bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
1 Chronicles 19
1 Chronicles 19
Quechuan QXO (Biblia en Quechua del sur de Conchucos)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 20 →
1
Tsaypitanam amonita runakunapa mandaqnin rey Nahas wanurqan. Paypa trokinnam tsurin Hanún rey karqan.
2
Tsaymi David nirqan: «Nahaswan kuyanakuyanqänömi tsurin Hanúnwanpis kuyanakuyäshä». Tsaynö nirmi Hanún kaqman willakuqkunata mandarqan papänin wanunqanpita consulayänanpä. Mandanqan willakuqkuna chäyaptinmi
3
soldädunkunapa capitanninkuna Hanúnta niyarqan: «¿Criyinkiku papäniki wanunqanpita consulayäshunaykipä runakunata David mandamunqanta? ¿Manatsurä tsay tumpalla markantsikta rikapakuq shäyämushqa kutiykamur ushakätsimänapä?»
4
Tsaynö niyaptinmi Hanúnqa David mandanqan runakunata prësu tsariskatsir shapranta ruturqan. Tsaynöllam siki patakllanpa röpanta rutupaskir qarquskirqan.
5
Tsaynö ruraptinmi tsay runakuna pasaypa penqakushqa kutikuyarqan. Hanún tsaynö ruranqanta musyaskirmi willakuqta David tsay runakunaman mandarqan paykunata niyänanpä: «Jericó markallachöshi täkuyanki shapraykikuna wiñanqanyaq. Tsaypitaräshi kutiyämunki».
6
Davidta rabyanätsinqanta tantiyaskirmi guërra carrëtakunata y caballu muntaraq soldädukunata contratarnin pägakuyänanpä amonita runakuna kimsa chunka kimsa waranqa (33,000) kïlu qellayta apatsiyarqan Aram-naharaimman, Aram-maacaman y Sobaman.
7
Tsaynöllam minkakuyarqan Maaca markapa mandaqnin reyta, soldädunkunata y kimsa chunka ishkay waranqa (32,000) guërra carrëtakunata. Tsay soldädukuna aywarmi Medeba markapa tsimpanchö campamentunta rurayarqan. Tsaymanmi amonita runakunapis aywayarqan guërrachö yanapayänanpä.
8
Tsayta musyaskirmi llapan allinnin kaq soldädunkunatawan capitannin Joabta David mandarqan pelyaq aywayänanpä.
9
Tsaymi amonita soldädukuna alistakuskir markapa punkunman churanakuyarqan Israel runakunawan pelyayänanpä. Siria nacionpita aywaq soldädunkunawan mandaq reykunanam pampaman churanakuyarqan Israel runakunawan pelyayänanpä.
10
Tsaymi puntanpa y qepanpa atacayänanpä kanqanta musyaskir allinnin kaq soldädunkunata Joab akrarqan Siria soldädukunawan pelyaq aywayänanpä.
11
Wakin soldädukunatanam wawqin Abisaitawan mandarqan amonita soldädukunawan pelyayänanpä.
12
Tsaymi Abisaita nirqan: «Siria soldädukuna vinciyämänanpä kanqanta rikarqa yanapayämänaykipä shäyämunki. Tsaynöllam amonita soldädukuna vinciyäshunaykipä kanqanta rikar noqapis soldädükunawan yanapayänäpä shamushä.
13
¡Mana mantsariypa pelyashun! ¡ Tayta Diosnintsik entregamanqantsik nacionnintsik y markantsikkuna raykur pelyashun! ¡ Tayta Dios munanqannö kaykullätsun!»
14
Tsaymi pelyananpä soldädunkunawan Joab aywaptin Siria soldädukuna qeshpir aywakuyarqan.
15
Siria soldädukuna qeshpiyanqanta rikaykurmi amonita soldädukunapis Joabpa wawqin Abisaipita qeshpir markaman yaykuskiyarqan. Tsaynö qeshpiskiyaptinmi Jerusalénpana soldädunkunawan Joab kutikurqan.
16
Israel runakuna tsaynö vinciyaptinmi Siria runakuna Éufrates mayu tsimpanchö täraq Siria mayinkunata minkakuyarqan yapay pelyayänanpä. Llapan soldädukunapa mandaqninmi Hadad-ezerpa capitannin Sofac karqan.
17
Pelyayänanpä qorikäyanqanta willayaptinmi Davidqa llapan Israel soldädukunata pushakurkur Jordán mayuta päsaskir pelyayänanpä churanakuyarqan. Tsaymi Siria soldädukuna atacayämurqan.
18
Davidpa soldädunkuna vinciyaptinmi pelyaykäyanqanpita Siria soldädukuna qeshpir aywakuyarqan. Tsaychömi Davidwan kaykaq soldädukuna wanutsiyarqan qanchis waranqa (7,000) carrëtawan puriq soldädukunata y chusku chunka waranqa (40,000) chakipa aywaq soldädukunata. Tsaynöllam Siria soldädukunapa capitannin Sofactapis wanutsiyarqan.
19
Tsaynö vinciyaptinmi Hadad-ezerta yanapaq reykuna rindikurnin Davidpa poderninchöna kayarqan. Tsaypitaqa Siria soldädukuna amonita soldädukunata manam yanapayarqannatsu.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29