bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
John 5
John 5
Mazanderani GMB (گیله ماز)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
1
چَن وَخت دیگه، یَهودِ ایتا ازعیدان با و عیسی به اورشَلیم شَهر بَشَه.
2
اورشَلیمِ دِلِه «گوُسِند دَروازۀ» وَرجه ایتا حوض دَرِه که آرامی یه زِبان اونِه «بِیتحِسْدا» گونَن و پَنج تا تِلار داره و هَر کُدام سایِبان دارَن.
3
اوجِه ایتا گَتِه دَسِّه عَلیلان خاتِه بان، یعنی کوران، شَلان و چُلاقان. وَ منتظِر بان که اُو تِکان بُخارِه.
4
چون اوشان خیال کانه بان هَر اَز گاهی ایتا فِرِشتِه خداوند طَرفِ جی هَنَه و اُو رِه تِکان دَنِه؛ اوَّلین نَفر بَعد اَز اینکه اُو تِکان خاردِه حوضِ دِلِه شونه با، هر مَرضی که داشتِه جی شَفا گیرنه با.
5
اوجِه، ایتا مَردَای دَبا که سی و هَشت سال عَلیل با.
6
وَختی عیسی اونه اوجِه بَخُته بَدییَه و بِفَهمِسِّه که خِیلی وَختِ این حال میَن دَرِه، اونه باَگوته: «خَنی شَفا هَگیری؟»
7
عَلیلِ مَردَای جَواب هَدَه: «آقا، هیچکی رِه نِدارم وَختی اُو تِکان خارنِه مَرِه حوضِ دِلِه بَنِه، وَ تا مَرهِ اوجِه بَرسانَم یِنَفر دیگه میجی پِیشتر اونِه دِلِه شونِه.»
8
عیسی اونه باَگوته: «وَرِس، تیِ لا رِه جَم هَکُن و راه بوشو.»
9
اون مَردَای دَرجا شَفا بِیته و خودشه لا رِه جَم هَکُردِه و رادَکِته. اون روز، یَهودیِانِ مُقَدَّس شَنبِه با.
10
پَس یهودیان اون مَردَای که شفا بِیتِه با رِه باگوتَن: «اِمروز شَنبِه هیسه و تو شَرعاً اجازِه نِداری تی لا رِه بَگیری واینطرف و اونطرف بیشی.»
11
اون جَواب هَدَه: «اونیکه مَرِه شَفا هَدَه مَرِه باگوتِه، تی لا رِه جَم هَکُن و راه بوشو“.»
12
اونه جی بَپُرسیَن: «اونیکه تِره باَگوته تیِ لا رِه جَمع هَکُن و راه بوشو، کیِه؟»
13
وَلی اون مَردای که شفا بِیتِه با نِدانِسِّه اون کیِه، چون عیسی جَمعیَتِ دِلِه غِیب هَبا با.
14
یِکَم بَعد عیسی اونه مَعبَدِ دِلِه پیدا هَکوردِه و اونه باَگوته: «بِیِش دِ خوُب هَبَیی، دِ گُناه نَکُن تا یِچّی بَدتَر تی سَر نییِه.»
15
اون مَردَای بَشَه و یَهودیِانِ باَگوته: «اونیکه مَرِه شَفا هَدَه، عیسائِه.»
16
اینِه وَسین با که یَهودیِان عیسی رِه اَذیَت کانه بان، چونکه مُقَدَّس شَنبِه یه دِلِه اینجور کارانِ کانِبا.
17
وَلی عیسی اوشانه جَواب هَدَه: «می پیَر هَلَه دَرِه کار هَکونِه، وَ مَن هَم کار کانَم.»
18
اینِه وَسین، یَهودیِان قَبلاً جی بیشتر اونه بَکوشتَنِ دُمّال دَبان، چون نه فَقط مُقَدَّسِ شَنبِه قانون اِشکَندنِه با، بلکه حَتّی خُدا رِه خودشه پیَر دُخواندِنِه با و خودِشِه خُدایِ هَمرَه بَرابر دَانِسِّه.
19
پس عیسی اوشانه باَگوته: «راس راسی شِمِره گونَم که ریکا خودِشِه جی نَتَّنِه کاری هَکونه مَگِه کارهایی که دینه خودِشِ پیَر کانه؛ چون هَر چی پیَر کانه، ریکا هَم همون کارِه کانه.
20
چون پیَر، ریکا رِه دوس داره و هَر چی خودش کانه رِه اونه هَم نِشان دَنه واین کارانِ جی گَته تَر هَم اونه نِشان دَنه تا شُما بُهت هَکُنید.
21
چون هَمونجور که پیَر مُردِگانِ زندهِ کانه و اوشانه زندِگی دَنه، هَمونجور هَم ریکا هر کی رِه که بِخواد، زندِگی دَنه.
22
چونکه پیَر کَسی رِه داوَری نُکانه، بلکه تمام داوَری رِه ریکا رِه بِسپارِسِّه.
23
تا تمام مَردُم ریکا رِه حُرمَت بَنِن، هَمونجور که پیَرِ حُرمَت نَنِن. چون کَسی که ریکا رِه حُرمَت نُزاره، پیری کِه اونه روانه هَکوردِه رِه هَم حُرمَت نُزاشتِه.
