bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Daniel 4
Daniel 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 5 →
1
Rey Nabucodonosormi maytsay markakunaman, nacionkunaman y ima idiömata parlaq runakunaman cartakur nirqan: Qamkunachö alli kaway kaykullätsun.
2
Poderyuq Tayta Diosmi mantsakaypä kaqkunata rurar shumaq tantiyatsimashqa. Tsaytam kushishqa willayta munaykä.
3
¡Pay ruranqanqa mantsakaypämi kaykan! ¡Milagru ruranqanqa kushikuypämi! ¡Paymi imayyaqpis mandaq kaykan! ¡Poderyuq kanqanqa imaypis manam ushakantsu!
4
Noqa Nabucodonosormi yarpanqänö llapanpis alli kaptin palaciüchö kushishqa kawarqä.
5
Juk paqas punuykarmi mana allita sueñuskir pasaypa mantsakarqä.
6
Tsaymi Babiloniachö täraq llapan yachaq runakunata qayatsimurqä sueñunqä imapä kanqantapis tantiyatsiyämänanpä.
7
Adivïnukuna, brüjukuna, qoyllurta estudiaqkuna y suerti qatiqkuna chäyämuptinmi sueñunqäta willarqä. Tsaynö willaptïpis manam tantiyatsimayta puëdiyarqantsu.
8
Tsaypitanam Daniel chämurqan. Paypa jukaq jutinmi Beltsasar. Tsaynö jutinta churarqä adoranqä diospa jutin kanqannö kananpämi. Payta llapan dioskuna yanapaptinmi imata sueñunqätapis willar nirqä:
9
«Beltsasar, yachaq runakunapa mandaqnin kaptikim musyä llapan dioskuna yanapayäshunqaykita. Tsaymi qampäqa imapis ajatsu imata sueñunqäta y sueñunqä imapä kanqantapis willaykamänaykipä.
10
«Cämächö punuykarmi sueñuynïchö rikarqü kay patsa chawpinchö jatunkaray qeru ichiraykaqta.
11
Tsay wiñayllanta rakuyar rämasapayaptinmi puntankunapis ciëluyaq chashqa. Tsaymi maytsaymanpis rikakashqa.
12
Tsay qerupaqa raprankunapis kuyayllapämi kashqa. Llapan runakuna mikuyänanpämi wayuyninpis atska kashqa. Llapan jirka ashmakunapis qerupa chakinchömi llantukuyashqa. Tsaynöllam rämankunachö pishqukunapis qeshunta rurayashqa. Tsay qerupa wayuynintam llapan ashmakunapis mikuyashqa.
13
«Cämächö punuykarmi sueñuynïchö rikarqü ciëlupita juk ángel uraykämuqta.
14
Tsay angelmi jinchipa nimurqan: «Tsay qeruta mutuskir llapan rämankunata llawmiyay. Tsaypita raprankunatapis chipyaq rachiyay. Wayuyninkunatapis tapsiyay. Llantuyninchö llantukuykaq ashmakunatapis llapanta qarquyay. Pishqukunapis qeshunta jaqiskir aywakuyätsun.
15
Peru troncunta sïqa matsuntinta jinallanchö fiërru y bronci cadinakunawan watayay. Qewakunapa chawpillanchö ashmakunawan iwal kawatsun. Shullyapis jinallanchö ushmatsun.
16
Yarpaynin alli kanqanpita ashmapa yarpayninnö tikratsun. Tsaynö katsun qanchis watayaq».
17
«Tsaynö kananpä kaqtam angelkuna willakuyashqa. Tsaynö päsaptinmi pïmaypis musyayanqa llapan mandaqkunapitapis Tayta Dios mas poderyuq kanqanta. Paymi nacionta mandananpä pitapis munanqanta churan. Munarqa mas humildi kaqtapis mandakuq kananpämi churan.
18
«Tsaytam noqa Nabucodonosor sueñuynïchö rikarqü. Beltsasar, kanan willamay imapä tsay suëñu kanqantapis. Kay mandanqä nacionchö manam mayqan musyaqkunapis tantiyatsimayta puëdiyantsu. Llapan dioskuna yanapashuptiki musyämi qam tantiyatsimänaykipä kanqanta».
19
Tsaynö willanqä mantsariypä kaptinmi Beltsasar jutiyuq Daniel pasaypa yarpachakur wiyararqan. Tsaymi nirqä: «Beltsasar, ama mantsariytsu tsay sueñunqäpita». Tsaynö niptïmi Daniel nimarqan: «Taytay, tsay sueñuynikichö rikanqaykiqa chikishuqnikikunata päsananpä kaykullätsun.
