bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Leviticus 23
Leviticus 23
nyankole
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 24 →
1
Nyakubaho akagira Musa ati:
2
Gambira Abaisiraeli oti: Aga nigo magyenyi agu Nyowe Nyakubaho ntaireho agu murirangirira kuba ebiteerane ebirikwera.
3
Emirimo egume ekorerwe omu biro mukaaga, kwonka ekiro kya mushanju kibe Sabato ey'okuhuumuriraho kimwe, ey'okuteerana okurikwera. Mutarikoreraho omurimo gwona; ni Sabato ya Nyakubaho, hoona ahi muriba mutwire.
4
Aga nigo magyenyi g'ebiteerane ebirikwera agu Nyowe Nyakubaho ntaireho, agu muraarangirire omu bunaku bwago obwatairweho.
5
Omu kwezi kw'okubanza, aha kiro kya ikumi na bina eky'okwo kwezi omu mwabazyo, nikwo kuhinguraho kwa Mukama.
6
Kandi aha kiro kya ikumi na bitaano eky'okwo kwezi, n'Obugyenyi bwa Nyakubaho obw'Emigaati Etatumbisiibwe. Mumare ebiro mushanju nimurya emigaati etatumbisiibwe.
7
Aha kiro ky'okubanza mugire ekiteerane ekirikwera, kandi mutarikoreraho omurimo gwona ogurikurusya.
8
Kureka muryaguma mureetere Nyakubaho ebitambo ebyokiibwe okumara ebiro mushanju. Reero ekiro kya mushanju kibe eky'okuteerana okurikwera; mutarikikoreraho omurimo gurikurusya.
9
Nyakubaho akagira Musa, ati:
10
Gambira Abaisiraeli oti: Ku murihika omu nsi ei ndikubaha, mwashaaruura ebi mugyesire, mureetere omuhongyerezi emiba y'emiganuro y'ebi mwerize; agizongazongyeze omu maisho ga Nyakubaho, mubone kwikirizibwa.
11
Ogwo muhongyerezi agizongazonzye omu kasheeshe karikurata Sabato.
12
Aha izooba ri murizongazongyezaho egyo miba, mureete empaya nto y'entaama y'omwaka gumwe etaine kamogo, ebe ekitambo ky'okucwetsya ekitambiirwe Nyakubaho.
13
Omutoijo gw'esaano ogw'okutoijwa hamwe n'egyo ntaama gugume gube bibiri bya ikumi by'encuro y'esaano y'obunono, ejwangiibwemu amajuta g'omuoliva; etoijerwe Nyakubaho eyokiibwe kuba ekisooroora kirikugwisa gye. Omutoijo gw'ebyokunywa ogw'okutoijwa nayo gugume gube viino ya kimwe kya kana ky'akacupa.
14
Haza mutarirya omugaati gwona ogw'enjuma zikarangire nari z'omweza mutakaganuriire Ruhanga waanyu. Ekyo n'ekiragiro ky'ebiro byona omu busingye bwanyu bwona, hoona ahi muriba mutwire.
15
Kandi mubare ebiro, okwiha aha izooba eririkurata Sabato, eri muriba mureeteireho omuba gw'omutoijo gw'okuzongazonzya, bibe wiiki mushanju eziijwire.
16
Obwo nimubara ebiro makumi ataano, okuhitsya aha izooba eririkurata Sabato eya mushanju mubone kutoijera Nyakubaho esaano y'omuganuro.
17
Mwihe omu maka gaanyu emigaati ebiri y'okuzongazonzya, y'ebicweka bibiri bya ikumi by'encuro, kandi ebe ey'esaano y'obunono, eteekwe erimu ekitumbisa, kuba ey'okuganurira Nyakubaho.
18
Egyo migaati mugireetereho abaana b'entaama mushanju abahikize omwaka gumwe, kandi abataine kamogo hamwe n'enimi nto n'empaya ibiri z'entaama; bibe ekitambo kya Nyakubaho ekicwekize. Hamwe n'omutoijo gw'esaano, n'omutoijo gwabyo gw'ebyokunywa; bibe ekitambo ky'okwotsya kurugwamu ekisooroora ky'okugwisa gye Nyakubaho.
19
Kandi muheyo empaya emwe y'embuzi kuba empongano y'ekibi; n'empaya nto ibiri z'entaama zihikize omwaka gumwe zibe ekitambo ky'okurya kumwe.
20
Mpaho omuhongyerezi abizongazonzye hamwe n'emigaati y'omuganuro bibe ebizongazongyeirwe Nyakubaho; hamwe n'abaana babiri b'entaama, bibe ebi beereize Nyakubaho kuba eby'omuhongyerezi.
21
Ahari eryo izooba murangirire ku mwine ekiteerane ekirikwera, kandi mutakora omurimo gwona ogurikurusya. Ekyo n'ekiragiro ky'obutwire bwona omu maka gaanyu goona n'omu busingye bwanyu bwona.
