bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Genesis 42
Genesis 42
Quechuan QXO (Biblia en Quechua del sur de Conchucos)
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
1
Egiptuchö trïguta rantikuyanqanta musyaskirmi tsurinkunata Jacob nirqan: «¿Imatatä kaychö ruraykäyanki jukniki juknikipis rikapänakur?
2
Egiptuman aywaqkunam tsaychö trïgu rantipä kanqanta willayämashqa. Qamkunapis trïgu rantiq aywayay. Mana aywayaptikiqa ¿imata mikurtä kawashun?»
3
Tsaynö niptinmi Josépa chunka wawqinkuna Egiptuman trïgu rantiq aywayarqan.
4
Peru Josépa wawqin Benjamín aywananta papänin mana munarmi nirqan: «Tsurïtaqa imapis päsaykunmanmi».
5
Tsaynöpam Israelpa tsurinkuna trïgu rantiqkunawan wallkinakur Egiptuman chäyarqan. Entëru Canaánchömi pasaypa hambrüna karqan.
6
José Egipto nacionpa gobernadornin karmi llapan nacionpita trïgu rantiq aywaqkunata rantikuq. Tsaymi Josépa wawqinkuna trïgu rantiq chaykur urkunkunapis patsaman töpanqanyaq ñöpanman qonqurikuyarqan.
7
Wawqinkunata rikaykurmi José reqiskirqan. Reqiykarpis mana reqiq tukurmi ajashqa parlapar nirqan: «¿Maypitatä shayämurquyki?» Tsaynö tapuptinmi niyarqan: «Taytay, noqakunaqa Canaánpitam trïgu rantiq shayämurqü».
8
José reqiptinpis wawqinkunaqa manam reqiyarqantsu.
9
Tsay höram José yarpaskirqan paykunapä imanö sueñunqantapis. Tsaymi nirqan: «Qamkuna musyapakuqmi kay nacionman maypa yaykayämunaykipä kaqtapis rikapakuq shayämurquyki».
10
Tsaynam niyarqan: «¡Manam, taytay! Noqakunaqa trïgu rantiqllam shayämurqü.
11
Noqakunaqa llapäpis juk taytallapitam kaykäyä. Manam imaypis runapa markanta rikapakur puriyätsu».
12
Tsaynö niyaptinmi José nirqan: «Qamkunaqa llullakuykäyankim. Rasunpam kay nación imanö kanqantapis rikapakuq shayämurquyki».
13
Tsaymi paykuna niyarqan: «Noqakunaqa chunka ishkay wawqim juk taytallapita kayä. Llapäkunapis Canaánchömi taykäyä. Qepa kaq wawqillämi papänïwan quëdamushqa y jukaq wawqïnam illakashqa».
14
Tsaynö niyaptinnam José nirqan: «Ninqänöpis qamkunaqa rasunpam marka imanö kanqantapis rikapakuq shayämurquyki.
15
Kananmi musyashä rasun kaqta parlayanqaykita o llullakuyanqaykita. Faraónpa jutinchö jurarmi nï: «Manam mayqaykipis kaypita aywayankitsu qepa wawqikita kayman manarä pushamurqa.
16
Mayqaykikunapis kutiyay ñuñush wawqikita pushayämunaykipä. Wakikinam prësu quëdayanki. Ñuñush wawqikita mana chätsimurqa rasunpam marka rikapakuq kaykäyanki». Faraónpa jutinchö jurarmi nï».
17
Tsaynö nirmi carcelchö kimsa junaq paykunata José wichqarätsirqan.
18
Kimsa junaqtanam José nirqan: «Tayta Diostam mantsapakü. Tsaymi mandanqäkunata rurayaptikiqa wanutsiyäshaykitsu.
19
Rasunpa mana rikapakuq karqa juk wawqikikunata prësu jaqiykur castaykikuna mikuyänanpä trïguta apakurkur aywakuyay.
20
Tsaypitana ñuñush wawqikita pushakurkur kutiyämunki. Tsaynöpam musyashä niyanqayki rasunpa kanqanta. Mana chätsimurqa wanuyankim». José tsaynö niptinmi paykuna awniyarqan.
