bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
John 9
John 9
Mazanderani GMB (گیله ماز)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
1
وختی عیسی راهِ دِلِه شونه با، ایتا کورِ مادرزادِ بَدییَه.
2
اونه شاگِردان اونه جی بَپُرسیَن: «اُسّا، کی گناه هَکوردِه که این مَردَای کور بِه دُنیا بوما؟ اون گُناه هَکُردِه یا اونه پیَر و مآر؟»
3
عیسی جَواب هَدَه: «نه اون و نه اونه پیَر و مآر؛ بلکه اینجور هَبا تا خُدایِ کاران اونه دِلِه ظاهِر هَبو.
4
تا روزِ بایسّی می بَرِسانده یه کارانِ اَنجام هَدیم؛ شُو دَرِه نَزّیک بونِه که اونه دِلِه کَسی نَتَّنِه کار هَکونه.
5
تا وَختی که دُنیایِ دِلِه دَرِم، دُنیایِ نور هیسَم.»
6
اینه باَگوته و زَمینِ سَر فیلی تُووادَه، گِل بِساته و اونِه اون مَردَای چِشمِ سَر بِمالِسِّه
7
و اونه باَگوته: «بوشو و سْیلوآمِ حوضِ دِلِه تیِ چِشمِ بَشور، سیلوآم معنی ’بَرِساندِه‘ هیسه» پَس اون کور بَشَه و بَشوردِه، اونه چِشم سو دَکِته و وَگِرِسِّه.
8
هَمسادِشان و اوشانیکه اونه پیشتَر گدایی یه موقِه بَدیه بان، گونهِ بان: «مَگِه این همون مَردای نیِه که نیشِنه با و گدایی کانِبا؟»
9
بَعضیان باگوتَن: «هَمونِه.» بَعضی دیگه باگوتَن: «نه، اونه ماندِنه.» وَلی خودش هِی گونه با: «مَن همون هیسَم.»
10
پَس اونه باگوتَن: «چِطور تی چِشم سو دَکتِه؟»
11
اون جَواب هَدَه: «ایتا مَردَای که اونه اِسم عیسی با، گِل بِساته و اونِه می چِشمِ سَر بِمالِسِّه و باگوتِه ”به سْیلوآمِ حوض بوشو و تیِ چِشمِ بَشور.“ پَس بَشَم و بَشوردَم و می چِشم سو دَکِته.»
12
اونه باگوتَن: «اون کوجهِ دَرِه؟» جَواب هَدَه: «نِدانَم.»
13
پَس اون مَردَای که قَبلاً کور با رِه عُلَمایِ فِرقِه فَریسی یه وَرجه بیاردِن.
14
اون روزی که عیسی گِل بِساته و اونه چِشمِ واز هَکُردِه، مُقَدَّس شَنبِه با.
15
پس فَریسیِان باز هم اونه جی بَپُرسییَن که چِطور اونِه چِشم سو دَکِته. اون اوشانه جَواب باَگوته: «می چِشمِ سَر گِل بِمالِسِّه و بَشوردَم و اَسِه دینَم.»
16
فَریسیِان جی بعضیان باگوتَن: «اون مَردای خُدایِ طَرفِ جی نیِه، چون یَهودیِانِ مُقَدَّس شَنبِه یه قانونِ بِجا نیارنِه.» وَلی بَعضی دیگر باگوتَن: «چِطور ایتا گُناهکار تانِه اینجور نِشانه و مُعجِزاتی هَکونه؟» وَ اوشانه میَن اختِلاف دَکِته.
17
پس یِدَفِه دیگه اون کورِ مَردَای رِه باگوتَن: «تو اون بارِه چی گوُنی؟ چون اون تی چِشمِ واز هَکُردِه.» اون باَگوته: «اون ایتا پِیغَمبَرِ.»
18
وَلی یَهودیِان هَلَه باوَر نِداشتَن اون کور با و اون چش سو دَکِته، تا اینکه اون مَردَای یه پیَر و مارِ که اونه چِشم سو دَکِتِ با رِه بِخَسَّن.
19
وَ اوشانه جی بَپُرسیَن: «این شیمی ریکائِه، هَمونی که گونین کور دُنیا بوما؟ پَس چطور اَلآن تانه بِینِه؟»
20
اون مَردَای یه پیَر و مآر جَواب هَدَن: «دانیم که اَمیِ ریکائِه و دانَیم که کور دُنیا بوما.
