bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Chronicles 11
1 Chronicles 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
1
Tsaypitanam llapan Israel runakuna Hebrón markaman qorikaskir Davidta niyarqan: «Noqakunaqa castayki karmi rey kanaykita munayä.
2
Rey Saúl mandaq kanqan witsanpis qammi Israel soldädukunata guërrachö pelyayänanpä pusharqayki. Tsaynöllam rey kanaykipä Tayta Dios nishurquyki: «Qamtam kuyanqä Israel runakunapa mandaqnin rey kanaykipä akrarqü. Tsaymi üsha mitsiqnö Israel runakunata shumaq cuidanki».
3
Tsaynö niyaptinmi mandaqnin rey kananpä Tayta Diospa puntanchö Israel mayor runakunawan pactuta David rurarqan. Tsaychömi Samuelta Tayta Dios ninqannölla Davidpa umanman aceitita wiñayarqan mandaqnin rey kananpä.
4
Tsaypitam llapan Israel soldädukunawan rey David aywarqan Jerusalén markata atacayänanpä. Jebuseo runakuna tsaychö täyaptinmi tsay markata Jebús jutiwan reqiyarqan.
5
Jebúsman chaykuyaptinmi tsaychö täraq runakuna Davidta niyarqan: «Qamkunaqa manam imanöpapis kayman yaykamuyta puëdiyankitsu». Tsaynö nikäyaptinpis Davidqa jebuseo runakunata vinciskirmi Sión jirkanchö kaykaq murallashqa Jerusalén markata qechurqan. Tsaypitam kananyaqpis tsay markata Davidpa Markan niyan.
6
Manarä atacarmi soldädunkunata rey David nirqan: «Mayqaykipis jebuseo runakunata atacaq puntata yaykuq kaqtam soldädükunapa capitannin kayänaykipä churayäshayki». Tsaynö niptinmi Sarviapa wamran Joab puntata yaykur jebuseo runakunata atacarqan. Tsaymi soldädukunapa capitannin kananpä rey David payta churarqan.
7
Tsaynö qechuskirmi Davidqa Siónpitana Israel runakunata mandarqan. Tsaymi runakuna niyan Davidpa Markan kanqanta.
8
Tsaypitanam wayikunata David ruratsirqan Milo patak pirqapita hasta marka lädunyaq. Joabnam tsay markachö wakin kaq wayikunata allitsatsir usharqan.
9
Llapanta mandaq Tayta Dios yanapaptinmi David mas poderyuq karqan.
10
David rey kaykaptinmi soldädukunapa capitanninkuna mas allish chölu kayarqan. Paykunam Davidta imachöpis yanapayarqan. Profëtanwan Tayta Dios willakatsinqannöllam tsay capitankuna llapan Israel runakunawan rey kananpä payta churayarqan.
11
Davidpa mas valienti kaq soldädunkunam kimsaq kayarqan. Punta kaqmi Hacmonipa tsurin Jasobeam karqan. Paymi tsay kimsa soldädukunapa capitannin karqan. Juk kutichömi Jasobeamqa lanzanwan wanutsirqan kimsa pachak (300) soldädukunata.
12
Tsaypitanam Dodupa tsurin Eleazar karqan. Paymi tsay kimsan valienti kaq soldäduchö juknin karqan. Payqa Ahohí markapitam karqan.
13
Israel runakunawan guërrata rurayänanpä filisteo runakuna Pasdamimchö qorikäyaptinmi Eleazarpis tsaychö Davidwan kaykarqan. Cebäda chakrachö pelyaykäyaptinmi filisteo runakunapita Israel runakuna qeshpir aywakuyarqan.
14
Tsaynö qeshpiyaptinpis cebäda chawpinman ichiykurmi Eleazarqa pelyarqan filisteo soldädukunata vincinqanyaq. Tsaynöpam Israel runakunata Tayta Dios yanaparqan filisteo runakunata vinciyänanpä.
15
Juk kutim filisteo runakuna campamentunkuna ruraskir Refaim pampachö kaykäyarqan. Davidnam Adulam machaychö pakaraykarqan. Tsaymanmi Kimsa Chunka niyanqan soldädukunapita kimsa mas valienti kaq soldädukuna paywan tinkuyänanpä aywayarqan.
16
Belénchö juk grüpu filisteo soldädukuna kayaptinmi tsay machayman David pakakushqa karqan.
17
Kimsa valienti kaq soldädunkuna chaykuyaptinmi David nirqan: «Belén marka punku yaykunachö kaykaq pukyupita yakuta ¡pillarä upurkunäpä apaskamunman!»
