bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Leviticus 27
Leviticus 27
nyankole
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Nyakubaho akagira Musa ati:
2
Gambira Abaisiraeli oti: Omuntu ku arisiga ekisigo ky'omutaano kuhongyera Nyakubaho abantu, nk'okubariirira kwawe oku kuri,
3
obwo omushaija w'emyaka makumi abiri okuhitsya ahari makumi mukaaga y'obukuru omu kubariirira kwawe omucwere empiiha makumi ataano z'efeeza nooreebera aha rurengo rw'empiiha y'Omwanya Ogurikwera.
4
Ogwo muntu ku ariba ari omukazi omucwere empiiha makumi ashatu.
5
Omuntu ku ariba ari ow'emyaka etaano okuhitsya ahari makumi abiri y'obukuru, omushaija omucwere empiiha makumi abiri, omukazi ikumi.
6
Omuntu ku araabe ari ow'okwezi kumwe okuhitsya aha myaka etaano y'obukuru, ekicwero kyawe aha mushaija kibe empiiha itaano z'efeeza kandi omukazi kibe ishatu.
7
Reero omuntu ku ariba ahikize emyaka makumi mukaaga y'obukuru n'okukiraho, obwo ekicwero kyawe ky'omushaija kibe empiiha ikumi na itaano, kandi eky'omukazi kibe ikumi.
8
Mbwenu omuntu ku ariba ari omworo, otarikubaasa kwihura eki waamucwera, obwo areete ogwo muntu omu maisho g'omuhongyerezi, n'onu amutuubize ekicwero naareebera aha bwekoro bwe.
9
Ku eriba eri enyamaishwa nk'ezi abantu bahayo bazitoijeire Nyakubaho, kyona eky'omuringo ogwo, eki omuntu atoijera Nyakubaho, kiba ekirikwera.
10
Atarigira ekindi kyona eki yaataho omu mwanya gwayo, nari okugihingisa endi, enungi okugihinga embi, nari embi okugihinga enungi. Mbwenu enyamaishwa ku arigihinga endi, obwo zombi enu n'eri oku zaahingwa zibe ezirikwera.
11
Kandi ku eriba eri enyamaishwa erikuzira etatoijerwa Nyakubaho, obwo omuntu areete egyo nyamaishwa omu maisho g'omuhongyerezi;
12
n'onu areebe, yaaba eri nungi nari mbi.
13
Reero kihiga ku araabe naayenda kugicungura, agyongyeremu kimwe kya kataano ky'obuguzi bwayo.
14
Omuntu ku arihonga enju ye kuba enjeru ya Nyakubaho, omuhongyerezi agibariirire nk'oburungi bwayo nari obubi bwayo oku buri. Kandi nk'oku omuhongyerezi araagibariirire nikwo obuguzi bwayo buraabe.
15
Reero kigihonga ku araabe naayenda kugicungura, agyongyeremu kimwe kya kataano ky'empiiha z'obuguzi bwayo, ebone kuba eye.
16
Omuntu ku arihongyera Nyakubaho ekicweka ky'eitaka rye eri yaahungwire, obuguzi bwakyo obubariirire nooreebera aha mbibo ezaakukibibwamu. Encuro y'embibo ya baale ebariirirwe kwingana n'empiiha makumi ataano z'efeeza.
17
Ku arihonga ekibanja kye omwaka gw'Okushemererwa gurugiremu juba, kicwerwe nk'oku waakibariirira.
18
Kwonka ku arihonga ekibanja kye omwaka gw'okushemererwa gwarugiremu, obwo omuhongyerezi abariirire empiiha z'obuguzi bwakyo naareebera aha myaka ekitsigaireyo kuhika aha gundi mwaka gw'okushemererwa; kandi bacwe aha buguzi bwakyo nk'oku oribariirira.
19
Owaahonga ekibanja ku ariba naayenda kukicungura, akyongyeremu kimwe kya kataano ky'empiiha zi kibaririirwe, kibone kuguma kiri ekye.
20
Kwonka ku ariba atarikwenda kukicungura, nari ku araabe yaakigurize ondiijo muntu, nikiba kitakicungurwa bundi.
21
Kureka ekyo kibanja, ku kirirekurwa omu mwaka gw'okushemererwa, kibe enjeru ya Nyakubaho emuhongyeirwe, haza kibe obutaka bw'omuhongyerezi.
22
Omuntu ku arihongyera Nyakubaho ekibanja ki yaaguzire ekitari kicweka ky'obutaka bwe obu yaahungwire,
23
omuhongyerezi abariirire obuguzi bwakyo okuhitsya aha mwaka gw'okushemererwa. Reero ogwo muntu ahe empiiha zi baakicwera eryo izooba, kibe enjeru ya Nyakubaho.
24
Omu mwaka gw'okushemererwa, ekyo kibanja kigarukanwe ou baakiguzireho, ou kyashangirwe kiri obutaka bwe bw'empungurano.
25
Buri buguzi bugyererwe aha mpiiha z'Omwanya Ogurikwera, obwo empiiha emwe erimu ebigabari makumi abiri.
26
Kwonka emijigaijo y'enyamaishwa eshangwa eba eya Nyakubaho. N'ahabw'ekyo hatarigira owaagihonga, yaaba y'ente nari y'entaama, ahabw'okuba n'eya Nyakubaho.
27
Mbwenu ku eriba eri ey'enyamaishwa erikuzira, obwo kigireeta aryagicungura nk'oku oribariirira; kandi agyongyeremu kimwe kya kataano ky'empiiha z'obuguzi bwayo. Nari ku ariba atagicungwire, etundwe nk'oku origicwera.
28
Kwonka tiharigira ekintu eki omuntu ahongyeire Nyakubaho akiihire omu bi atungire, yaaba muntu nari enyamaishwa, nainga ekibanja kye ky'empungurano, ekiritundwa nari okucungurwa, kyona ekihongirwe n'enjeru ya Nyakubaho.
29
Tiharigira omuntu ahongyeirwe kimwe kwitwa oricungurwa, kureka aitwe.
30
Kimwe kya ikumi kyona ky'eby'eitaka eky'ebyezire omu nsi, yaaba by'omujuma nari by'ebijuma, kiryaba enjeru ya Nyakubaho.
31
Omuntu ku aryenda kucungura kimwe kya ikumi kye, akyongyereho kimwe kya kataano;
32
kimwe kya ikumi kyona eky'obusyo bw'ente nari bw'entaama, buri nyamaishwa ya ikumi eya zoona ezi omuriisa arikubarisa enkoni ye, eryaba enjeru ya Nyakubaho.
33
Omuntu ataryenda kwetegyereza yaaba eri nungi nari mbi, nobu kwakuba okugihingisa. Kwonka ku arigihingisa, egyo eyaahingwa n'eyaahingisibwa, zombi ziryaba ezeeziibwe; zitaricungurwa.
34
Ebyo nibyo biragiro bi Mukama yaaragiriire Musa aha Rushozi Sinaayi kubigambira Abaisiraeli.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27