bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
John 13
John 13
Mazanderani GMB (گیله ماز)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
پِیش اَز پِسَخ عیدِ، عیسی دَانِسِّه اونه ساعَت بَرِسییَه تا این دُنیایِ جی پیَرِه وَرجه بوشو، شاگِردانِی که این دُنیایِ دِلِه دوس داشتِه رِه تمام و کَمال مُحَبَت هَکُردِه.
2
شامِ موقِه با. اِبلیس پیشتَر یَهودایِ اَسخَریوطی، شَمعونِ ریکایِ دِلِ میَن بَنَ با که عیسی رِه دُشمَنِ دَس تَسلیم هَکونه.
3
عیسی که دَانِسِّه پیَر هَمِه چیره اونه دَس بِسپارِسِّه و خُدایِ طرفِ جی بوما و خُدایِ وَرجه شونِه،
4
شامِ سَر ورِسَه و خودشه قَوا رِه خودشه تَنِ جی دَر بیاردِه و ایتا حولِه بِیته خودشه کَمرِ دَبِسِّه.
5
ایما لَگنِ دِلِه اُو بَریختِه و خودشه شاگِردانِ لنگِ بَشوردِه و اون حولِه یه همرَه که خودشه کَمَر دَبِسِّه با، اوشانه لِنگِ خُشک هَکُردِه.
6
وَختی شَمعونِ پِطرُسِ بَرِسییَه، اون عیسی رِه باَگوته: «آقا، تو خَنی می لنگِ بَشوری؟»
7
عیسی باَگوته: «تو اَلآن نِفَهمِنی مَن چی کانَم، وَلی بعداً فَهمِنی.»
8
پِطرُس اونه باَگوته: «اَصلاً نُزارنَم می لنگِ بَشوری!» عیسی اونه باَگوته: «اگه تِرِه نَشورَم می جی سَهمی نَبِرنی.»
9
شَمعونِ پِطرُس باَگوته: «آقا، نه فقط می لنگ، بلکه می دَس و سَر رِه هَم بَشور!»
10
عیسی باَگوته: «اونیکه حَمام هَکُردِه بَشُوردَن نیاز نِداره بِجز اونه لِنگ. اونه سَر تا پا پاکِ و شما پاک هیسین، وَلی نه هَمِه شُما.»
11
چون دَانِسِّه کی اونه دُشمَنِ تَسلیم کانه، اینِه وَسین باَگوته: «تمام شُما پاک نییَین.»
12
بعدِ اونکه عیسی اوشانه لنگِ بَشوردِه، خودِشه قَوا رِه دَکُردِه و باز هَم شامِ سُفرِه یه سَر بِنیشتِه. ایما اوشانه باَگوته: «بِفَهمِسّین شِیمی وَسین چه هَکُردَم؟
13
شُما مَرِه اُسّا و شیمی آقا دُخواندِنید و دُرس هم گونین، چونکه هیسَم.
14
پَس اَگِه مَن که شِیمی آقا و اُسّایَم شِیمی لنگِ بَشوردَم، شُما هَم بایسّی هَمدیگَر لنگِ بَشورین.
15
چون مَن این کارِ هَمرَه شِمِره سَرمشقی هَدَم تا شُما هَم همونجور هَکُنید که من شیمی هَمرَه هَکوردَم.
16
راس راسی شِمِره گونَم، نه پاکار خودشه اَرباب جی گَتِ تَرِه، نه قاصِد خودشه بَرِسانده یه جی.
17
اَسِه که اینِه دانید، خوش بِحالِ شُما اَگِه اینِه اَنجام هَدین.
18
«اونچه گونَم شیمی هَمه یه باره نیِه. مَن اوشانیکه اِنتِخاب هَکُردَمِ رِه اِشناسِنَم. وَلی نِوِشتِه یه مُقَدَّسِ این گَب بایسّی بِه انجام بَرِسِه که گونِه، ”اونیکه می نان بُخاردِه، می هَمرَه دُشمَنی هَکُردِه.“
19
اَسِه پیش از اینکه این اتّفاق دَکِه شِمِرِه گونَم تا موقِه ایی که اتّفاق دَکِته، ایمان بیارین که مَن اون هیسَم.
