1 Chronicles 4

Quechuan QXO (Biblia en Quechua del sur de Conchucos)

← Chapter 3 Jump to: Chapter 5 →

1Judápita miraqkunam kayarqan Fares, Hezrón, Carmi, Hur y Sobal.

2Sobalpa tsurinmi karqan Reaía. Reaíapa tsurinmi karqan Jahat. Jahatpa tsurinkunam karqan Ahumai y Lahad. Paykunam karqan zoratita runakuna.

3Etampa tsurinkunam kayarqan Jezreel, Isma y Ibdas. Etampa warmi tsurinmi karqan Haze-lelponi.

4Tsaynöllam Etampa tsurinkuna karqan Penuel y Ezer. Penuelpa tsurinmi karqan Gedor. Ezerpa tsurinmi karqan Husa. Llapan paykunam Hurpita miraqkuna kayarqan. Hurqa Efratapa mayor tsurinmi karqan. Efrataqa Belénpa papäninmi karqan.

5Tecoapa papänin Asurmi ishkay warmiyuq karqan. Tsay warminkunapa jutinmi karqan Hela y Naara.

6Naarapa wamrankunam kayarqan Ahuzam, Hefer, Temeni y Ahastari.

7Helapa wamrankunam kayarqan Zeret, Jezoar y Etnán.

8Cospa tsurinkunam karqan Anub y Zobeba. Tsaynöllam Cospita miraqkuna kayarqan Harumpa tsurin Aharhel casta runakuna.

9Jabesqa llapan wawqinkunapita mas respitashqam karqan. Maman pasaypa ñakar qeshyakurmi paypa jutinta churarqan Jabesta.

10Israel runakunata kuyaq Tayta Diostam Jabes mañakur nirqan: «Tayta Dios, bendisaykallämay chakräkuna mas atska kananpä, alli kawanäpä y ima desgraciapis mana päsamänanpä». Tsaynö mañakuptinmi Tayta Dios payta yanaparqan.

11Súapa wawqin Quelubmi Mehirpa papänin karqan. Mehirmi Estónpa papänin karqan.

12Estónpa tsurinkunam kayarqan Bet-rafa, Paseah y Tehina. Tehinam Nahas markata shäritsirqan. Paykunaqa Reca markapitam kayarqan.

13Cenazpa tsurinkunam karqan Otoniel y Seraías. Otonielpa tsurinkunam karqan Hatat

14y Meonotai. Meonotaipa tsurinmi karqan Ofra. Seraíaspa tsurinmi karqan Joab. Joabpita miraqkunam artesänu kar Carisim pampachö täyarqan.

15Jefonipa tsurinmi karqan Caleb. Calebpa tsurinkunam kayarqan Iru, Ela y Naam. Elapa tsurinmi karqan Cenaz.

16Jehalelelpa tsurinkunam kayarqan Zif, Zifa, Tirías y Asareel.

17Esdraspa tsurinkunam kayarqan Jeter, Mered, Efer y Jalón. Meredpa jukaq warminchömi tsurinkuna kayarqan María, Samai y Isba. Isbapa tsurinmi karqan Estemoa.

18Meredpa warminmi karqan Faraónpa tsurin Bitia. Meredpa jukaq warminnam Judá warmi karqan. Paychömi Meredpa tsurinkuna kayarqan Jered, Heber y Jecutiel. Jeredqa karqan Gedorpa papäninmi. Hebermi karqan Socupa papänin. Jecutielnam karqan Zanoapa papänin.

19Hodíaspa warminmi karqan Nahampa panin. Hodíaspa juk tsurinmi karqan Keilapa papänin y jukaq tsurinmi karqan Estemoapa papänin. Keilaqa garmita runam karqan. Estemoanam maacateo runa karqan.

20Simónpa tsurinkunam kayarqan Amnón, Rina, Ben-hanán y Tilón. Isipa tsurinkunam kayarqan Zohet y Benzohet.

21Judápa tsurinmi karqan Sela. Selapa tsurinkunam kayarqan Er y Laada. Ermi karqan Lecapa papänin. Laadam karqan Maresapa papänin. Paykunam Bet-asbea markachö takurnin lïnupita imatapis shumaq rurayaq.

