bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
John 8
John 8
Mazanderani GMB (گیله ماز)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
1
عیسی زیتون کوه سَربَشَه.
2
صُبِ سَر، عیسی باز هَم مَعبَدِ دِلِه بَشَه. تمام مَردُم اونه دور جَمع هَبان، اون بِنیشتِه و اوشانه تَعلیم هَدَه.
3
همون موقِه، تورات مُعَلِمین و عُلَمایِ فِرقِه فَریسی، ایتا زِنا رِه که زَنایِ موقِه بِیتِه بان رِه مَردُم میَن بیاردَن،
4
عیسی رِه باگوتَن: «اُسّا، این زِنا رِه زَنایِ موقِه بِیتَن.
5
موسی یه پیغمبرشریعَتِ دِلِه اَمَرِه حُکم هَکُردِه که اینجور زِناکان بایسّی سَنگسار هَبون. اَسِه، تو چی گونی؟»
6
اینه باگوتَن تا اونه آزمون هَکُنَن و یِچّی اونه مُتِهَم هَکُردَن وَسین پیداهَکونَن. وَلی عیسی خودِشِه سَرِ جیر تُووادَه و خودشه اَنگوشت هَمره زَمینِ سَر نِویسِنِه با.
7
وَلی چون اوشان هَمینجور اونه جی سوال کانه بان، عیسی خودِشِه سَرِ جآر بیاردِه و اوشانه باَگوته: «شیمی دِلِه، هر کی گُناه نَکُردِه، اوَّلین سَنگِ اونه بَزِنِه.»
8
وَ باز هَم خودِشِه سَرِ جیر تُووادَه و، زَمینِ سَر نِویسِنِه با.
9
وَلی وَختی اوشان این گَبِ بِشنَوِسَّن، تَک تَک گَته تا کوچِیک اوجِه یِه جی بَشَن، وَ عیسی اون زِنایِ هَمرَه که اونه جلو ایسَبا تنها بُمانسِّه.
10
عیسی خودِشِه سَر جآر بیاردِه و اونه باَگوته: «اِی زَن، اوشان کوجِه دَرِن؟ هیچکی تِرِه مَحکوم نَکُردِه؟»
11
زِنا باَگوته: «هیچکی، آقا.» عیسی اونه باَگوته: «مَن هم تِرِه مَحکوم نُکانَم. بوشو و دِ گُناه نَکُن.»
12
عیسی یِدَفه دیگه مَردُم هَمرَه گَب بَزَه، باَگوته: «مَن دُنیایِ نور هیسَم. هر کی می دُمّال بیه، ظُلَمات دِلِه راه نَشونِه، بلکه زندگی یِه نورِ رِه دارِه.»
13
پس عُلَمایِ فِرقِه فَریسی اونه باگوتَن: «تو خودِت تی خَبَری شَهادت دَنی، پَس تی شَهادَت اِعتباری نِداره.»
14
عیسی اوشانه جَواب باَگوته: «حَتّی اگه مَن خودَم می خَبری شَهادت هَدَم، می شَهادَت راسِّه، چون دانَم کوجِه یه جی بومَم و کوجِه شونَم. وَلی شُما نِدانین مَن کوجِه یه جی بومَم و کوجِه شونَم.
15
شُما آدَمیزادِ فِکرِ هَمرَه داوَری کانید، وَلی مَن هیچکَسِ داوَری نُکانَم.
16
وَلی حَتّی اَگه داوَری هَم هَکُنَم، می داوَری دُرِسِّه، چون تَنها نییَم، بلکه پیری که مَرِه روانه هَکوردِه هَم می هَمرَه دَرِه.
17
شِیمی شَریعَتِ دِلِه بَنویشتِه هیسه دُتا شاهِدِ شَهادَت اعتبار دارِه.
18
مَن خودَم می خَبَری شَهادَت دَنَم، وَ پیری هَم که مَرِه روانه هَکوردِه، می خَبَری شَهادَت دَنه.»
19
ایما اونه باگوتَن: «تی پیَر کوجهِ دَرِه؟» عیسی جَواب هَدَه: «نه مَرِه اِشناسِنِین و نه می پیَرِ. اَگه مَرِه اِشناسِنِه بِین می پیَرِ رِه هَم اِشِناسِنِه بِین.»
