bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
John 10
John 10
Mazanderani GMB (گیله ماز)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
«راس راسی شِمِره گونَم، اونیکه گوُسِند پالوکا یِه دَرِ جی دِلِه نَشو، بلکه ایتا راه دیگَرِ جی جآر بوشو، دُزد و راهزَنِ.
2
وَلی اونیکه دَرِ جی دِلِه بیه، گُوسَندِشانِ گالِشِ.
3
دَربان، دَرِ اونه وَسین واز کانه و گوسِندِشان اونه صِدا رِه اِشنَوِنَن؛ اون خودشه گوسِندِشانِ بِه اِسم دُخواندِنِه و اوشانه دِرگا بَرنِه.
4
وَختی تمام خودشه گوسِندِشانِ دِرگا بَبِردِه، اوشانه پِیش راه شونِه و گوسِندِشان اونه دُمّالسَر شونَن، چون اونه صِدا رِه اِشناسِنَن.
5
هیچ وَخت غَریبِه یه دُمّال نَشونَن، بلکه اونه جی دَرشونَن، چون غَریبِه شانه صِدا رِه نِشناسِنَن.»
6
عیسی این مَثَلِ اوشانه وَسین بیاردِه، وَلی اوشان نِفَهمِسَّن اوشانه چی گونِه.
7
پس یِدَفِه دیگه اوشانه باَگوته: «راس راسی شِمِره گونَم، مَن گوسِندِشانِ وَسین ’دَر‘ هیسَم؛
8
تمام اوشانی که می جی پیشتر بومَن دُز و راهزنِن، وَلی گوسِندِشان اوشانه گَبِ گوش نَدَن.
9
مَن ’دَر‘ هیسَم؛ هر کی که می راهِ جی دِلِه بییِه نِجات گیرنِه، وَ آزادانِه دِلِه دِرگا کانِه و چراگا پیداکانه.
10
دُز نییَنِه بِجز اینِه وَسین که بِدُزِّه و بَکوشِه و نابود هَکونه؛ مَن بومَم تا اوشان زندگی بِدارِن و اونِه فَراوانی یه هَمرَه بِدارِن.
11
«مَن خُجیرِ گالِشَم. خُجیرِ گالِش خودشِ جان گوسِندِشانِ وَسین نَنِه.
12
اونیکه دَسمُز گیرنِه، چون گالِش نیِه و گوسِندِشان اونِ شی نیَن، هر وَخت بِینِه وِرک هَنهِ گوسندِشانِ نَنِه ودَر شونه، وِرک اوشانِ حمله کانه گیرنِه و پَخش و پَلا کانه.
13
کسیکه دَسمُز گیرنِه دَر شونه، چِون دَسمُز وَسین کار کانه و گوسِندِشانِ فِکر نییِه.
14
مَن خُجیرِ گالِشَم. مَن می گوسندِشانِه اِشناسِنَم و می گوسِندِشان مَرِه اِشناسِنَن،
15
هَمونجور که پیَر مَرِه اِشناسِنِه ومن پیَرِ اِشناسِنَم. مَن می جان گوسِندِشانِ وَسین نَنَم.
16
گوسِندانِ دیگَرِی هَم دارَم که این گله یه جی نییَن. اوشان رِه هم بایسّی بیارَم و اوشان هم می صِدا رِه اِشنَوِنَن. ایما ایتا گله بونَن ایتا گالِش هَمرَه.
17
پیَر، اینِه وَسین مَرِه دوس داره که مَن می جان نَنَم تا اونِه یِدَفِه دیگه پس هَگیرَم.
18
هیچکَس اونِه می جی نِگیرنِه، بلکه مَن می میلِ هَمرَه اونِه دَنَم. اختیار دارَم اونِه هَدَم و اختیار دارَمِ باز هَم اونِه پَس هَگیرَم. این حُکمِ می پیَرِ جی بِیتَم.»
19
این گَبِ وَسین یِدَفِه دیگه یَهودیِانِ دِلِه اختِلاف دَکِته.
