bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Joshua 1
Joshua 1
nyankole
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Musa omuheereza wa Mukama ku yaaherize kufa, Nyakubaho yaagambira Yoshwa omugaragwa wa Musa ati:
2
Musa omuheereza wangye afiire. Mbwenu nu, imuka oyambukye Yorudaani egi, iwe n'abantu aba boona muze omu nsi ei ndikuha Abaisiraeli.
3
Omwanya gwona ogu muriribatsamu ekigyere, naagubaha nk'oku naaraganiise Musa.
4
Okwiha aha ihamba n'ahari Lebanooni, okuta aha mugyera omuhango, nigwo Eufuraati ensi yoona ey'Abahiiti, okuhika aha Nyanja Empango, ogurikugarura ei eizooba rirengyera, niyo eraabe ensi yaanyu.
5
Tihaine muntu oribaasa kukuza omu kaso omu biro by'amagara gaawe. Nk'oku naabaire ndi hamwe na Musa, nikwo ndiguma naiwe. Tindikuhemukaho, nobu kwakuba okukutsigaho.
6
Ba ow'amaani ogume; ahabw'okuba niiwe oraakubuuze aba bantu ensi ei naarahiire kuha baishebo.
7
Kureka ba ow'amaani ohamire kimwe; oteho omutima kuhitsya byona eby'omu iteeka ebi Musa omuheereza wangye yaakuragiire. Otaribiteishuka kutoora aha rubaju rwa buryo nari aha rwa bumosho, obone kugyenderwa gye ei oraaze yoona.
8
Ebiri omu kitabo ky'eiteeka eri bitarikuruga aha rurimi, kureka ogume obiteekateekyeho munonga nyomushana na nyekiro, obone kutaho omutima kukuratira ebihandiikirwemu byona. Obwo nibwo oraaheebwe omugisha omu bi orikukora, bikakugyedera gye.
9
Mbwenu shi, tiinye naakuragiira? Ba ow'amaani nu, ogume, kandi otatiina, nobu kwakuba okuhahaara. Manya Mukama Ruhanga waawe ari hamwe naiwe ahu oraaze hoona.
10
Bwanyima Yoshwa akaragiira abatware b'abantu ati:
11
Murabe omu nkambi, muragiire abantu muti: Muteekateekye entanda zaanyu, ahabw'okuba omu biro bishatu nimwija kwambuka Yorudaani egi, kuza kukubuura ensi ei Mukama Ruhanga waanyu arikubaha kuba eyaanyu.
12
Reero Yoshwa yaagira Abaareubeeni n'Abaagaadi n'ekicweka ky'oruganda rw'Abaamanaase ati:
13
Mwijukye eki Musa omuheereza wa Nyakubaho yaabaragiire naagira ati: Mukama Ruhanga waanyu yaabaha omwanya gw'oburuhuukiro, kandi naija kubaha egi nsi.
14
Abakazi baanyu n'abaana baanyu abato n'amatungo gaanyu nibiija kuguma omu nsi ei Musa yaabahaire seenu ya Yorudaani. Kwonka abashaija boona enkwata ngabo omuriimwe nimwija kwambuka muhagatiire eby'okurwanisa, mwebembeire beene waanyu kubaha emikono,
15
okuhitsya obu Nyakubaho araahe beene waanyu oburuhuukiro nkaimwe; nabo bakakubuura ensi ei Mukama Ruhanga waanyu arikubaha; haza mukabona kugaruka omu nsi yaanyu y'obutaka, mukagikubuura; egyo nsi ei Musa omugaragwa wa Nyakubaho yaabahaire seenu ya Yorudaani, embari ya burugwa-izooba.
16
Nabo baagarukamu Yoshwa bati: Byona ebi waaturagiira nitwija kubikora, n'ei oraatwohereze yoona nitwija kuzayo.
17
Nk'oku twahuriire Musa omuri byona, naiwe nikwo turaakuhurire. Kimwe kyonka, Mukama Ruhanga waawe agume naiwe, nk'oku yaabaire ari na Musa.
18
Weena origomera eki oragiire, akanga kuhurira eki waagamba n'ebi waamuragiira, aitwe. Kureka ba ow'amaani, ogume.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24