18
Tsaynö niptinmi filisteo soldädukuna Belénchö kaykaptinpis tsay kimsa mas valienti kaq soldädukuna pakakuyllapa yaykuskir pukyupita yakuta apapäyämurqan David upunanpä. Peru yakuta chaykatsiyaptinmi David upuyta munarqantsu. Tsaypa rantinmi Tayta Diospä patsaman jichar David nirqan:
19
«Kay yakuta upurqa wanuytapis mana mantsaypa apamuq runakunapa yawarninta upuqnöchi kashä». Tsaynö nirmi David upurqantsu. Tsay kimsa mas valienti kaq soldädukunam tsay yakutaqa Davidpä apayarqan.
20
Kimsa Chunka niyanqan valienti kaq soldädukunapa capitanninmi Joabpa wawqin Abisai karqan. Juk kutichömi kimsa pachak (300) contran soldädukunawan pelyarnin lanzanwan llapanta Abisai wanutsirqan. Tsaynöpam kimsa valienti kaq soldädukuna respitashqa kayanqannö Abisaipis respitashqa karqan.
21
Abisaiqa Kimsa Chunka niyanqan soldädukunapita mas reqishqa karmi paykunapa capitannin karqan. Tsaynö karpis manam iwalarqantsu kimsa valienti kaq soldädukunamanqa.
22
Benaíapis valienti soldädum karqan. Payqa karqan Cabseel markapita Joiadapa tsurinmi. Valienti soldädu karmi Moab nacionpita pelyayta alli yachaq ishkay soldädukunata wanutsirqan. Tsaynöllam juk junaq rashtaykaptin jatun pözuman yaykuskir leonta wanutsirqan.
23
Paymi ishkay metru pullan jatusaq Egipto runata wanutsirqan. Tsay runapa lanzanpis telarpa rodïllunnö rakum karqan. Lanzanwan atacaykaqtam Benaíaqa qeruwan wiruykällar lanzanta qechurqan. Tsaypitam tsay lanzallanwan kikinta wanuskatsirqan.
24
Joiadapa tsurin Benaía tsaynö ruranqanpitam kimsa valienti kaq soldädukuna respitashqa kayanqannö paypis respitashqa karqan.
25
Kimsa Chunka niyanqan soldädukunachö respitashqa karpis Benaíaqa manam iwalarqantsu kimsa valienti kaq soldädukunamanqa. Paytam cuidaqnin soldädunkunapa capitannin kananpä David churarqan.
26
Kimsa Chunka niyanqan valienti kaq soldädukunam kayarqan: Joabpa wawqin Asael; Belén markapita Dodupa tsurin Elhanán;
27
Harod markapita Samot; Pelón markapita Heles;
28
Tecoa markapita Iquespa tsurin Ira; Anatot markapita Abiezer;
29
Husa markapita Sibecai; Ahohí markapita Ilai;
30
Netofa markapita Maharai; Netofa markapita Baanapa tsurin Heleb;
31
Gabaa markapita Ribaipa tsurin Itai (Gabaaqa Benjamín trïbu runakuna täyanqanchömi kaykan); Piratón markapita Benaía;
32
Gaas raqrapita Hurai; Arba markapita Abiel;
33
Barhum markapita Azmavet; Saalbón markapita Eliaba;
34
Gizón markapita Hasempa tsurinkuna; Arar markapita Sagipa tsurin Jonatán;
35
Arar markapita Sacarpa tsurin Ahíam; Urpa tsurin Elifal;
36
Mequera markapita Hefer; Pelón markapita Ahías;
37
Carmel markapita Hezro; Ezbaipa tsurin Naarai;
38
Natánpa wawqin Joel; Hagraipa tsurin Mibhar;
39
Amón nacionpita Selec; Beerot markapita Naharai (paymi Sarviapa wamran Joabpa armankunata puritsir yanaparqan);
40
Itri markapita Ira; Itri markapita Gareb;
41
heteo runa Urías; Ahlaipa tsurin Zabad;
42
Rubén trïbupita Sizapa tsurin Adina (payqa Rubén trïbuchömi mandaq karqan; paywanmi kimsa chunka (30) soldädukuna kayarqan);
43
Maacapa tsurin Hanán; Mitni markapita Josafat;
44
Astarot markapita Uzías; Aroer markapita Hotampa tsurin Sama y Jehiel;
45
Simripa tsurin Jediael; Jediaelpa wawqin Joha (paykunam Tiz markapita kayarqan);
46
Mahav markapita Eliel; Elnaampa tsurinkuna Jerebai y Josavía; Moab nacionpita Itma;
47
Eliel; Obed; Soba markapita Jaasiel.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29