bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Revelation 9
Revelation 9
Mazanderani GMB (گیله ماز)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
1
و پنجمین فِرِشتِه خودشه شیپورِ دِلهِ بِدَمِسِّه، و مَن ایتا سِتارِه بَدییَم که آسِمانِ جی زَمینِ سَر بَکِتِه و هاویه یه چاهِ کیلیت که تَه نِداره اونه هَدَه هَبا.
2
اون فرشتِه هاویه یه چاهِ واز هَکُردِه. اون چاه جی یِچی ایتا گَتِه کورِه یه دود مِثان ورسَه، و آفتو و هوا اون چاه دود جی تاریک هَبان.
3
ایما دود میَن، واش ووزی زَمینِ سَر بومَن و اوشانِه ایتا قدرت، زمینِ عَقرَبانِ قُدرتِ مِثان هَدَه هَبا.
4
و اوشانِه باَگوته هَبا که نه زمینِ واشِشان، و نه هیچ سَبزِ گیاه یا داری رِه صدمِه نَزِنِن، بلکِه فقط مَردُمِی رِه صدمِه بَزنِن که خُدایِ مُهرِ خودِشانِه پیشانی سَر نِدارَن.
5
و اوشانِه اِجازه هَدَه هَبا که اون مَردمِ پَنج ماه عذاب هَدِن، بدونِ اینکه هیچکسِ بَکوشَن. و اوشانه عذاب، عَقربِ عذابِ مِثان با، اون موقِه که ینفرِ نیش زَنه.
6
اون روزانِ دِلِه مَردُم مَرگِ دُمّال گَردِنِن، ولی اونِهِ پیدا نُکانَن؛ مرگ آرِزو رِه دارِن، وَلی مَرگ اوشانه جی دَرشونه.
7
و اون واش ووزیشان ایتا اَسب مِثانَن که جَنگ وَسین آمادِه هَبان. اوشانه کَلِّه سَر یِچی دَبا که طِلای تاجِ مِثان با و اوشانِ قیافِه ایتا آدَمِ مِثان با.
8
اوشانِ سَرِ مو، ایتا زِناکانِ سَرِ مو یه مِثان با و اوشانه دَندان ایتا شیرِشانِ دندانِ مِثان با.
9
ایتا آهینی سینه پوش، خودِشانِه سینه شانه سَر داشتِن، و اوشانه بالِشان صِدا، اَرابِه ها و خیلی اَسبشانِ صدایِ مِثان با که جَنگ سمت شونَن.
10
اوشانِ دُم و نیش، ایتا عَقرَبِ دُم و نیشِ مِثان با، و خودِشانِه دُمِ دِلهِ این قدرتِ داشتن که مَردُمِ پَنج ماه عذاب هَدِن.
11
هاویه یه چاه فرشتِه اوشانه پادشاهِ، که عِبرانیانِ زِبانِ دِلهِ اونه اِسم ’اَبَدونِ‘، و یونانی زِبانِ دِلِه ’آپولیونِ‘ یعنی نابود کننده.
12
اوَّلین ’وای‘ سَرهَبا؛ بِییش، هَلَه دُتا ’وای‘ دیگه بایِسّی بیِه.
13
ایما، شِشُمین فِرِشتِه خودشه شیپورِ دِلهِ بِدَمِسِّه، و مَن ایتا صدا طِلائی قربانگاهِ چار شاخِ جی که خُدایِ وَرجه دَرِه بِشنَوِسَّم،
14
که شِشمین فِرِشتِه که شیپور داشتِه رِه، باَگوته: «اون چار تا فِرشتِه که فُراتِ گَتِه روخانِه یه ور اَسیرِن رِه، آزاد هَکُن.»
15
پَس اون چار تا فرشته که اون ساعَت و اون روز و اون ماه و اون سالِ وَسین اَمادِه هَبابان بایِسّی، آزاد هَبون تا یه سِوّمِ آدَمانِ بَکوشَن.
16
وَ بِشنَوِسَّم سَوارِه نظامِ تعداد دویست میلیون نفر با.
17
اَسب شان و اونه سواران رِه می رؤیای دِلهِ اینجور بَدییَم: اوشانِ زِرِه شانه رنگ، تَشِ سُرخی و کَبودِ آبی و گوگِردِ زردی رِه داشتِه. اَسبِشانِ کَلِّه، ایتا شیرِ کَلِّه یه مِثان با و اوشانِ دَهنِ جی تَش و دود و گوگِرد دِرگا زنه با.
18
این سِه تا بلایِ هَمرَه، تَش و دود و گوگِرد که اوشانِ دَهنِ جی دِرگا زنه با، یه سِوّمِ آدَمان بَکوشتِ هَبان.
19
چون اَسبِشانِ زور اوشانه دَهِن و دُمِ دِلهِ دَبا. چون اوشانه دُمِشان ایتا مارِ مِثانِ که کَلِّه داره و اوشانِ هَمرَه صدمه زَنِن.
20
بَقیِه آدَمِان، که این سِه تا بَلایِ جی بکوشت نَبان، نه خودِشانِه دَسِ کارانِ جی توبِه هَکُردَن و نه آلِشانه پَرَسِّش هکُردنِ جی و نه طَلائی بُتِشان و نقره ایی و برنجی و سَنگی و چویی بُتِشانِ پَرَسِّش هکُردنِ جی، که نه تانَن بَینِن و نه اِشنَوِنِن و نه راه شونِن.
21
اوشان خودِشانِه آدمکُشیها و جادوگریها و بیعفتیها و دُزّیهایِ جی هَم توبِه نَکُردِن.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22