Joshua 20

nyankole

← Chapter 19 Jump to: Chapter 21 →

1Ebyo ku byahwaire, Nyakubaho yaagira Yoshwa ati:

2Gambira Abaisiraeli oti: Mutoorane endembo z'okuhungiramu ezi naaragiire Musa kubagambira,

3ngu omuntu oriita mugyenzi we atamwitsire nkana, nari atakimanyire, ahungiremu. Zibe omwanya gwanyu gw'okuhungiramu orikwenda kuhoora enzigu.

4Kiita ahungire omuri rumwe ahari ezo ndembo, haza ayemerere aha irembo ryarwo, ashoboororere abakuru baarwo eki akozire, nabo barumutaasyemu, bamuhe omwanya, agume nabo.

5Reero kihoora nzigu ku arimukurata, batarimumurekurira kumwita; ahabw'okuba kiita ogwo akaita mutaahi we atamumanyire, ataine nawe nzigu omu biro bihwaire.

6Kandi kiita agume omuri orwo rurembo okuhitsya obu aryemerera omu maisho g'oruteerane rw'abantu kucwerwa orubanja, n'okuhitsya obu oriba ari omuhongyerezi omukuru omuri obwo bunaku arifa. Obwo nibwo aribaasa kugaruka omu kirorero ky'owaabo n'omu ka ye, omu rurembo ru yaahungiremu.

7Batyo baatoorana Kedeshi ey'omuri Galilaaya, omu nsi y'ebibungo eya Nafutaali; na Shekemu ey'omu nsi y'ebibungo eya Efuraimu; na Kiriyataraba, niyo Heburooni, omu nsi y'ebibungo eya Yuda.

8Kandi seeri ya Yorudaani, oburugwa-izooba bwa Yeriko, baatoorana Bezeri ey'aha murambi gw'omu ihamba, omu b'oruganda rwa Reubeeni; na Ramoti ey'omu Gileadi omu b'oruganda rwa Gaadi; na Golani omuri Bashani omu b'oruganda rwa Manaase.

9Ezo nizo ndembo zaateereirweho Abaisiraeli boona n'omunyaihanga obashuuhuukiiremu, ngu weena oriita omuntu atamwitsire nkana abone kuhungiramu, arekye kwitwa omuhoozi w'enzigu, okuhitsya obu araayemerere omu maisho g'oruteerane rw'abantu.

← Chapter 19 Jump to: Chapter 21 →

Recommended Reading

Commentary Joshua Commentaries → Devotional Joshua Devotional Guide → Get This Bible nyankole Study Bible →