20
عیسی این گَبِ وَختی بَزَه که مَعبَدِ خَزانِه دِلِه دَبا تَعلیم هَدِه، وَلی هیچکس اونه دَسگیر نَکُردِه، چون هَلَه اونه وَخت نَرِسیه با.
21
ایما یِدَفِه دیگه اوشانه باَگوته: «مَن شونَم و شُما می دُمّال گَردِنِین، وَلی شیمی گُناه دِلِه میرنین. اوجِه که مَن شونَم شُما نَتَّنید بیئِین.»
22
پس یَهودیِان باگوتَن: «مَگِه خَنِه خودِشِ بَکوشِه که گونِه ”اوجِه که مَن شونَم، شُما نَتَّنید بیئِین“؟»
23
عیسی اوشانه باَگوته: «شُما زَمینِ جی هیسین، مَن آسِمانِ جی. شُما این دُنیایِ جی هیسین، مَن این دُنیایِ جی نیِیَم.
24
شِمِره باگوتَم که شیمی گُناهانِ دِلِه میرنین، چون اَگه ایمان نیارین که مَن اون هیسَم، شیمی گُناهانِ دِلِه میرنین.»
25
عیسی رِه باگوتَن: «تو کی هیسی؟» اون جَواب هَدَه: «هَمونی که از اوَّل شِمِره باگوتَم.
26
خِیلی چیزا دارَم که شیمی بارِه باگوُم و شِمِره مَحکوم هَکُنَم. وَلی اونیکه مَرِه روانه هَکوردِه حَقِّ و مَن اونچه که اونه جی بِشنَوِسَّم رِه دُنیا رِه اعلام کانَم.»
27
اوشان نِفَهمِسَّن که عیسی آسِمانی پیَر بارِه اوشانه هَمرَه گَب زَنِه.
28
ایما عیسی اوشانه باَگوته: «وَختی که انسانِ ریکا رِه بُلَند هَکُردین، اون موقِه فَهمِنین که مَن اون هیسَم و می جی کاری نُکانَم، بلکه فقط اونی رِه گونَم که پیَر مَرِه یاد هَدَه.
29
وَ اونیکه مَرِه روانه هَکوردِه می هَمرَه دَرِه. اون مَرِه تَنها نُذاشته، چون مَن هَمَش اونچه رِه که اونه خوشحال کانه بِجا هارنَم.»
30
وَختی که دَبا این گَبان رِه بَزِنه خِیلیان اونِ ایمان بیاردِن.
31
ایما عیسی یَهودیانی که اونه ایمان بیارد بان رِه باَگوته: «اَگه می کلامِ دِلِه بُمانید، راس راسی می شاگِردان بونید.
32
وَحَقیقَتِ اِشناسِنِین و حقیقَت شِمِره آزاد کانه.»
33
اوشان جَواب هَدَن: «اَما ابراهیم پِیغَمبَرِ وَچِهانیم و هیچ وَخت هیچ کَسِ پاکار نَبِیم. پَس چطوریه که گوُنی آزاد بونیم؟»
34
عیسی جَواب هَدَه: «راس راسی شِمِره گونَم، کسی که گُناه کانه، گُناه پاکارِ.
35
پاکار هَمَیشه سِرِه یه دِلِه نُماندِنِه، ولی ریکا هَمَش سِرِه یه دِلِه ماندِنِه.
36
پَس اَگه ریکا شِمِره آزاد هَکونه، راس راسی آزاد بونید.
37
«دانَم که ابراهیمِ پِیغَمبَرِ وَچه هانید، با این وجود باز هم می بَکوشتنِ دُمّال دَرِین، چون می کَلام شِیمی دِلِ میَن جایی نِداره.
38
مَن اونچه یه جی که می پیَرِه وَرجه بَدییَم گونَم. وَ شُما اونچه که شیمی پیَرِه جی بِشنَوِسین رِه اَنجام دَنید.»
39
اوشان جَواب هَدَن: «اَمیِ پیَر ابراهیمِ پِیغَمبَرِ.» عیسی باَگوته: «اَگه ابراهیمِ وَچِه هان بِین، ابراهیم مِثان رفتار کانِه بِین.
40
وَلی شُما می بَکوشتَن دُمّال دَرِین؛ وَ مَن اونییَم که حَقیقَتی که خُدایِ جی بِشنَوِسَّم رِه شِمِره باگوتَم. ابراهیم اینجور کاری نَکُردِه.