22Tsaynöllam Selapita miraqkuna kayarqan Joacim, Joás y Saraf. Joás y Sarafqa Moab casta warmikunata ashiskirmi Belénman kutiyarqan tsaychö täyänanpä. Tsaynöllam Selapita miraqkuna kayarqan Cozeba markachö täraqkuna. Tsay jutikunam qellqashqa kaykan unay acta librukunachö.

23Paykunam Netaim markachö y Gedera markachö tärar reypä mitu mankakunata rurayarqan.

24Simeónpa tsurinkunam kayarqan Nemuel, Jamín, Jarib, Zera y Saúl.

25Saúlpa tsurinmi karqan Salum. Salumpa tsurinmi karqan Mibsam. Mibsampa tsurinmi karqan Misma.

26Mismapa tsurinmi karqan Hamuel. Hamuelpa tsurinmi karqan Zacur. Zacurpa tsurinmi karqan Simei.

27Simeipa ollqu tsurinkunam kayarqan chunka joqta. Warmi tsurinkunanam kayarqan joqta. Peru Simeipa wawqinkunapam sïqa alläpaqa tsurinkuna karqantsu. Tsaymi Judá trïbu runakunanöqa Simeón trïbu runakuna alläpa mirayashqatsu.

28Simeón trïbu runakunam täyarqan Beersebachö, Moladachö, Hazar-sualchö,

29Bilhachö, Ezemchö, Toladchö,

30Betuelchö, Hormachö, Siclagchö,

31Bet-marcabotchö, Hazar-susimchö, Bet-biraichö y Saaraimchö. Tsay markakunam paykunapa karqan David rey kanqan witsanyaq.

32Tsaynöllam Simeón trïbu runakuna pitsqa markakunachö täyarqan. Tsay markakunam kayarqan Etam, Aín, Rimón, Toquén y Asán.

33Tsay markakunapa caseriunkunam karqan Baal partipa lindërunyaq. Simeón trïbu runakunapa jutinkuna y markankunapa jutinkunam acta libruchö qellqashqa kaykan.

34Simeónpita wakin miraqkunam kayarqan Mesobab, Jamlec, Amasíaspa tsurin Josías,

35Joel y Josibíaspa tsurin Jehú. Josibíaspa papäninmi karqan Seraías. Seraíaspa papäninmi karqan Asiel.

36Tsaynöllam Simeónpita wakin miraqkuna kayarqan Elioenai, Jaacoba, Jesohaía, Asaías, Adiel, Jesimiel, Benaía,

37y Sifipa tsurin Ziza. Sifipa papäninmi karqan Alón. Alónpa papäninmi karqan Jedaías. Jedaíaspa papäninmi karqan Simri. Simripa papäninmi karqan Semaías.

38Tsay runakunam kayarqan castankunapa mandaqninkuna. Tsaynöllam paykuna casta atskaman mirayarqan.

39Atskaman mirarmi ashmankunata mitsiyänanpä qewata ashir Gedor partiyaq chäyarqan. Tsayqa karqan mayu lädun pampapita rupay yarqamunan kaq lädupam.

40Tsaychömi ashmankunapä atska alli qewata tariyarqan. Tsay partiqa shumaq tranquïlum karqan. Tsayman chäyanqan witsanmi tsaychö täyarqan Campa castankuna.

41Gedor partichö tayta munarmi janalächö qellqashqa kaykaq mandaq runakuna chaykur Cam casta runakunata llapanta wanutsiyarqan. Wayinkunatapis y toldunkunatapis chipyaqmi ushayarqan. Tsaynö päsarqan Judá nacionpa mandaqnin rey Ezequías mandanqan witsanmi. Atska qewa ashmankunapä kaptinmi tsaychö täyarqan.

42Tsay Simeón trïbu runakunapitam pitsqa pachak (500) Seir jallqakunaman aywayarqan. Paykunapa mandaqninkunam kayarqan Pelatías, Nearías, Refaías y Uziel. Tsay mandaqkunaqa Isipa tsurinkunam kayarqan.

43Tsayman chaykurmi kawaykar quëdaq amalecita runakunata tsaychö ushakätsiyarqan. Tsaynö wanuskatsirmi kananyaqpis paykuna tsaychö taykäyan.

← Chapter 3 Jump to: Chapter 5 →