Joshua 12

nyankole

← Chapter 11 Jump to: Chapter 13 →

1Aba nibo bagabe b'omuri egyo nsi abu Abaisiraeli baasingwire, bakakubuura ensi yaabo seenu ya Yorudaani, ogurikugarura burugwa-izooba, okwiha omu ruhanga rwa Arunooni, okuhika aha Rushozi Herumooni na Araba yoona ey'oburugwa-izooba.

2Sihooni omugabe w'Abaamori, owaabaire atwire Heshibooni, naategyeka okwiha Aroeri, eri aha karebarebo k'oruhanga rwa Arunooni, kandi n'okwiha ahagati y'orwo ruhanga, okuta aha mugyera Yaboki. Nikyo kicweka kya Gileadi,

3na Araba, okuhika aha Nyanja ya Kinerooti, orubaju rwa burugwa-izooba, kandi n'ogurikugarura Betiyeshimooti, okuta aha nyanja ya Araba ey'Omwonyo, okugarura aha bukiizi-bwa-buryo, okuhika omu mizi y'enkiizi za Pigisa.

4Na Ogi omugabe wa Bashani, omwe aha baatsigaireho omu Bareefa, owaabaire atwire Ashitarooti na Edurei,

5naategyeka Orushozi rwa Herumooni na Saaleka na Bashani yoona, okuhika aha mwatano gw'Abageshuri n'Abamaakati, kandi n'ekicweka kya Gileadi, okuhika ahu arikwatanira na Sihooni omugabe wa Heshibooni.

6Abo nibo Musa, omugaragwa wa Nyakubaho, n'Abaisiraeli baasingwire. Reero Musa, omugaragwa wa Nyakubaho, ensi yaabo egyo akagiha Abaareubeeni n'Abaagaadi n'ekicweka ky'oruganda rw'Abaamanaase, kuba eyaabo.

7Kandi aba nibo bagabe b'omuri egyo nsi abu Yoshwa n'Abaisiraeli baasinguriire orubaju rwa burengyerwa-izooba bwa Yorudaani, okwiha Baaligada omu ruhanga rwa Lebanooni okuta aha Rushozi Halaki orurikwinamura nirugaruka Seiri. Haza Yoshwa akaha ab'enganda za Isiraeli egyo nsi yaabo kugikubuura, nk'oku baagibagaine,

8omu nsi y'ebibungo n'omu mpita, omuri Araba, omu nkiizi, omu ihamba n'omuri Negebu, ensi y'Abahiiti, y'Abaamori, y'Abakanaani, y'Abapeerizi, y'Abahiizi n'ey'Abayeebusi:

9omugabe wa Yeriko omwe; omugabe wa Aayi ey'aha rubaju rwa Beteli omwe;

10omugabe wa Yerusalemu omwe; omugabe wa Heburooni omwe;

11omugabe wa Yarimuuti omwe; omugabe wa Lakishi omwe;

12omugabe wa Egulooni omwe; n'omugabe wa Gezeri omwe;

13omugabe wa Debiri omwe; n'omugabe wa Gedori omwe;

14omugabe wa Horuma omwe; n'omugabe wa Aradi omwe;

15omugabe wa Libuna omwe; omugabe wa Adulaamu omwe;

16omugabe wa Makeda omwe; omugabe wa Beteli omwe;

17omugabe wa Taapua omwe; n'omugabe wa Heferi omwe;

18omugabe wa Afeki omwe, n'omugabe wa Lasharooni omwe;

19omugabe wa Madoni omwe; n'omugabe wa Hazori omwe;

20omugabe wa Shiimurooni omwe; n'omugabe wa Akishaafa omwe;

21omugabe wa Taanaka omwe; omugabe wa Megido omwe;

22omugabe wa Kedeshi omwe; n'omugabe wa Yokineamu ey'omuri Karumeeli, omwe;

23omugabe wa Doori omuri Naafatadoori, omwe; omugabe wa Goiimu omuri Galilaaya, omwe;

24n'omugabe wa Tiriza omwe. Boona hamwe abagabe makumi ashatu n'omwe.

← Chapter 11 Jump to: Chapter 13 →