bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Daniel 10
Daniel 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
1
Ciro kimsa watana Persia nacionpa mandaqnin rey kaykaptinmi Beltsasar jutiyuq Danielta Tayta Dios revelarqan. Tsay revelacionchö willanqankuna rasunpa päsananpämi kaykan. Peru aja tantiyay kaptinpis imapä kanqantapis Danielmi tantiyarqan.
2
Tsay witsanmi noqa Daniel yarpachakur kimsa semäna pasaypa llakikurqä.
3
Tsaynö llakikurmi alli mikuyta ni aytsatapis mikurqätsu ni vïnutapis upurqätsu ni perfümitapis wiñakurqätsu.
4
Punta kaq killachö ishkay chunka chusku (24) kaq junaqchömi Tigris mayu kuchunchö kaykarqä.
5
Ñukirkunqächömi rikarqä lïnu fïnu röpashqa runa ñöpächö ichiraykaqta. Paypa wachukunqa fïnu qoripita rurashqam karqan.
6
Cuerpunpis berilo ruminörämi chipipirqan. Cäranpis illaqukuynörämi chipipirqan. Ñawinkunapis aktsinörämi atsikyarqan. Rikrankuna y chakinkuna chipipiykaq broncinömi karqan. Atskaq runakuna parlaykaqnömi parlanqanpis wiyakarqan.
7
Noqa japallämi tsay revelacionta rikarqä. Noqawan kaykaq runakunaqa manam imatapis rikayarqantsu. Paykunaqa pasaypa mantsarirmi pakakuyarqan.
8
Tsay revelacionta rikanqä höra kikillänam kaykarqä. Pasaypa mantsariywan almaynaq rikakuptïmi ni kallpäpis karqannatsu.
9
Parlanqanta wiyarmi pitir patsaman uksikaypa ishkirqä.
10
Tsay höra makinwan shäritsimaptinmi qonqurikuykur tsuktsukyaykar maki paltalläwan tukmakurqä.
11
Tsaymi nimarqan: «Daniel, shäriy. Tayta Dios kuyashurnikim qamwan parlanäpä mandamashqa. Kanan ninqäta shumaq wiyamay». Tsaynö nimaptinmi tsuktsukyaykar ichirkurqä.
12
Tsaymi nimarqan: «Daniel, ama mantsariytsu. Revelación rikanqaykita tantiyanaykipä mañakuyta y ayunayta qallaykunqayki junaqpitam Tayta Dios wiyashurquyki. Tsaymi tantiyatsinäpä shamurqü.
13
«Ishkay chunka juk (21) junaqmi Persia nacionpa mandaqnin ángel tsaparämashqa. Angelkunapa mandaqnin Miguel yanapamänanpä shamuptinmi Persia nacionpa mandaqnin angelwan pelyananpä tsaychö dëjaskirqä.
14
Revelacionta rikanqaykiqa Israel runakunata ultimu tiempuchö päsananpä kaqkunam kaykan. Tsayta tantiyatsinäpämi shamurqü».
15
Tsaynö parlapämaptin imatapis mana parlayllapam umpuräkurqä.
16
Tsaynö kaykaptïmi juk runa niraq illaqpita yuriskamur shimïta yataykamarqan. Tsaymi parlapaykämaq runata nirqä: «Taytay, revelacionta rikanqäpita pasaypa llakikuptïmi kallpäpis kannatsu.
17
Manam kallpäpis kantsu qamwan parlanäpä. Tsaymi imayka wanuykaqnöna kaykä».
18
Tsaymi tsay runa niraq yapay yataykamaptin kallpäpis yuriskirqan.
19
Tsaypitam nimarqan: «Tayta Dios kuyaykäshuptikiqa ama mantsariytsu. ¡Valorta tsariy!» Tsaynö parlapaykämaptinmi kallpä yuriskirqan. Tsaymi nirqä: «Taytay, kananqa valornï kannam parlapämanqaykita wiyanäpä».
20
Tsaymi nimarqan: «Imapä shamunqätapis ¿musyankiku? Kananqa Persia nacionpa mandaqnin angelwan pelyanäpämi kutishä. Tsaypitanam Grecia nacionpa mandaqnin ángel shamunqa.
21
Tsay mandaq angelkunawan pelyaptï qamkunata cuidashuqniki ángel Miguelmi yanapaman. Paypita masqa manam pipis kantsu yanapamänanpä. Pelyaq manarä aywarmi Libru de la Verdadchö ima qellqashqa kaykanqantapis tantiyatsishayki».
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 11 →
All chapters:
1
2
3
4
5
6
7
8
9
10
11
12