41
ولی شُما شیمی پیَرهِ کاران رِه اَنجام دَنید.» اوشان اونه باگوتَن: «اَما زَنا زادِه نییَم! ایتا پیَر داریم که اون خُدائِه.»
42
عیسی اوشانه باَگوته: «اَگه خُدا شِیمی پیَر با، مَرِه دوس داشتین، چون مَن خدای طَرَفِ جی بومَم و اَلآن ایجه دَرِم. مَن سَرخُد نومَم، بلکه اون مَرِه روانه هَکوردِه.
43
دانین چِرا می گَبِ نِفَهمِنین؟ اینِه وَسین که شُما نَتَّنید اونچه که گونَم رِه تَحمُل هَکُنید.
44
شُما شیمی پیَر اِبلیسِ وَچه هانید و خَنید شیمی پیَرِ خواسِّه ها رِه بِجا بیارین. اون اَز اوَّل قاتِل با و حَقیقَتِ هَمرَه کاری نِداشتِه، چون هیچ حَقیقَتی اونه دِلِه دَنیِه. هر وَخت دُرو گونِه، خودشه ذاتِ جی گونِه؛ چِون دُروزَنِه و دُروزَنِشانِ پیَرِ.
45
وَلی چون حَقیقتِ شِمِرِه گونَم، می گَبِ باوَر نُکانید.
46
کُدام ایتا اَز شُما تانهِ مَرِه بِه گُناهی مَحکوم هَکونه؟ پَس اَگه حَقیقَتِ شِمِره گونَم، چِرا می گَبِ باوَر نُکانید؟
47
کَسی که خُدایِ جییه، خُدایِ کَلامِ گوش دَنه؛ دلیلِ اینکه شما خُدایِ کَلامِ گوش نَدِنِین، اینِه که خُدایِ جی نییَن.»
48
یَهودیِان اونه جَواب باگوتَن: «مَگِه دُرِس نَگوتیم که سامِری هیسی و آل داری؟»
49
عیسی جَواب هَدَه: «مَن آل نِدارَم، بلکه می پیَرِ حُرمَت نَنَم، وَلی شُما مَرِه بی حُرمَتی کانید.
50
با این وجود مَن می جَلالِ دُمّال دَنییَم. ولی یه نَفَر دیگه دَرِه که اونه دُمّال دَرِه، هَمون هَم داوَرِه.
51
راس راسی شِمِره گونَم، اَگه کَسی می کَلامِ عَمل هَکونه، هیچ وَخت نَمیرنِه.»
52
یَهودیِان اونه باگوتَن: «اَلآن دِ باوَر هَکُردیم که آل داری! ابراهیم و پِیغَمبَران بَمِردَن، اَسِه تو گونی ”اگه کَسی می کَلامِ عَمل هَکونه، هیچ وَخت نَمیرنِه!“
53
مَگِه تو اَمیِ پیَر ابراهیمِ جی سَرتَری؟ اون بَمِردِه و پِیغَمبَرِان هَم بَمِردِن. تِرِه کی دانی؟»
54
عیسی جَواب هَدَه: «اَگه مَن مَرِه جَلال هَدَم، می جَلال اَرزِش نِداره. اونیکه مَرِه جَلال دَنه می پیَرِ، هَمونی که شُما گونین اَمیِ خُدائِه.
55
شُما اونه نِشناسِنِین، وَلی مَن اونه اِشناسِنَم. اَگه باگوُم اونه نِشناسِنَم، شِیمی مِثان دُروزَنَم. وَلی مَن اونه اِشناسِنَم و اونه کَلامِ عَمل کانَم.
56
شیمی پیَر ابراهیم، خُشحالی کانِبا که می روزِ بِینِه؛ اونِه بَدییَه و خوشحال هَبا.»
57
یَهودیِان اونه باگوتَن: «هنوز پَنجاه سال نِداری و ابراهیمِ بِدییَی؟»
58
عیسی اوشانه باَگوته: «راس راسی شِمِره گونَم، پِیش اَز اونکه ابراهیم دَبو، مَن هیسَم!»
59
پَس اوشان سَنگ بِیتَن تا اونه سَنگسار هَکُنَن، وَلی عیسی خودِش رهِ قایِم هَکُردِه و مَعبَدِ جی دِرگا بَشَه.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21