bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Chronicles 15
1 Chronicles 15
Quechuan QXO (Biblia en Quechua del sur de Conchucos)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 16 →
1
Davidpa Markanchö palaciunkunata David ruratsirmi Tayta Diospa babulnin churaränanpä toldutapis ruratsirqan.
2
Tsaypitam David nirqan: «Babulninta apayänanpä y payta imayyaqpis sirviyänanpämi Tayta Dios levita runakunata akrarqan. Tsaynö kaykaptinqa Tayta Diospa babulninta levita runakunallam apayämunqa».
3
Tsaypitanam llapan Israel runakunata Jerusalénman David qayatsirqan Tayta Diospa babulninta ruratsinqan tolduman apayänanpä.
4
Jerusalénchömi qorikäyarqan Aarón casta sacerdötikuna y wakin casta levita runakunapis.
5
Coat casta runakunam pachak ishkay chunka (120) qorikäyarqan. Paykunapa mandaqninmi karqan Uriel.
6
Merari casta runakunam ishkay pachak ishkay chunka (220) qorikäyarqan. Paykunapa mandaqninmi karqan Asaías.
7
Gersón casta runakunam pachak kimsa chunka (130) qorikäyarqan. Paykunapa mandaqninmi karqan Joel.
8
Elizafán casta runakunam ishkay pachak (200) qorikäyarqan. Paykunapa mandaqninmi karqan Semaías.
9
Hebrón casta runakunam puwaq chunka (80) qorikäyarqan. Paykunapa mandaqninmi karqan Eliel.
10
Uziel casta runakunam pachak chunka ishkay (112) qorikäyarqan. Paykunapa mandaqninmi karqan Aminadab.
11
Tsaypitanam David qayatsirqan Sadoc y Abiatar sacerdötikunata. Tsaynöllam qayatsirqan Uriel, Asaías, Joel, Semaías, Eliel y Aminadab levita runakunata.
12
Paykunatam David nirqan: «Levitakunapa mandaqnin kaykarqa ruratsinqä tolduman Tayta Diospa babulninta apayämunaykipä levita mayikikunawan purificakuyay.
13
Puntataqa Tayta Diosnintsikta manam tapukurquntsiktsu babulninta imanö apamunantsikpä kanqantapis. Tsaymi levitakuna mana apayämuptin Tayta Dios rabyar Uzata wanutsishqa».
14
Tsaynö niptinmi sacerdötikuna y levita runakuna purificakuyarqan Israel runakunata kuyaq Tayta Diospa babulninta Jerusalénman apayämunanpä.
15
Moisésta Tayta Dios ninqannöllam ishkay largu qeruwan umrurkur apayarqan.
16
Tsaynöllam levita mayor runakunata David nirqan cantaqkunata levita mayinkunapita akrayänanpä y tsay akrayanqan runakuna salteriukunata, arpakunata y platïllukunata tukaraykar kushishqa alabar aywayänanpä.
17
Tsaymi levita mayinkunapita akrayarqan Joelpa tsurin Hemánta, Berequíaspa tsurin Asafta y Cusaíaspa tsurin Etánta. Etánqa Merari casta runam karqan.
18
Yanapaqninkuna kayänanpämi churayarqan Zacaríasta, Jaazielta, Semiramotta, Jehielta, Unita, Eliabta, Benaíata, Maasíasta, Matatíasta, Elifelehuta y Micníasta. Tsaynöllam babul churaranqan toldu punkuta cuidaqkunapita akrayarqan Obed-edomta y Jeielta.
19
Broncipita ruranqan platïllukunata tukar cantayänanpämi akrayarqan Hemánta, Asafta y Etánta.
20
Salteriuta tukayänanpämi akrayarqan Zacaríasta, Azielta, Semiramotta, Jehielta, Unita, Eliabta, Maasíasta y Benaíata.
21
Arpata tukayänanpämi akrayarqan Matatíasta, Elifelehuta, Micníasta, Obed-edomta, Jeielta y Azazíasta.
22
Levitakunapa mandaqnin Quenaníastanam cantayta yachaptin cantaqkunapa directornin kananpä churayarqan.
23
Tayta Diospa babulninta umruyänanpämi akrayarqan Berequíasta y Elcanata.
24
Babulpa ñöpanta cornëtata tukaraykar aywayänanpämi akrayarqan Sebaníasta, Josafatta, Natanaelta, Amasaita, Zacaríasta, Benaíata y Eliezerta. Paykunaqa sacerdötikunam kayarqan. Tsaynöllam Obed-edompis y Jehíaspis babulta umruyänanpä kayarqan.
25
Tsaypitanam Davidwan, Israel mayor runakuna y waranqa (1,000) soldädukunapa capitanninkuna Obed-edompa wayinman aywayarqan Tayta Diospa Pactu Babulninta Jerusalénman kushishqa apayänanpä.
26
Pactu Babulta apayänanpä Tayta Dios alli yanapaykanqanta tantiyaskirmi qanchis torïtukunata y qanchis carnërukunata pishtaskir altarchö rupatsiyarqan.
27
Davidnam aywarqan fïnu lïnupita rurashqa tünican jatishqa. Tsaynöllam jatikuyarqan babulta apaq levita runakuna, cantaqkuna y cantaqkunapa directornin Quenaníaspis. Jatiranqan jananmanmi David jatikurqan lïnupita rurashqa efodta.
28
Üshapa waqranta, cornëtata, platïllukunata, salteriuta y arpakunata tukaraykarmi Tayta Diospa Pactu Babulninta Israel runakuna Jerusalénman kushishqa apayarqan.
29
Tayta Diospa Pactu Babulninta Davidpa Markanman yaykaykätsiyaptinmi Saúlpa tsurin Mical ventänanpita qawaykur David kushishqa tushuraykar aywaykaqta rikarqan. Rey kaykar saltaypa saltar tushuykaqta rikarmi shonqullanchö Davidta jamurqan.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29