bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Chronicles 21
1 Chronicles 21
Quechuan QXO (Biblia en Quechua del sur de Conchucos)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Satanásmi Israel runakunapa contran shärir Davidpa yarpayninman churarqan Israel runakunata censananpä.
2
Tsaymi Joabta y Israel runakunapa mandaqninkunata qayaykur rey David nirqan: «Llapan trïbu Israel runakuna täyanqanman aywar Beersebapita hasta Danyaq censayämunki ayka runakuna kayanqantapis musyanäpä».
3
Joabnam nirqan: «Taytay, llapäkunapis podernikichö kaykäyaptïqa ¿imanirtä runakunata censayta munanki? Tayta Diosta mañakushqaqa kawanqaykiyaq pachak (100) kuti mas atskaman mirayänanpämi permitinman. Mana wiyakur censaptikiqa Tayta Diosmi castigamäshun».
4
Tsaynö niptinpis rey Davidqa manam cäsurqantsu. Tsaymi entëru Israel nacionman runakunata censayämunanpä Joab aywarqan. Tsaypita Jerusalénman
5
kutiskirmi rey Davidta willarqan ayka runakunata censayämunqantapis. Israelchö täraq runakunata censarmi tariyarqan juk millón pachak waranqa (1,100,000) runakunata. Judáchö täraq runakunata censarnam tariyarqan chusku pachak qanchis chunka waranqa (470,000) runakunata. Llapan tsay censayanqan runakunaqa guërraman aywayänanpä edäninkunachönam kayarqan.
6
David censatsinqan mana alli kanqanta tantiyarmi Joab censarqantsu levita runakunata y Benjamín trïbu runakunata.
7
David censatsinqanpita rabyarmi Israel runakunata Tayta Dios castigar qallaykurqan.
8
Tsaymi jutsata ruranqanta musyar Tayta Diosta mañakur David nirqan: «Runakunata censatsir pasaypa jutsatam rurarqü. Tsaynö ruranqäpita perdonaykallämay. Tsaytaqa imayka upanömi rurarqü».
9
Tayta Dios imata ninqantapis musyananpämi profëta Gadta David imaypis tapukuq. Tsaymi Gadta Tayta Dios nirqan:
10
«Davidman aywaykur willanki kimsa castïgupita mayqantapis jukta akrananpä. Akranqan castïguwanmi castigashä».
11
Tsaynö niptinmi David kaqman aywaykur Gad nirqan: «Tayta Diosmi nimashqa
12
kimsa castïgupita mayqantapis jukta akranaykipä. Juk castïgush kanqa kimsa wata kay nacionchö hambrüna kaptin runakuna ñakayänanpä, juknash kaykan contraykikuna kimsa killa qatikachäyäshunaykipä y juknash kanqa entëru Israel nacionchö kimsa junaq mana alli qeshyawan Tayta Diospa angelnin runakunata wanutsinanpä. Mandamaqnï Tayta Diosta willanäpä shumaq yarpachakuskir mayqantapis akraskir willamay».
13
Davidnam Gadta nirqan: «¡Kayrächi kayllaqa! Kananqa manam mayqantapis akrayta puëdïtsu. Imanö kaptinpis pasaypa kuyapäkuq kayninwan kikin Tayta Dios castigamätsun. Conträ runakunapa poderninmanqa ama dëjaykamätsuntsu».
14
Tsaymi Israel runakunata pesti qeshyawan Tayta Dios castigarqan. Tsaynö castigaptinmi qanchis chunka waranqa (70,000) runakuna wanuyarqan.
15
Mandamunqan ángel Jerusalénchö täraq runakunatapis wanutsinanpäna kaykaptinmi Tayta Dios pësakurqan runakunata tsaynö wanutsinqanpita. Tsaymi angelta nirqan: «Amana wanutsiynatsu». Tsay höram Tayta Diospa angelnin jebuseo runa Ornánpa ëranchö kaykarqan.
16
Ciëlupa rikachakunqanchömi David rikarqan Tayta Diospa angelnin espädan aptashqa kaykämuqta. Tsay espädantaqa Jerusalénmanmi toqiraykarqan. Tsaymi Davidpis mayor runakunapis pasaypa mantsakarnin lütu röpata jatikur pampaman lätaykuyarqan.
17
Tayta Diosta mañakurmi David nirqan: «Tayta Diosllä, manam Jerusalén runakunatsu jutsayuq kayan, sinöqa noqallam. Runakunata censatsir jutsata ruranqäpita noqata y castäkunata castigaykallämay. Kuyanqayki Israel runakunataqa ama wanuykatsillaytsu».
18
Tsay junaqmi Tayta Diospa angelnin profëta Gadta nirqan: «David kaqman aywaykur willanki jebuseo runa Ornánpa ëranchö Tayta Diosta adorakunan altarta rurananpä».
19
Ángel ninqannölla Gad willaptinmi David aywarqan Tayta Dios ninqanta cumplinanpä.
20
Tsay höram trïguta Ornán trillaykaptin chuskun tsurinkuna yanapaykäyarqan. Ornán aruykanqanpita tikraykurmi tsaychö ángel kaykaqta rikaskirqan. Tsurinkunapis tsayta rikaykurmi qeshpir pakakuskiyarqan.
21
Rey David chaykaqta rikaykurmi Ornán tinkupaykur puntanman qonqurikuykurqan urkunpis patsaman töpanqanyaq.
22
Tsaymi Ornánta David nirqan: «Ëraykita rantikaykallämay Tayta Diospä altarta tsaychö ruranäpä. Ayka chanin kaptinpis pägashaykim. Tsay altarchömi sacrificiukunata rupatsishä pesti qeshyawan runakuna manana wanuyänanpä».
23
Ornánnam nirqan: «Taytay, kaychö ërapis kaykanmi. Munanqaykinö imatapis ruray. Sacrificiuta rupatsinaykipäpis törükuna kanmi. Yantata munaptikipis jurquitakuna kanmi. Tsaki mikuy ofrendata rupatsinaykipäpis trïgu kanmi. Llapan tsaykunatam qaraykushayki».
24
Rey Davidnam nirqan: «Päkillä, taytay. Llapanpis allim. Imanö kaptinpis qaraykamänaykipa rantinqa rantikaykallämay. Qaraytukuyllawanqa manam Tayta Diospä sacrificiuta rurämantsu. Debaldilla tarinqätaqa manam sacrificiuta rupatsïmantsu».
25
Tsaynö nirmi tsay ërata David rantirqan joqta pachak (600) qori qellaywan.
26
Tsaypitanam tsay ërachö altarta David ruraskatsir rupatsina sacrificiukunata y alli päsakuy sacrificiukunata altarman churar Tayta Diosta mañakurqan. David mañakunqanta chaskirmi ciëlupita Tayta Dios altarman ninata tsaritsimurqan.
27
Tsaypitanam angelninta Tayta Dios nirqan espädanta wiñakunanman churananpä.
28
Mañakunqanta Tayta Dios contestanqanta rikarmi ashmakunata pishtaskir tsay altarchö mas sacrificiukunata David rupatsirqan. Tsay sacrificiukunatam jebuseo runa Ornánpa ëranchö rupatsirqan.
29
Tsay witsanmi Tayta Dioswan Tinkuna Toldu y sacrificiuta rupatsina altarpis Gabaón markallachörä kaykarqan. Tsay tolduta y altartaqa Moisés ruratsirqan desiertuchö Israel runakuna kaykäyaptinllarämi.
30
Tsaynö kaptinpis espädan aptashqa angelta mantsarmi Gabaónman David aywarqantsu Tayta Diosta tapukuq.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29