20
خِیلی اَز اوشان باگوتَن: «اون آلبَزه و تورِ؛ چِرا اونه گَبِ گوش دَنید؟»
21
وَلی بَقیِه باگوتَن: «این ایتا آلبَزِه یه گَب نیِه. مَگِه آل تانِه کورِ چِشمِ واز هَکونه؟»
22
عیدِ وَقف مَعبَدِ اورشَلیمِ دِلِه بَرِسیِه با. زِمِسّان با
23
و عیسی مَعبَدِ دِلِه سُلِیمان تِلارِ دِلِه راه شونه با.
24
پس یَهودیِان اونه دُور جَم هَبان و باگوتَن: «تا کِی خَنی اَمَرِه شَکِ دِلِه بِداری؟ اَگه مَسیحِ موعود هیسی اَمَرِه عَلَنی باگو.»
25
عیسی جَواب هَدَه: «شِمِره باگوتَم، وَلی باوَر نُکانید. کارایی که مَن می پیَرِه اِسمِ هَمرَه کانَم مَرِه شَهادَت دَنِن.
26
وَلی شُما ایمان نیارنین، چون می گوسِندانِ جی نییَن.
27
می گوسِندِشان می صِدا رِه اِشنَوِنَن؛ مَن اوشانه اِشناسِنَم و اوشان می دُمّالسَر هَنِن.
28
مَن اوشانه اَبَدی زندگی بَخشِنَم و اوشان هیچ وَخت هَلاک نَبونَن. هیچکس اوشانه می دَسِ جی قاپ نَزِنِه و نگیرنِه.
29
می پیَر که اوشانه مَرِه هَدَه هَمه یه جی گَت تَرِه، وَ هیچکی نَتَّنِه اوشانه پیَره دَسِ جی قاپ بَزِنِه و هَگیره.
30
مَن و پیَر ایتا هیسیم.»
31
بعد یِدَفِه دیگه یَهودیِان سَنگ بِیتَن تا اونه سَنگسار هَکُنَن.
32
عیسی اوشانه باَگوته: «پیَرِ طَرفِ جی خِیلی خُجیر کاران شِمِره نِشان هَدَم. کُدام ایتا یه وَسین خَنید مَرِه سَنگسار هَکُنید؟»
33
یَهودیِان جَواب هَدَن: «خُجیرِ کاران وَسین تِرِه سَنگسار نُکانیم، بلکه اینِه وَسین که کُفر گوُنی، چونکه آدَمی و گونی خُدایی.»
34
عیسی اوشانه جَواب باَگوته: «مَگِه شیمی شَریعَتِ دِلِه بَنوِیشتِه نَبا که مَن ”باگوتَم شُما خُدایانِین“
35
اَگه اوشانی که خُدایِ کَلام، اوشانه بَرِسییَه، ’خُدایان‘ دُخواندِه هَبان - و مُقَدَّس نِوِشتِه باطِل نَبونه -
36
چِطور تانین کَسی رِه که پیَر وَقف هَکُردِه و دُنیایِ دِلِه روانه هَکوردِه رِه باگویید ”کُفر گوُنی،“ فقط اینِه وَسین که باگوتَم خُدای ریکا هیسَم؟
37
اَگه می پیَرِه کاران رِه اَنجام نَدَنَم، پس مَرِه ایمان نیارین.
38
وَلی اَگه اَنجام دَنَم، حَتّی اَگه مَرِه ایمان نیارنین، لااَقَل به اون کاران ایمان بیارین تا بِدانید و بِفَهمین که پیَر می دِلِه دَرِه و مَن پیَرِ دِلِه.»
39
ایما یِدَفِه دیگه خَسِّن اونه دَسگیر هَکُنَن، وَلی عیسی اوشانه دَسِ جی دَر بَشه.
40
عیسی باز هَم اُردُنِ روخانِه یه اوتَکِه بَشه، اوجِه ایی که یحیی قَبلاً تَعمید دَنِه با، وَ اوجِه بُمانسِّه.
41
خِیلیانِ اونه وَرجه بومَن. اوشان گونِه بان: «یحیی هیچ نِشانه و مُعجِزِه ایی نَکُردِه، وَلی هر چی این مَردَای بارِه باَگوته، راس با.»
42
پَس خِیلیان اوجِه عیسی رِه ایمان بیاردِن.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21