20
Sueñuynikichö rikanqayki qeruqa kikikim kaykanki. Tsay qeru wiñayllanta rakuyanqannömi qampis poderyuq karquyki. Rämasapayaptin rämankuna ciëluyaq chanqannömi qampis poderyuq kar ciëluchö kaykaq angelnö kaykanki. Qerupa raprankuna kuyayllapä kanqannö y wayuyninkuna llapan runakuna mikuyänanpä kanqannömi qampis atska runakunata yanapanki. Jirka ashmakuna qerupa llantuyninchö llantukuyanqannö y rämankunachö pishqukunapis qeshunkunata rurayanqannömi llapan runakunapis podernikichö kaykäyan. Tsay qeru kay patsachö maytsaymanpis rikakanqannömi llapan nacionkunapis makikichö kaykäyan.
23
«Tsaynöllam sueñuynikichö rikarquyki ciëlupita willakuq ángel uraykämuqta. Paymi nirqan: «Tsay qeruta mutuskir llapanta ushakätsiyay. Peru troncunta sïqa matsuntinta jinallanchö dëjaykuyay. Fiërru y bronci cadinakunawan watarkur jirkachö qewakunapa chawpillanchö dëjaykuyay. Shullyapis jinallanchö ushmatsun. Qanchis wata päsanqanyaq ashmakunawan iwal kawatsun».
24
«Tayta rey, poderyuq Tayta Dios sueñuynikichö rikatsishunqaykiqa qamta päsashunaykipämi kaykan. Kanan willashayki tsay sueñunqayki imapä kanqantapis.
25
Runakuna täyanqanpita qarquyäshuptikim ashmakunawan juntu kawanki. Törunömi qewata mikunki y shullyam ushmashunki. Qanchis watam tsaynö kanki Tayta Dios llapanpä poderyuq kanqanta tantiyakunqaykiyaq. Paymi pitapis munanqan kaqta churan mandaq kananpä.
26
«Matsuntin troncu jinallanchö quëdanqanqa mandaq kayman kutinaykipä kanqanmi kaykan. Tsaynö kutinki Tayta Dios llapanpäpis poderyuq kanqanta tantiyakunqayki höram.
27
«Tayta rey, tsaynö mana päsashunaykipä kanan yätsishayki. Jutsa ruraykunata dëjaskir runa mayikita shumaq rikay. Mana alli kayta dëjaskir pobrikunata yanapay. Tsaynö rurarqa capazchi tranquilidäta tarinkiman».
28
Daniel willamanqannöllam llapanpis päsamarqan.
29
Tsay sueñunqäpita juk wata päsaskiptinnam Babilonia palaciüchö puriykar
30
nirqä: «¡Noqam munayyuq kar kay jatunkaray Babilonia markata shäritsirqü mandanqä nacionkunapa capitalnin kananpä! Tsaynöpam maytsay nacionchö munayyuq kanqäta musyayanqa».
31
Parlaytapis manarä ushaptïmi ciëlupita nimunqan wiyakämurqan: «Rey Nabucodonosor, ninqäta shumaq wiyamay. Kananpitaqa mananam reynatsu kanki.
32
Runakuna täyanqanpita qarquyäshuptikim ashmakunawan juntu kawanki. Törunömi qewata mikunki. Qanchis watam tsaynö kanki Tayta Dios llapanpä poderyuq kanqanta tantiyakunqaykiyaq. Paymi pitapis munanqanta churan mandakuq kananpä».
33
Tsay höram nimunqannö yarpaynï illakaskirqan. Tsaymi runakuna täyanqanpita qarqamaptin törukunanö qewata mikur qallaykurqä. Cuerpütanam shullya ushmamarqan. Aqtsäpis ankapa plümannö y shillüpis ankapa shillunnömi wiñarqan.
34
Qanchis wata päsaskiptinmi noqa Nabucodonosor ciëlupa ñukirkur Tayta Diosta perdonta mañakurqä. Tsaymi yapay juiciüman kutirkur imayyaqpis kawaq poderösu Tayta Diosta alabarqä y agradëcikurqä. Paypa mandakuyninqa mana ushakaqmi. Mandaq kaynintaqa manam pipis qechunqatsu.
35
Paypäqa mayqan nacionpis manakaqllam kaykan. Tayta Diosqa ciëluchöpis y kay patsachöpis munanqantam imatapis ruran. Paytaqa manam pipis tsapata churapantsu. Paytaqa manam pipis «¿imanirtä tsaynö ruraykanki?» nintsu.
36
Tsay höram ñöpata kanqänö juiciüman kutirqä. Mandaq kayman yapay kutir ñöpata munayyuq kanqänömi yapay munayyuq karqä. Tsaypitanam ñöpata mandar yanapamaqkunapis yanapayämänanpä yapay kutiyämurqan. Trönüman kutirmi punta kanqäpita mas munayyuq karqä.
37
Tsaymi noqa Nabucodonosor ciëluchö kaykaq Tayta Diosta alabä. Pay ruranqanqa llapanpis allim. Yachaq tukuqkunataqa penqakuymanmi churan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 5 →
All chapters:
1
2
3
4
5
6
7
8
9
10
11
12