ, b basa no-rɛɛs-kãng kõabã, ne Wẽnnaam no-rɛɛs ning sẽn yi Samaari tẽng n wa be wã kõabã.
19
Rĩm a Zoziyaas kɩtame tɩ b sãam maoong kʋʋb zĩisã pʋʋsg rot nins fãa Israyɛll dĩm-dãmbã sẽn dag n me n kɩt tɩ Sẽn-Ka-Saab sũur yikã. Rĩmã sãama bãmb wa a sẽn sãam Betɛllã.
20
Rĩmã kɩtame tɩ b yõg maoong kʋʋb zĩisẽ maan-kʋʋdbã fãa n maan maoong tẽn-kugã zutu, la a yõog ninsaalb kõab b zutu. Dẽ poore, rĩmã lebg n kuila Zeruzalɛm.
21
Rĩmã yeela nebã fãa yaa: «Maan-y Pak tigrã tɩ yɩ Sẽn-Ka-Saab sẽn yaa yãmb Wẽnnaamã waoogr yĩnga, wa sẽn gʋls kaoolã seb-kãngã pʋgẽ wã.»
22
Hal sẽn sɩng ne Israyɛll bʋ-kaoodbã wakate, n tɩ ta Israyɛll ne Zʋʋda rĩm-dãmbã wakate, b rag n nan zɩ n maan Pak tigr a woto buud ye.
23
Yaa rĩm a Zoziyaas sẽn deeg a naamã tɩ yʋʋm piig la a niinẽ, la b maan Pak tig-kãng Zeruzalɛm Sẽn-Ka-Saab waoogr yĩnga.
24
Sẽn paas rẽ, rĩm a Zoziyaas kɩtame tɩ b menes neb nins fãa sẽn boond kɩɩmse, ne bag-bʋgdbã, la tɩtã ne wẽn-naandsã, la bõn-wẽns buudã fãa sẽn dag n be Zʋʋda ne Zeruzalɛm soolmã pʋgẽ wã. Bãmb maana woto n na n sak goam nins sẽn gʋls tõodã sebr ning maan-kʋʋd a Hilkiiza sẽn yã Sẽn-Ka-Saab roogã pʋg n dɩkã.
25
Sẽn deng rĩm a Zoziyaase, rĩm a to ka zĩnd sẽn sak n tũ Sẽn-Ka-Saab ne a sũur fãa, la ne a yamã fãa, la a pãngã fãa wa a Moyiis tõogã sẽn yeelã ye. La a Zoziyaas loogr poore, rĩm a to sẽn wẽnd yẽnda ka tol n zĩnd ye.
26
La baoosgo, Sẽn-Ka-Saab sũur dag n ket n nan ka sig ne Zʋʋda nebã, a Manaase tʋʋm-wẽnsã yĩng ye.
27
Sẽn-Ka-Saab yeelame yaa: «Mam na n diga Zʋʋda nebã tɩ b yi mam taoore, wa mam sẽn dig Israyɛll nebã. Mam na n basa Zeruzalɛm tẽngã mam sẽn dag n yãkã, ne roog ning mam sẽn dag n yeel tɩ m na n kɩtame tɩ m yʋʋrã zĩnd a pʋgẽ wã.»
28
Rĩm a Zoziyaas tʋʋm a taabã ne a sẽn maan bũmb ninsã fãa gʋlsa Zʋʋda rĩm-dãmbã kibay sebr pʋga.
29
Yaa rĩm a Zoziyaas zaamanẽ la Ezɩpt rĩm a Faarõ Neko yi n kẽng Efrat kʋɩlgã sẽnẽ n tɩ zab ne Asiiri rĩmã. Wakat-kãnga, rĩm a Zoziyaas yiime n na n seg-a n zab ne-a. La Ezɩpt rĩm a Faarõ Neko sẽn yã yẽnda sẽn watã, a kɩtame tɩ b seg rĩm a Zoziyaas Megido n kʋ.
30
Rĩm a Zoziyaas tʋmtʋmdbã rɩka yẽnda kũumã n sagl saar pʋg n tall n yi Megido n kẽng Zeruzalɛm n tɩ mum-a a meng yaoog pʋga. Woto, tẽngã neb yãka a Zoziyaas biig a Zoakaaz n pʋdg a zug kaam t'a led a ba zĩigẽ n lebg rĩmã.
31
A Zoakaaz sẽn wa n na n lebg rĩmã t'a tara yʋʋm pisi la a tãabo. La a rɩɩ naam kiis a tãab Zeruzalɛm. A Zoakaaz ma yʋʋr la a Hamutalle, n yaa Libna tẽng rao a Zeremi bi-pugla.
32
Rĩm a Zoakaaz maana sẽn yaa wẽng Sẽn-Ka-Saab nifẽ, wa a yaab-rãmbã sẽn dag n maanã.
33
Ezɩpt rĩm a Faarõ Neko yõka a Zoakaaz n balg bãens Ribla sẽn be Hamat-rãmbã tẽng pʋgã tɩ yẽnda ka leb n yaa Zeruzalɛm naab ye. La a yaoolga tẽngã yaoodo, n yeel tɩ b yao wanzuri kɩlo tus a tã, ne sãnem kɩlo pis-tã.
34
Ezɩpt rĩm a Faarõ Neko kɩtame t'a Zoziyaas biig a Eliyakim lebg rĩm n deeg a ba a Zoziyaas zĩiga. La yẽnda teka a Eliyakim yʋʋrã n pʋd-a t'a Zoakim. La yẽnda kẽesa a Zoakaaz yembd n tall-a n kẽng Ezɩpt tẽnga, la yẽnda paa be n ki.
35
A Zoakim kõo rĩm a Faarõ wanzuri ne sãnem, la a Zoakim kɩtame tɩ tẽngã nebã yao yaood ning Ezɩpt rĩmã sẽn dag n yeel tɩ b yao wã. Yẽnda modga tẽngã nebã, n kɩt tɩ ned kam fãa kõ wa sẽn zems a paoongo. Dẽ, nebã kõo wanzuri ne sãnem, t'a Zoakim tall n tɩ kɩs Ezɩpt rĩm a Faarõ Neko.
36
A Zoakim sẽn wa n na n deeg naamã t'a tara yʋʋm pisi la a nu. Yẽnda rɩɩ naam Zeruzalɛm yʋʋm piig la a yembre. A Zoakim ma yʋʋr la a Zebuda, n yaa Ruma tẽng rao a Peya bi-pugla.
37
A Zoakim maana sẽn yaa wẽng Sẽn-Ka-Saab nifẽ, wa yẽnda yaab-rãmbã sẽn dag n maanã.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25