21
وَلی اَلآن چِطور دینِه و یا کی اونه چِشمِ واز هَکُردِه رِه اَما نِدانیم. خودِشِ جی بَپُرسین. اون خودش گَتِه هیسِه و خودشه خَبَری گَب زَنِه.»
22
ایشان اینه خاطِری اینجور باگوتَن که یَهودیانِ جی تَرسِنه بان. چون یَهودیِن قَبلاً هَمدَس هَبا بان هر کی اِقرار هَکونه که عیسی همون مَسیحِ موعودِ، اونه عِبادَتگاهِ جی دِرگا هَکُنَن.
23
اینِه وَسین با که اونه پیَر و مآر باگوتَن، «اون خودش گَتِه هیسِه، اونه جی بَپُرسین.»
24
پس یِدَفِه دیگه اون مَردَای که قَبلاً کور با رِه، دُخوانِسَّن و اونه باگوتَن: «جَلالِ خُدا رِه هَدِه! اَما دانیم که این مَردَای ایتا گُناهکارِ.»
25
اون مَردَای جَواب هَدَه: «نِدانَم اون گُناهکارِ یا نه. فقط یِچّی دانَم و اون اینه که کور بام، اَلآن دینَم.»
26
فَریسیِان اونه باگوتَن: «تی هَمرَه چی هَکُردِه؟ چِطور تی چِشمِ واز هَکُردِه؟»
27
اون مَردَای جَواب هَدَه: «مَن که شِمِره باگوتَم، وَلی شُما گوش نَدِنِین؛ چِرا خَنید دُوارِه بِشنُئین؟ مَگِه شُما هَم خَنید اونه شاگِرد هَبین؟»
28
اوشان اونه فاش هَدَن، باگوتَن: «تو خودِت اونه شاگِردی! اَما موسی یِه پِیغَمبَرِ شاگِردیم.
29
اَما دانیم خُدا موسی یه هَمرَه گَب بَزَه. وَلی نِدانیم این مَردَای کوجِه یه جی بوما.»
30
اون مَردَای اوشانه جَواب باَگوته: «این دِ خِیلی عَجیبِه! با اینکه می چِشمِ واز هَکُردِه، هَلَه هَم نِدانین کوجِه یِه جی بوما.
31
اَما دانیم خُدا گُناهکارانِ دُعا رِه نِشنَوِنِه، وَلی اَگه کَسی خُداپَرَس هَبو و اونه خواسِّه رِه اَنجام هَدِه، خُدا اونه دُعا رِه اِشنَوِنِه.
32
اَز اوَّلِ دُنیا تا اَلآن هیچ وَخت بِشنَوِسِّه نَبا هیچکی کورِ مادرزادِ چِشمِ واز هَکونه.
33
اَگه این مَردَای خُدای طَرَفِ جی نَبا، نَتَّنِسّه کاری هَکونه.»
34
اوشان اونه جَواب باگوتَن: «تو که تماماً گُناه دِلِه دُنیا بُمَیی. اَسِه، اَمَرِه هَم دَرس دَنی؟» پَس اونه دِرگا هَکُردَن.
35
وَختی عیسی بِشنَوِسّه که اون مَردَای رِه دِرگا هَکُردَن، اونه پیدا هَکوردِه و اونه جی بَپُرسیِه: «انسانِ ریکا رِه ایمان داری؟»
36
جَواب هَدَه: «آقا، باگو کیِه تا اونِه ایمان بیارَم.»
37
عیسی اونه باَگوته: «تو اونه بِدییَی! اون هَمونیِه که اَلآن دَرِه تی هَمرَه گَب بزَنه.»
38
مَردَای باَگوته: «آقا، ایمان دارَم.» اونه پِیش زانو بَزَه و اونه پَرَسِّش هَکُردِه.
39
عیسی باَگوته: «مَن داوَری یه وَسین بِه این دُنیا بومَم تا اوشانیکه کورَن بَینَن و اوشانیکه دینَن کور هَبون.»
40
بَعضی اَز عُلَمایِ فِرقِه فَریسی که اونه وَرجه دَبان این چیزانِ بِشنَوِسَّن، بَپُرسیَن: «اَما هَم کوریم؟»
41
عیسی اوشانه باَگوته: «اَگه کور بِین تَقصیر نِداشتین؛ وَلی اَسِه که گونین دینین، تَقصیرکار ماندِنید.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21