20
راس راسی شِمِره گونَم، هر کی می بَرِسانده رِه قَبول هَکونه مَرِه قَبول هَکُردِه، وَ هر کی مَرِه قَبول هَکونه می بَرِسانده رِه قَبول هَکُردِه.»
21
عیسی بعدِ اینکه این گَبِ بَزَه روح دِلِه پَریشان هَبا و شَهادَت هَدَه و باَگوته: «راس راسی شِمِره گونَم، ایتا اَز شُما مَرِه دُشمَنِ دَس تَسلیم کانه.»
22
شاگِردان هَمدیگَرِ بِیِشیَن و تعجب هَکوردِن که اینه کِیه باره گونه.
23
ایتا اَز شاگِردان که عیسی اونه دوس داشتِه اونه تَکِ نَزیکی لَم هَدَه با.
24
پس شَمعونِ پِطرُس اِشارِه یه هَمرَه اونه جی بِخواسِّه تا عیسی یه جی بَپُرسِه کِیه گَبِ زَنه.
25
اون شاگِرد هَمونجور که لَم هَدَه با خودِشِ بیشتر عیسی رِه نَزدیک هَکُردِه و بَپُرسیِه: «آقا، اون کیِه؟»
26
عیسی جَواب هَدَه: «هَمونیه که این تیکِه نان بعدِ اینکه پیالِه یه دِلِه زَنَم اونه دَنَم.» ایما ایتا تیکه نان پیالِه یه دِلِه بَزَه و اونِه یَهودا، شَمعونِ اَسخریوطی یه ریکا رِه هَدَه.
27
یَهودا وَختی لُقمِه رِه بِیته شِیطان اونه دِلِ میَن بَشَه. ایما عیسی اونه باَگوته: «اونچه که خَنی اَنجام هَدی رِه زودتَر اَنجام هَدِه.»
28
وَلی هیچکِدام اَز اوشانی که سُفرِه یه سَر نیشته بان عیسی یه منظورِ نِفَهمِسَّن.
29
بَعضی گَمان کانِه بان چون یهودا خرج و بَرجِ پول کیسه رِه داره، عیسی اونه گونِه اونچه عیدِ وَسین لازِمِ بَهین، یا اونکِه یَهودا بایِسّی یِچّی فَقیرِان هَدِه.
30
بعدِ اینکه یَهودا لُقمِه رِه بِیته دَرجا دِرگا بَشه. وَ شُو با.
31
بعدِ اونکِه یَهودا دِرگا بَشَه، عیسی باَگوته: «اَلآن انسانِ ریکا جَلال بِیته و خُدا اونِه دِلِه جَلال بِیته.
32
اگه خُدا اونه دِلِه جَلال بِیته، پس خُدا هَم اونه خودشه دِلِه جَلال دَنه و اونه دَرجا جَلال دَنه.
33
می عزیزِ ریکاشان، یِکَم دیگه شِیمی هَمرَه دَرِم. می دُمّال گردِنِین هَمونجور که یَهودیِان رِه باگوتَم اَلآن شِمِره هَم گونَم اوجِه که مَن شونَم شُما نَتَّنید بیئِین.
34
ایتا تازِه حُکم شِمِره دَنَم، وَ اون اینه که هَمدِیگَرِ مُحَبت هَکُنید. هَمونجور که مَن شِمِره مُحَبَت هَکُردَم، شُما هَم بایسّی هَمدِیگَرِ مُحَبَت هَکُنید.
35
اگه هَمدیگَرِ مُحَبَت هَکُنید تمام مَردُم اینِه جی فَهمِنِن که شُما می شاگِردانین.»
36
شَمعونِ پِطرُس باَگوته: «آقا، کوجه شونی؟» عیسی باَگوته: «تو اَلآن نَتَّنی اوجِه ایی که مَن شونَم می دُمّال بییَیی؛ وَلی ایما می دُمّال هَنی.»
37
پِطرُس باَگوته: «آقا، چِرا اَلآن نَتَّنَم تی دُمّال بییَم؟ مَن می جان تی خاطِری دَنَم.»
38
عیسی باَگوته: «تو تیِ جان می خاطِری دَنی؟ راس راسی تِرِه گونَم، پِیش اَز اینکه تِلا دُخوانِه سِه دَفِه مَرِه حَشا کانی.»
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21