Esther 10

Quechuan QXO (Biblia en Quechua del sur de Conchucos)

← Chapter 9 Jump to:

1Rey Asuerum impuestukunata cobratsirqan llapan mandanqan nacionkunachö täraqkunata y lamar kuchunchö täraqkunatapis.

2Rey Asuero llapan ruranqankunaqa juk libruchömi qellqashqa kaykan. Tsaynöllam Mardoqueo llapan ruranqankunapis tsay libruchö qellqashqa kaykan. Tsay librullachömi qellqashqa kaykan Mediachö y Persiachö mandanqan reykuna rurayanqankunapis.

3Mardoqueutam rey Asuero churarqan llapan mandar yanapaqninkunapitapis mas poderyuq kananpä. Tsaynöllam janankuna shärinqanpita Mardoqueuta Israel mayinkuna maytsaychöpis respitayaq.

← Chapter 9 Jump to: