bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Leviticus 22
Leviticus 22
nyankole
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 23 →
1
Kandi Nyakubaho akagira Musa, ati:
2
Gambira Arooni n'abatabani bagume beetantare ebintu ebyeziibwe eby'abantu ba Isiraeli bampongyeire, batakaajumisa eiziina ryangye eririkwera. Niinye Nyakubaho.
3
Bagambire oti: Ku harigira omuntu ow'omu baijukuru baanyu, omu nzaaro zaanyu zoona oriba ohagaire akairirira ebintu byeziibwe ebi Abaisiraeli bahongyera Nyakubaho, ogwo muntu tindimucwa maisho bundi.
4
Hatarigira ow'omu ruganda rwa Arooni oriba abembire nari arwaire emiteezi, owaikirizibwa kurya aha bintu byeziibwe atakabaire oshemeire. Weena orikora aha kintu kyona ekirikuzira, ahabw'okuhikaana n'omutumbi nari omushaija orugirwemu amanyaari;
5
na weena orikora aha kintu kirikugyendesa enda, ekyakumureetera kuba otashemeire, nari omuntu ou yaihaho okutashemera kw'omuringo gwona,
6
omuntu owaakora aha kintu nk'ekyo, aryaba otashemeire okuhitsya omu mwabazyo, kandi atarirya aha bintu ebyeziibwe atabandize kwoga.
7
Eizooba ku ririrenga aryaba oshemeire, reero abone kwikirizibwa kurya aha byeziibwe, ahabw'okuba ebyo nibyo byokurya bye.
8
Atarirya ekyefeereire nari ekitaanyaguziibwe enyamaishwa akakyehagazisa. Niinye Nyakubaho.
9
N'ahabw'ekyo bagume bakuratire ebi naabaragiire, bitakaabarugiramu ekibi kikabaita ahabw'okushiisha ebyo biragiro. Niinye Nyakubaho obeeza.
10
Hatarigira otari w'omu bahongyerezi owaarya aha kintu kyeziibwe. Omuntu oshuuhuukiire aha muhongyerezi, nari omupakasi we, atarirya aha kintu kyeziibwe.
11
Kwonka omuhongyerezi ku arigura omuhuuku empiiha ze, yaaba owe, ogwo muhuuku naikirizibwa kubiryaho kandi n'abazaariirwe omu ka ye nibaikirizibwa kurya aha byokurya bye.
12
Muhara w'omuhongyerezi ku arishwerwa otari w'omu buhongyerezi, atarirya aha bintu ebirikwera ebihongirwe.
13
Kwonka muhara w'omuhongyerezi ku ariba ari omufaakazi nari oshenzirwe kandi ataine mwana, yaagaruka aha mahega ga ishe, nk'oku yaabaire akiri empangare, naikirizibwa kurya aha byokurya bya ishe; kwonka otari w'omu bahongyerezi ataribiryaho.
14
Omuntu ku arirya aha kintu kyeziibwe atakimanyire, ekyo kintu akirihe omuhongyerezi, kandi akyongyereho kimwe kya kataano ky'obuguzi bwakyo.
15
Abahongyerezi batarihagaza ebintu ebirikwera ebi Abaisiraeli bahongyeire Nyakubaho;
16
haza bakareetera abaabiryaho orubanja n'ekifubiro, ahabw'okuba niinye Mukama obyeza.
17
Nyakubaho akagira Musa ati:
18
Gambira Arooni n'abatabani n'Abaisiraeli boona oti: Ku harigira omuntu w'omu Baisiraeli nari ow'omu baabashuuhuukiiremu yaareeta omutoijo gwe, yaaba gw'okuhikiiriza eki yaasigire nari ogu ayekundiire, oguhongyerwa Nyakubaho kuba ekitambo ky'okucwetsya,
19
ogwo mutoijo kubona kwikirizibwa, mutoije enimi nari empaya y'entaama nainga ey'embuzi etaine kamogo.
20
Kwonka ekiine akamogo mutarikitoija, ahabw'okuba tindikiikiriza.
21
Kandi omuntu weena oritambira Nyakubaho ekitambo ky'emitoijo y'okurya kumwe, okuhikiiriza eki yaahigire nari eki atoizire ayekundiire, naakiiha omu masyo g'ente nari ag'entaama nainga ag'embuzi, kyaza kwikirizibwa kishemereire kuba ekishugaine ekitaine kamogo.
22
Enyamaishwa ehumire nari emugire, ebuzireho orugingo, ey'ebironda, ey'orukamba nari akanyamutinda, mutarigihongyera Nyakubaho; nobu kwakuba okuzimuhongyera nimuzookyeza aha itambiro.
23
Enimi, nari omwana gw'entaama, ebiine ebicweka birikukirakirana, nimwikirizibwa kubihonga kuba empongano y'okwekundira. Kwonka ku byakuba biri eby'okuhikiiriza eki mwahigire, obwo tibirikwikirizibwa.
24
Enyamaishwa yoona eine amagosi gahonokire, gaatikire, gataagukire nari gasharikire, mutarigitoijera Nyakubaho nari okugimutambira omu nsi yaanyu.
25
Mutaritoija enyamaishwa nk'ezo ezirugire omu banyamahanga kuba egabo ya Ruhanga waanyu. Ahabw'ezo nyamaishwa kugira akamogo n'okutashugaana, tiziriikirizibwa.
26
Kandi Nyakubaho akagira Musa ati:
27
Enimi nari entaama nainga embuzi ku erizaarwa, emare ebiro mushanju na nyinayo; reero okwiha aha kiro kya munaana eryaikirizibwa kuhongyerwa Nyakubaho eyokiibwe.
28
Nyinayo ku eriba eri ejigija nari ebuguma mutarigiita n'omwana gwayo aha izooba rimwe.
29
Kandi ku muritambira Nyakubaho ekitambo ky'okusiima, mukitambe omu buryo buhikire kibone kwikirizibwa.
30
Kiryaguma kiriibwe ahari eryo izooba; mutarigira eki mwatsigaho okuhitsya omu kasheeshe. Niinye Nyakubaho.
31
N'ahabw'ekyo mugume mukuratire ebiragiro byangye, kandi mubihitsye. Niinye Nyakubaho.
32
Mutarijumisa eiziina ryangye eririkwera, kureka ngume mmanywe omu Baisiraeli boona ku ndi Orikwera.
33
Niinye Nyakubaho obeeza, owaabaihire omu nsi ya Misiri kuba Ruhanga waanyu. Niinye Nyakubaho.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27