22
Haza ku muriba nimugyesha ebi mwerize omu nsi yaanyu, mutarigyesha emisiri yaanyu mukahikira kimwe aha rubibi, nobu kwakuba okuhumba ebitsigairemu. Ebyo mubitsigire abooro n'abanyamahanga. Niinye Mukama Ruhanga waanyu.
23
Mukama akagira Musa ati:
24
Gambira Abaisiraeli oti: Omu kwezi kwa mushanju, ekiro ky'okubanza eky'okwo kwezi mugume mukirinde kiri ekiro ky'okuhuumuriraho kimwe, kibe eky'okwijukiraho, ekirirangirirwa nibateera enzamba z'akasirikiriro, kandi eky'ekiteerane ekirikwera.
25
Mutarikikoreraho omurimo gurikurusya, kandi muryakireeteraho Nyakubaho ekitambo ky'okwokibwa.
26
Nyakubaho akagira Musa ati:
27
Ekiro kya ikumi eky'okwezi kwa mushanju kigume kibe eky'okukarabiraho. Kibabeere eizooba ry'okugiriraho ekiteerane ekirikwera; haza ahari eryo izooba muryaguma mwesiibyekwo, kandi mureetere Nyakubaho ekitambo ky'okwokibwa.
28
Ekyo kiro mutarikikoreraho omurimo gwona, ahabw'okuba n'ekiro ky'okukarabiraho, kubakarabirira omu maisho ga Mukama Ruhanga waanyu.
29
Weena oriba ateesiibizekwo ahari eryo izooba, aryacuubwa omu ihanga.
30
Kandi omuntu orikora omurimo gwona ahari ekyo kiro, ndyamuhwerekyereza mmwihe omu baabo.
31
Mutarikoreraho omurimo. Ekyo n'ekiragiro ky'obutwire bwona ekyabateerwaho kuba eky'obusingye bwona omu maka gaanyu goona;
32
kibabeere Sabato y'okuhuumuriraho kimwe kandi mwesiibyekwo. Aha kiro kya mwenda eky'okwo kwezi, ekirikutandika omu mwabazyo, muryaguma murinde Sabato yaanyu okwiha omu mwabazyo okuhitsya omu gundi oguraakurateho.
33
Nyakubaho akagira Musa ati:
34
Gambira Abaisiraeli oti: Aha kiro kya ikumi na bitaano eky'okwezi kwa mushanju, haryaguma habeho obugyenyi bwa Nyakubaho obw'Ensiisira, kandi bumare ebiro mushanju.
35
Aha kiro ky'okubanza habeho ekiteerane ekirikwera, kandi mutarikora omurimo gurikurusya.
36
Omuri ebyo biro mushanju muryaguma mureetere Nyakubaho ebitambo by'okwokibwa. Reero aha kiro kya munaana mugire ekiteerane ekirikwera, kandi mutoijere Nyakubaho ekitambo ky'okucwetsya. Ekyo n'ekiteerane kikuru, kandi mutarikora omurimo gurikurusya.
37
Ago nigo magyenyi ga Nyakubaho agatairweho agu muriguma nimurangirira kuba ag'okugiriraho ebiteerane ebirikwera, kumutoijereraho ebitambo by'okwokibwa n'eby'okucwetsya, n'eby'esaano n'ebindi bitambo hamwe n'ebyokunywa; buri kimwe aha izooba ryakyo;
38
otabariiremu Sabato za Nyakubaho, n'emitoijo yaanyu, n'endiijo yoona ei mutoija muhigire, n'ei mutoija mwekundiire mukagiha Nyakubaho.
39
Aha kiro kya ikumi na bitaano eky'okwezi kwa mushanju, ku muriheza kushaaruura ebi mwerize omuri egyo nsi, mugire Obugyenyi bwa Nyakubaho obw'ebiro mushanju. Aha kiro ky'okubanza habeho okuhuumurira kimwe, n'aha kya munaana kubeho.
40
Haza aha kiro ky'okubanza mutware ebijuma by'emiti ebirungi, n'amataagi g'emikindo, n'ag'emiti eyumbize, n'obuti bw'aha nkungu z'omugyera. Mutyo mumare ebiro mushanju nimushemerererwa Mukama Ruhanga waanyu.
41
Mugume murinde ekyo kiro kibe Obugyenyi bwa Nyakubaho obw'ebiro mushanju omu mwaka. Ekyo n'ekiragiro ky'obutwire bwona ekitairweho omu busingye bwanyu bwona. Mugume mukigire omu kwezi kwa mushanju.
42
Muraare omu nsiisira okumara ebiro mushanju. Enzaarwa z'omuri Isiraeli zoona ziraare omu nsiisira,
43
enzaaro zaanyu zibone kumanya ku Niinye naareeteire Abaisiraeli kuraara omu nsiisira obu naabaiha omu nsi ya Misiri. Niinye Mukama Ruhanga waanyu.
44
Okwo nikwo Musa yaarangiriire Abaisiraeli amagyenyi ga Nyakubaho agaatairweho.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27