bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Leviticus 18
Leviticus 18
nyankole
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 19 →
1
Nyakubaho akagira Musa ati:
2
Gambira Abaisiraeli oti: Niinye Mukama Ruhanga waanyu.
3
Mutarikora ebi Abanyamisiri bakora omu nsi yaabo ei mwabaire mutwiremu; kandi mutarikora ebi Abanyakanaani bakora omu nsi yaabo ei ndikubatwaramu. Mutarikuratira ebiragiro byabo.
4
Mugume mukuratire ebi naataireho, mworobere ebiragiro byangye mubigumizemu. Niinye Mukama Ruhanga waanyu.
5
N'ahabw'ekyo mugume mukuratire ebi naataireho, mworobere ebiragiro byangye, ahabw'okuba omuntu oribihitsya, biryamuhaisa amagara. Niinye Nyakubaho.
6
Omuriimwe hatarigira owaahika ou aine nawe obuzaare bwa haihi. Niinye Nyakubaho.
7
Otarihemura sho, okabyama na nyoko ahabw'okuba ni nyoko; n'ahabw'ekyo otarimujweka busha.
8
Kandi otaribyama na muka sho ahabw'okuba nooba ojwekire sho busha.
9
Otaribyama na munyaanyako muhara wa sho, nari muhara wa nyoko; yaaba yaazaariirwe omuka nari ahandi.
10
Otaribyama na muhara wa mutabani waawe, nari muhara wa muhara waawe, ahabw'okuba enjuuro yaabo niyo emwe n'eyaawe.
11
Otaribyama na muhara wa muka sho, ou sho ayezaariire, ahabw'okuba ni munyaanyoko.
12
Otaribyama na shwenkazi, ahabw'okuba n'omukazi oine obuzaare bwa haihi na sho.
13
Otaribyama na nyokwento, ahabw'okuba n'omukazi oine obuzaare bwa haihi na nyoko.
14
Otarijweka busha shwento kwirira haihi omukazi we, ahabw'okuba ni shwenkazi.
15
Otaribyama na mukaamwana waawe; ni muka mutabani waawe: otarimujweka busha.
16
Otaribyama na muka mwene sho, ahabw'okuba niwe mwene sho ajuurira.
17
Otaribyama n'omukazi, okataho omuhara, nobu kwakuba okutwara muhara wa mutabani we, nari muhara we muhara we, ku babyama naiwe ahabw'okuba abo n'abakazi abaine obuzaare bwa haihi naiwe. Ekyo n'ekirikuzira.
18
Kandi otarishwera omukazi kumuharikisa mukuru we, okabyama na mukuru we akiriho.
19
Otarihika omukazi kubyama nawe akiri omu kwezi atakashemeire.
20
Kandi otaribyama na muka mutaahi waawe, okeefaakaza hamwe nawe.
21
Otarihayo n'omwe omu baana baawe kumutambira Moleki noomurabya omu muriro, okajumisa eiziina rya Ruhanga waawe. Niinye Nyakubaho.
22
Otaribyama n'omushaija nk'omukazi. Ekyo n'ekihagaro.
23
Kandi otaribyama n'enyamaishwa yoona, okeehagaza. N'omukazi weena ataribyama n'enyamaishwa. Ekyo n'okukora ekitari ky'obuhangwa.
24
Mutaryehagazisa ebyo bintu, ahabw'okuba ebyo byona amahanga agu ndikubinga kubahigiza nibyo gaayesiisiise,
25
n'egyo nsi ekasiisikara, naanye nikwo kugifubira ahabw'ebibi byayo, ekatanaka abagitwiremu.
26
Kwonka imwe mugume mukuratire ebi naataireho, mworobere ebiragiro byangye, kandi hatarigira omuriimwe, yaaba muzaarwa nari omunyaihanga obashuuhuukiiremu, owaakora ekihagaro na kimwe omuri ebyo.
27
Manya ebyo bihagaro byona nibyo abantu b'omuri egyo nsi abaababandiize baakozire, egyo nsi ekasiisikara.
28
Naimwe ku mwakugishiisha ekaabatanaka nk'oku yaatanakire ab'eihanga eryababandiize.
29
Manya omuntu weena orikora kimwe ahari ebyo bihagaro, n'abantu boona ababikora baryacuubwa omu ihanga ryabo.
30
N'ahabw'ekyo mukuratire ebi naabaragiira. Mutarigira omucwe na gumwe ogw'omuri egyo erikunugwa ei abaababandiize baagizire, kandi mutarigyesiisisa. Niinye Mukama Ruhanga waanyu.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27