1 Chronicles 24

Quechuan QXO (Biblia en Quechua del sur de Conchucos)

← Chapter 23 Jump to: Chapter 25 →

1Aarónpita miraq sacerdötikunapis castanpa castanpam templuchö Tayta Diosta sirviyarqan. Aarónpa tsurinkunapa jutinkunam kayarqan Nadab, Abiú, Eleazar y Itamar.

2Nadabwan Abiúqa tsurinkuna manarä kaptinmi papäninpita mas puntata wanuyarqan. Paykuna wanuskiyaptinmi Eleazar y Itamarllana sacerdöti karqan.

3Paykunapita miraq sacerdötikunatam templuta shäriskatsiyaptin trocanakuypa aruyänanpä David churarqan. Eleazarpita miraq Sadoc y Itamarpita miraq Ahimelec yätsiyanqannömi David tsaynö churarqan.

4Eleazarpita miraq sacerdötikuna atskaq kayanqanta tantiyaskirmi chunka joqta grüpuman rakirqan. Tsaynöllam Itamarpita miraq sacerdötikunatapis puwaq grüpuman rakirqan.

5Eleazarpita miraq kaqchö y Itamarpita miraq kaqchöpis Diosta sirviq sacerdötikuna kaptinmi mayqan casta sacerdötitapis turnun töcananpä suertiyarqan.

6Itamarpita miraq sacerdötikunapäqa suertiyarqan juk kutillam. Peru Eleazarpita miraq sacerdötikunapämi sïqa ishkay kuti suertiyarqan. Suertiyananpämi levita runa Natanaelpa tsurin secretariu Semaías llapan sacerdöti castakunapa jutinkunata qellqarqan reypa puntanchö, mandayiqninkunapa puntanchö, sacerdöti Sadocpa puntanchö, Abiatarpa tsurin sacerdöti Ahimelecpa puntanchö, sacerdötikunapa mandaqninkunapa puntanchö y levita mayinkunapa mandaqninkunapa puntanchö.

7Suertiyaptinmi puntata yarqamurqan Joiaribpä. Tsaypita suerti yarqamurqan Jedaíaspä,

8Harimpä, Seorimpä,

9Malquíaspä, Mijamínpä,

10Cospä, Abíaspä,

11Jesúapä, Secaníaspä,

12Eliasibpä, Jaquimpä,

13Hupapä, Jesebeabpä,

14Bilgapä, Imerpä,

15Hezirpä, Afsespä,

16Petaíaspä, Hezequielpä,

17Jaquínpä, Gamulpä,

18Delaíapä y Maazíaspä.

19Tsaynöpam sacerdötikunata churarqan Tayta Diospa templunchö castanpa castanpa trocanakuypa aruyänanpä. Paykuna aruyarqan Israel runakunata kuyaq Tayta Dios sacerdöti Aarónta unay yätsinqannömi.

20Castanpa castanpa templuchö aruyänanpämi Leví trïbu wakin castakunapis kayarqan. Tsay castakunapa mandaqninkunam kayarqan Amrampita miraq Subael; Subaelpita miraq Jehedías;

21Rehabíaspita miraq Isías;

22Izharpita miraq Selomot; Selomotpita miraq Jahat;

23Hebrónpita miraq Jerías, Amarías, Jahaziel y Jecamán;

24Uzielpita miraq Micaía; Micaíapita miraq Samir

25y Samirpa wawqin Isías; Isíaspita miraq Zacarías;

26Meraripita miraq Mahli y Musi; Jaazíaspita miraq Beno.

27Meraripita miraq Jaazíaspitam kayarqan Beno, Soham, Zacur y Ibri.

28Mahlipita miraqpitam karqan Eleazar. Eleazarpaqa manam tsurin karqantsu.

29Cispa tsurinmi karqan Jerameel.

30Musipa tsurinkunam kayarqan Mahli, Edar y Jerimot. Llapan paykunam kayarqan Levípita miraq castakunapa mandaqninkuna.

31Aarónpita miraq sacerdötikunatanömi tsay casta runakunata, mandaq kaqkunata y mana mandaqkunatapis suertiyaypa templuchö aruyänanpä churayarqan. Tsaynö churayarqan rey Davidpa, Sadocpa, Ahimelecpa, sacerdötikunapa mandaqninkunapa y levita mayinkunapa mandaqninkunapa puntanchö.

← Chapter 23 Jump to: Chapter 25 →