bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 10
Matthew 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
1
Tsaypitanam chunka ishkay discïpulunkunata qayaskir poderninta Jesús qararqan runakunapita supaykunata qarquyänanpä y imaykaläya qeshyakunawan qeshyaqkunata y imayka nanaywan kaqkunatapis allïtsiyänanpä.
2
Tsay chunka ishkay apostolkunam kayarqan Simón (paypa jukaq jutinmi Pedro), Simónpa wawqin Andrés, Zebedeupa tsurinkuna Santiaguwan Juan,
3
Felipe, Bartolomé, Tomás, Romapä impuestuta cobraq Mateo, Alfeupa tsurin Santiago, Tadeo,
4
Zelote niyanqan Simón y Jesústa rantikuq Judas Iscariote.
5
Tsay chunka ishkay apostolninkuna willakuq aywayänanpä mandarmi Jesús nirqan: «Ama aywayankitsu mana Israel runakunapa markankunamanqa, ni Samariachö kaykaq markakunamanpis ama yaykuyankitsu.
6
Tsaypa rantinqa Israel runakunallaman aywayanki. Paykunam oqrakashqa üshanö kaykäyan.
7
Paykunata niyanki: «¡Tayta Diospa mandakuynin chämushqanam!»
8
Qeshyaqkunata allïtsiyanki. Wanushqakunatapis kawatsiyanki. Leprawan qeshyaqkunata allïtsiyanki. Supaykunatapis runakunapita qarquyanki. Podernïta debaldilla chaskiyanqaykinö pitapis debaldilla allïtsiyanki.
9
«Qellayta, qorita ni cobritapis gastuykikunapä ama apayankitsu.
10
Tsaynölla ama apayankitsu millkapaykikunata, trocakuyänaykipä röpaykikunata ni tukruykikunatapis. Jatiräyanqayki llanqillaykikunawan aywayanki. Arupakuq runa päguta chaskinanpä derëchun kanqannömi qamkunapapis qarayäshunaykipä derëchuykikuna kan.
11
«May markaman charpis mayqan alli runa kanqantapis tapukuyanki. Tsay runapa wayillanchö juk markaman päsayanqaykiyaq quëdakuyanki.
12
Wayinman char rimaykukuyanki: «Alli kaway qamkunachö kaykullätsun».
13
Alli chaskiyäshuptikiqa niyanqaykinömi alli kaway kanqa. Peru mana chaskiyäshuptikim sïqa alli kaway kanqatsu.
14
Willakuyanqaykita tsay wayichö o tsay markachö mana chaskiyäshuptikiqa chakikikunachö polvuta tapsikuskir aywakuyanki.
15
Rasunpam nï: Sodoma y Gomorra runakunata castiganqanpitapis mas peormi juiciu finalchö tsay runakunata Tayta Dios castiganqa.
16
«Löbukunaman üshakunata qaykuqnömi qamkunata mandaykä. Culebranö alcäbulla puriyanki y manshu palumanö humildi kayanki.
17
Runakunapita cuidakuyanki. Chikiyäshurnikim prësu tsariykur autoridäkunaman apayäshunki. Sinagögakunachöpis castigayäshunkim.
18
Noqa raykurmi gobernadorkunamanpis y reykunamanpis prësu apayäshunki. Tsaynöpam willakuynïta paykunata y wakin mana Israel runakunatapis willayanki.
19
Autoridäkunaman apayäshuptiki ama llakikur niyankitsu: «¿Imatarä nishä? ¿Imanörä parlashä?» Tayta Diosmi tantiyatsiyäshunki imata parlayänaykipäpis.
20
Manam kikikikuna yarpäyanqaykitatsu parlayanki, sinöqa Papänikipa Espïritun tantiyatsiyäshunqaykitam.
21
«Noqa raykurmi wawqintapis, tsurintapis y papänintapis wanutsiyänanpä autoridäkunaman entregayanqa.