24
راس راسی شِمِره گونَم هر کی می کَلامِ بِشنوئِه و اونیکه مَرِه روانه هَکوردِه رِه ایمان بیارِه، اَبَدی زندِگی رِه داره و داوَری نَبونه، بلکه مَرگِ جی به زندِگی مُنتَقِل هَبا.
25
راس راسی شِمِره گونَم، موقه ایی رَسِنه، بلکه هَمین اَلآنَم بَرِسییَه که مُردِگان خُدایِ ریکایِ صِدا رِه اِشنَوِنَن و اوشانیکه اِشنَوِنَن زندهِ بونَن.
26
چون هَمونجور که پیَر خودش دِلِه زندگی داره، هَمونجور هم ریکا رِه عَطا هَکُردِه تا خودشه دِلِه زندگی بِدارِه،
27
وَ اونه این اِختیارِه هَدَه که داوَری هَم هَکونه، چونکه اون انسانِ ریکائِه.
28
این گَبِ جی تَعَجِب نَکُنین، چون موقه ایی رَسِنه که تمام اوشانیکه قَبرِ دِلِه دَرِن اونه صِدا رِه اِشنَوِنَن.
29
و دِرگا هَنَن و اوشانیکه خوبی هَکُردَن زندهِ بونَن که تا اَبَد زندگی هَکُنَن، وَ اوشانیکه بَدی هَکُردَن زندهِ بونَن تا داوَری هَبون.
30
مَن می جی نَتَّنَم کاری هَکُنَم، بلکه طِبق اونچه که اِشنَوِنَم داوَری کانَم و می داوَری عادِلانِئِه، چون می خواسِّه یه دُمّال دَنییَم، بلکه اونه خواسِّه یه دُمّال دَرِم که مَرِه روانه هَکوردِه.
31
«اَگه مَن خودَم می خَبَری شَهادَت هَدَم، می شَهادَت اِعتِباری نِداره.
32
یِنَفر دیگه دَرِه که می خَبَری شَهادَت دَنه و مَن دانَم اونه شَهادَت می خَبَری اِعتِبار دارِه.
33
اَلبَتَر شُما کَسایی رِه یَحییِ یه وَرجه روانه هَکوردین و اون حَقیقَت رِه شَهادَت هَدَه.
34
نه اینکه مَن آدَمی یه شَهادَتِ قَبول دارَم، بلکه اینِه وَسین این گَبارِه زَنَم تا شُما نِجات هَگیرین.
35
یَحیی ایتا لَمپایه مِثان سوتِه و نور دَنِه با و شُما خَسّین یه لَحظِه اونه نور دِلِه خوش هَبین.
36
وَلی مَن شَهادَتی یَحیی یِه شَهادَت جی گَت تَردارَم. چون کارایی که پیَر مَرِه بِسپارِسِّه تا اَنجام هَدَم، یعنی هَمین کارایی که کانَم، می خَبَری شَهادَت دَنَن که پیَر مَرِه روانه هَکوردِه.
37
وَ همون پیَری که مَرِه روانه هَکوردِه خودش می خبَری شَهادَت دَنِه. شُما هیچ وَخت اونه صِدا رِه نِشنَوِسِّین و هیچ وَخت اونه دیمِ نَدییَین.
38
وَ اونه کَلام شِیمی دِلِ میَن دَنییِه، چون اونیکه اونه روانه هَکوردِه رِه ایمان نِدارید.
39
شُما مُقَدَّسِ نِوِشتِه ها رِه دقت هَمرَه خواندِنید، چون خیال کانید اونه طَریقِ جی اَبَدی زندِگی دارید، اَسِه اونکه هَمین بَنویشته شان هَم می خَبَری شَهادَت دَنِن.
40
وَلی هَلَه هم نَخَنین می ورجه بیئِین تا زندِگی بِدارین.
41
«آدَمی یه جی جَلال قَبول نُکانَم،
42
وَلی دانَم که شُما خُدایِ مُحَبتِ شیمی دِلِ میَن نِدارید.
43
مَن می پیَرِاسمِ هَمرَه بومَم، وَلی شُما مَرِه قَبول نُکانید. اَگه یِنَفر دیگه خودِشِه اِسم هَمرَه بیه اونه قَبول کانید.
44
چِطور تانید ایمان بیارین وقتی همدیگَرِ جی جلال قبول کانید، وَ اون جَلالِ دُمّال که خُدای یِکتایِ طَرفِ جی هَبو، دَنیَین؟
45
خیال نَکُنین مَنَم که پیَرهِ وَرجه شِمِره مُتَهَم کانَم؛ کسیکه شِمِرِه متهم کانه موسی یِه پِیغَمبَرِ، هَمونکه اونه اُمید دَبِسّین.
46
چون اَگه موسی رِه ایمان هارنِه بِین مَرِه هَم ایمان هارنه بِین، چونکه اون، می خَبَری بَنوِیشته.
47
وَلی اَگه اونه نِوِشتِه شانهِ باوَر نِدارید، چِطور می گَبِ باوَر کانید؟»
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21