21
Peru kikinkunapura parlarmi ninakuyarqan: «Wawqintsikta mana kuyapanqantsikpitam pasaypa ñakaykantsik. Rugakaykämashqapis manam kuyaparqantsiktsu».
22
Tsaynö niyaptinmi Rubén nirqan: «Noqaqa nirqämi tsay wawqintsikta imatapis mana rurayänaykipä. Tsaynö nikaptïpis qamkunaqa manam cäsuyämarqaykitsu. Kananqa paypa maldicionninpitam noqantsikpis ñakaykantsik».
23
Egipto runakunapa idiömanchö José parlapaptinmi juk runarä wawqinkunata tantiyatsirqan. Tsaymi musyayarqantsu paykuna parlayanqanta José tantiyaykanqanta.
24
Josénam wawqinkunapita jukläman aywaykur waqarqan. Waqanqanpita kutiykurnam yapay parlaparqan. Simeónta akraskirnam paykunapa puntanchö watatsirqan.
25
Tsaypitanam sirviqninta mandarqan costalninkunaman trïguta wiñapäyänanpä. Tsaynöllam mandarqan trïgupa chanin qellayta costalninkunaman wiñayänanpä y millkapatapis qepipäyänanpä. José ninqannöllam llapanta rurayarqan.
26
Tsaymi ashnunkunaman trïguta chaqnakurkur aywakuyarqan.
27
Kutiykäyanqanchö tsakäpakuskirmi patsakuyanqanchö ashnunkunata trïguta qarayänanpä costalta juknin kichaskir qellaynin kaykaqta tarirqan.
28
Tsaymi wawqinkunata nirqan: «¡Kayrächi kayllaqa! ¿Imatarä rurashä? ¡Päganqä qellaytam costalnïman wiñapayämashqa!» Tsaynö niptinmi llapan mantsakar tsuktsukyarrä juknin jukninpis niyarqan: «¿Imaykamannatä Tayta Dios jitarpamarquntsik?»
29
Canaánman chaykurnam Egiptuchö ima päsanqantapis papäninta willar niyarqan:
30
«Egipto nacionpa mandaqninmi ollqutupäyämashqa tsay nación imanö kanqanta rikapakuq aywayanqäta yarpar.
31
Tsaynö niyämaptinmi noqakuna niyarqü alli runa kayanqäta y imaypis mana rikapakuq kayanqäta.
32
Tsaynöllam willayarqü chunka ishkay wawqi juk taytallapita kayanqäta y juk wawqïkuna illakashqa kanqanta y ñuñush kaqna qamwan quëdanqanta.
33
«Tsaymi niyämashqa: «Rasun kaqta parlayanqaykita musyanäpä juk wawqikita prësu jaqiykur castaykikuna mikuyänanpä trïguta apakurkur wakikikuna kutiyay.
34
Ñuñush wawqikita chätsiyämuptikirämi musyashä rikapakuq mana kayanqaykita. Tsayrämi wawqikita prësu tsararanqäpita dëjashä. Tsaynöpam kay nacionman kutiyämuptikipis ni ima niyäshunkinatsu».
35
Tsaynö willaskir trïguta tallipakuykarmi tariyarqan cada costalchö pägayanqan qellayninkuna bolsachö wiñaraykaqta. Tsaynö tariykurmi kikinkunapis papäninpis pasaypa mantsakäyarqan.
36
Jacobnam nirqan: «Qamkunaqa tsurïkunata ushaskiyankinam. Kananqa Josépis ni Simeónpis manam kannatsu. Kananqa ¿Benjamíntanaku pushayta munaykäyanki? Tsaynö kaptin noqapäqa vïdäpis vïdanatsu».
37
Tsaynö niptinmi Rubén nirqan: «Papä, Benjamínta pusharqa kikïmi kutitsimushä. Payta mana kutitsimuptïqa ishkan tsurïtam wanuratsinki».
38
Jacobnam nirqan: «Manam tsurïta pushayankitsu. Wawqin José wanukushqa kaptinmi japallanna tsay mamapita kaykan. Aywaykäyaptiki imapis päsaptin ¿imatarä rurayanki? Tsaynö kaptinqa qamkunapa cuentaykipämi llakikuypita wanushä».
← Chapter 41
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 43 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50