22
Noqa raykurmi pïmaypis chikiyäshunki. Tsaynö chikiyäshuptikipis wanuyanqaykiyaq criyikurqa salvashqam kayanki.
23
Juk markachö chikiyäshuptiki juk markaman aywakuyanki. Rasunpam nï: Israelchö llapan markakunapa purir manarä ushayaptikim Runapa Tsurin kutimunqa.
24
«Mayqan yachakuqpis manam yachatsiqninpita mastaqa yachantsu. Tsaynöllam sirviqpis patronninpita masqa poderyuqtsu.
25
Yachakuqkunapis yachatsiqninnö karmi kushikuyan y sirviqkunapis patronninnö karmi kushikuyan. Noqatapis Beelzebú nikäyämarqa qamkunatapis wamräkuna kayaptiki masrämi ashlliyäshunki.
26
«Runakuna chikiyäshuptikipis ama mantsariyankitsu. Paykuna pakayllapa jutsata rurayanqanpis juiciu finalchömi musyakanqa.
27
Tsaynö kaykaptinqa pakayllapa willanqäkunata pïmaypis wiyayänanpä willakuyay. Kikillaykikunata ninqäkunatapis wayi jananman yarkurkur jinchipa willakuyay.
28
Ama mantsariyankitsu pipis wanutsiyäshunaykipä jurapäyäshuptiki. Wanutsiyäshurnikipis almaykitaqa manam wanutsinqatsu. Tsaypa rantinqa Tayta Diospita mantsapakuyay. Paymi sïqa poderyuq kar almantinta pitapis infiernuchö ushakätsinqa.
29
«¿Manaku ishkay pishqukunata juk centimullachö rantikuyan? Tsaynö kaptinpis manam ni jukllayllapis wanuntsu Papäniki mana munaptinqa.
30
Aqtsaykikunapis paypäqa yupashqam kaykan.
31
Qamkunaqa atska pishqukunapitapis masmi väliyanki. Tsaynö kaykaptinqa ama mantsariyaytsu».
32
«Pipis runakunapa puntanchö favornï parlaptinqa noqapis ciëluchö kaykaq Papänïpa puntanchömi paykunapa favornin parlashä.
33
Pipis runakunapa puntanchö ñëgamaptinqa noqapis ciëluchö kaykaq Papänïpa puntanchömi ñëgashä.
34
«Ama yarpäyaytsu shamunqäpita kay patsachö runakuna tranquïlu kawayänanpä kanqanta. Tsaypa rantinqa kikinkunapuram chikinakuyanqa.
35
Tsaymi papäninwan tsurin chikinakuyanqa, mamanwan wamran chikinakuyanqa y suegranwan llumtsuynin chikinakuyanqa.
36
Castankunawanmi contra kawayanqa.
37
«Pipis discïpulü kayta munarqa papäninta y mamanta kuyanqanpita noqata mas kuyamätsun. Tsaynö mana kuyamarqa manam discïpulü kayanmantsu. Tsaynölla wamrankunata kuyanqanpita noqata mas kuyamätsun. Tsaynö mana kuyamarqa manam discïpulü kayanmantsu.
38
Cruzninta apaqnö mana qatirämarqa manam discïpulü kayanmantsu.
39
Kawayninta salvayta munaqkunaqa kawaynintam oqrayanqa. Kawayninta noqa raykur oqraqkunam sïqa kawayninta salvayanqa.
40
«Qamkunata chaskishuqnikikunaqa noqatam chaskiyäman. Noqata chaskimaqkunaqa mandamaqnïtapis chaskiyanmi.
41
Profëtakunata chaskiq kaqqa profëtanömi premiuta chaskinqa. Tsaynöllam jutsaynaq runata chaskiq kaqqa tsay runanö premiuta chaskinqa.
42
Mayqan discïpulüta juk täza yakullatapis qaraq kaqtaqa Tayta Diosmi premiuta qaranqa».
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28