bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Revelation 17
Revelation 17
Mazanderani GMB (گیله ماز)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
1
ایما ایتا از اون هَفتا فِرشتِه که هَفتا پیالِه داشتِن پِیش بوماَ و مَرِه باَگوته: «بیِه، تا اون گَتِ فاحِشه یه داوری که خِیلی اُویه شان سَر لَم هَدَه رِه، تِرِه نِشان هَدَم.
2
اونیکه زمینِی پادشاهان اونه هَمرَه زَنا هَکُردَن و اوشانیکه زَمینِ سَر دَرِن اونه زِناکاری یه شَرابِ جی مَس هَبان.»
3
اون فِرشتِه خُدایِ روحِ دِلِه مَرِه صَحرا بَبِرده. اوجِه ایتا زِنا رِه بَدییَم که ایتا سُرخِ وحشی جانِوَر سَر سَوار با. اون جانِوَر تَن، کُفرآمیزِ اِسمهایِ هَمرَه بَپوشانیه با، و هفتا کَلِّه و دَه تا شاخ داشتِه.
4
اون زِنا، ایتا سُرخ و اَرغوانی لِواس خودشه تَن داشتِه که طَلا و جواهر و مُرواری یه هَمرَه بَزَک هَبا با. و ایتا پیالِه طِلایِ جی خودشه دَس داشتِه که خودِشِه زَنایِ زِشتیها و ناپاکی های جی پُر با.
5
وَ اونه پیشانی سَر این مَرموزِ اِسم بَنوِیشتِه هَبا با: «گَتِ بابِل، فاحشه شان و زمینِ زِشتیهای مآر.»
6
وَ بَدییَم که اون زِنا مُقدّسینِ خون و اوشانیکه عیسی یِه خاطری شهید هَبانِ خونِ هَمرَه مَسِّ. هَمین که زِنا رِه بَدییَم خِیلی تَعَجب هَکُردَم.
7
ولی فِرِشته مَرِه باَگوته: «چرا اِنقَدَر تَعَجُب هَکُردی؟ مَن اون زِنایِ راز و اون وحشی جانِوَر راز که هفتا کَلِّه و ده تا شاخ دارِه و زِنا اونه سَر سَوارِه رِه، تی وَسین گونَم.
8
اون وحشی جانِوَر که بِدیِیَیی، یه زَمانی دَبا، اَلآن دِ دَنیِه، و خِیلی زود هاویه یه چاه جی دِرگا هَنه و هَلاکتِ سمت شونِه. و اوشانیکه زمینِ سَر دَرَن که اوشانه اِسم از موقِه ایی که دُنیا خلق هَبا حیاتِ دفترِ دِلهِ بَنوِیشتِه نَبا، اون وحشی جانِوَر بَدییَنِ جی تَعَجِب کانَن، چون اون یه زَمانی دَبا، اَلآن دَنیِه، وَ خِیلی زود هَنه.
9
«این ایتا حَکیمِ عقل خَنِه. اون هَفتا کَلِّه، هفتا کوهِن که اون زِنا اوشانِ سَر نیشتِه.
10
که هفتا پادشاهِن که اوشانه جی پَنج نفر از بِین بَشَن، و یِنَفر بُمانِسَّه و ایتا از اوشان هَلَه نومَه، و اون موقِه که بیِه، بایِسّی بُمانه ولی یه مدّتِ کَم.
11
اون وحشی جانِوَر که زمانی دَبا و اَلآن دَنیِه، هَشتمین پادشاهِ. اون هَم ایتا اون هَفت نَفَرِ جییِه و هلاکتِ سمت شونِه.
12
«اون دَه تا شاخ که بِدیِیَی، دَه تا پادشاهِن که هَلَه به سلطنت نَرِسیَن. وَلی اوشان قرارِ که یه ساعتِ اون وحشی جانِوَر هَمرَه پادشاهانِ اقتدارِ هَگیرین.
13
اوشان همه ایتا فِکر دارَن و خودِشانِه قُدرَت و اقتدارِ اون وحشی جانِوَرِ دَنِن.
14
اوشان وَرِّه یه هَمرَه جَنگِنِن، وَلی اون وَرِّه اوشان سَر پیروز بونه، چون اون، خُداوندِ خداوَندان و پادشاهِ پادشاهان هیسه - و اوشانیکه اونه هَمرَه دَرِن، اونه دعوت هَبوسِّه شان و انتخاب هَبوسِّه شان و اونه وفادارانَن.»
15
و اون فِرشته مَرِه باَگوته: «اون اُوئیشان که بِدیِیَیی، اون جایی که فاحشه نیشتِه، اوشان همون قومها و جماعتها و مِلّتها و زَبانها هیسَن.
16
و اون دَه تا شاخ و وحشی جانِوَر که بِدیِیَی، فاحشه یه جی بیزار بونَن. اوشان اون فاحشه رِه تنها نَنِن و اونه لُخت و پَتی وِل کانَن. اون تَنِ گوشتِ خارِنَن و اونه تَشِ دِلهِ سوزانِدِنَن.
17
چونکه خُدا اوشانه دِلِ میَن بَنَه تا اونه خواسِّه رِه بِجا بیارِن و همفکر هَبون، تا خودِشانِه سلطنت قدرتِ اون وحشی جانِوَر دَس بِسپارِن، تا خُدایِ کَلام انجام هَبو.
18
وَ اون زِنا که بِدیِیَی همون گَتِ شَهرِ، که زمینِی پادشاهانِ سَر حِکومت کانه.»
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22