bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 5
Matthew 5
Quechuan QXO (Biblia en Quechua del sur de Conchucos)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
Atskaq runakuna qorikaqta rikarmi jirkanman witsarkur Jesús jamakurqan. Puntanman discïpulunkuna qorikäyaptinmi
2
yachatsir nirqan:
3
«Kushishqam kawayanqa Tayta Diosta nisitaqkuna. Paykunapämi Tayta Diospa mandakuynin.
4
«Kushishqam kawayanqa llakikur waqaqkuna. Paykunatam Tayta Dios shoqanqa.
5
«Kushishqam kawayanqa alli shonquyuqkuna. Paykunam herenciankuna kananpä mushuq patsata chaskiyanqa.
6
«Kushishqam kawayanqa mallaqaypanörä y yakunaypanörä Tayta Dios munanqannö kawayta munaqkuna. Paykunatam Tayta Dios yanapanqa.
7
«Kushishqam kawayanqa runa mayinta kuyapaqkuna. Paykunatam Tayta Dios kuyapanqa.
8
«Kushishqam kawayanqa limpiu shonquyuqkuna. Paykunam Tayta Diosta rikayanqa.
9
«Kushishqam kawayanqa runa mayinta amishtatsiqkuna. Paykunatam Tayta Dios «wamrämi kanki» ninqa.
10
«Kushishqam kawayanqa Tayta Dios munanqannö kawayanqanpita runakuna ñakatsiyaptin. Paykunapämi Tayta Diospa mandakuynin.
11
«Kushishqam kawayanki noqaman criyiyanqaykipita runakuna ashlliyäshuptiki, ñakatsiyäshuptiki y llullakur imaykata tumpayäshuptiki.
12
Tsaynö kaptinpis kushikuyay. Qamkunataqa gloriachö maynam Tayta Dios premiuta shuyaykätsiyäshunki. Chikiyäshunqaykinöllam unay runakunapis Tayta Diospa profëtankunata chikiyarqan.
13
«Qamkunaqa kay patsachö kachinömi kayanki. Kachi qamlaskirqa manam imapäpis välinnatsu. Tsay kachita jitariptin pïmaypis jarunmi.
14
«Qamkunaqa kay patsachö aktsinömi kayanki. Alayrinninchö kaykaq markata pïmaypis rikayanqannömi imanö kawayanqaykitapis rikayäshunki.
15
Manam pipis aktsita tsariskatsir cajón rurinman churantsu, sinöqa wayichö llapanta atsikyänanpämi alayriman churan.
16
Tsaynölla qamkunapis runakuna rikayäshunaykipä tsakaychö atsikyaqnö allikunata rurayay. Tsaynö kawayanqaykita rikarmi ciëluchö kaykaq Papänikita alabayanqa.
17
«Ama yarpäyaytsu Moisés qellqanqan leykunata y profëtakuna qellqayanqankunata manakaqman churanäpä shamunqäta. Manam manakaqman churanäpätsu shamurqü, sinöqa paykuna qellqayanqankuna noqachö cumplinanpämi.
18
Rasunpam nï: Ciëlupis kay patsapis manarä ushakaptinqa manam ni juk letrallapis Diospa leyninpita illakanqatsu. Tsay qellqayanqanqa llapanmi cumplinqa.
19
«Pipis kay mandamientukunata jukllayllatapis mana cäsur y wakin runakunatapis mana cäsukuyänanpä willarqa Tayta Diospa mandakuyninchö manam ima premiutapis chaskinqatsu. Llapan kay mandamientukunata cäsur y wakin runakunatapis cäsuyänanpä yachatsirmi sïqa Tayta Diospa mandakuyninchö premiuta chaskinqa.
20
Noqam nï: Fariseukunapitapis y ley yachatsikuqkunapitapis mas alli mana kawarqa Tayta Diospa mandakuyninman manam yaykuyankitsu.
21
«Qamkuna musyayankim unay runakunata ninqanta: «Ama runa mayikita wanutsinkitsu. Wanutsiq kaqqa juzgashqam kanqa».
22
Peru noqam nï: Pipis runa mayinta rabyaparqa jutsayuqmi kanqa. Tsaynöllam runa mayinta ashllirqa juzgashqa kanqa. Runa mayinta manakaqman churarqa infiernuman qaykushqam kanqa.
23
«Tsaymi altarman ofrendaykikunata churayänaykipä kaykäyanqaykichö runa mayikiwan ajätsinakushqa kayanqaykita yarparqa
24
altar lädunman ofrendaykikunata dëjaykur jinan höra ajätsinakuyanqaykiwan amishtayänaykipä aywayay. Tsaypita kutiskirrä Tayta Diospä ofrendaykita churayanki.
25
«Pipis demandayäshuptiki autoridäman manarä char ras arreglayay. Mana arreglayaptikiqa juezmanmi apatsiyäshunki. Jueznam wardiakunawan carcelman wichqatsiyäshunki.
26
Rasunpam nï: Llapan jaqa kaynikikunata manarä pägarqa tsaypita manam yarquyankitsu.
27
«Qamkuna musyayankim Moisés qellqanqanchö ninqanta: «Ama adulteriu jutsata rurankitsu».
28
Peru noqam nï: Juk warmita munaparqa maynam adulteriu jutsata ruraqnö kayanki.
29
«Tsaymi derëcha kaq ñawiki jutsata ruratsiyäshuptikiqa tsay ñawikita jipiskir jitariyay. Infiernuman qaykushqa kayänaykipa rantinqa mas allim kanman wiskullapis kayaptiki.
30
Derëcha kaq makiki jutsata ruratsiyäshuptikiqa tsay makikita roquskir jitariyay. Infiernuman qaykushqa kayänaykipa rantinqa mas allim kanman juk makiyuqllapis kayaptiki.
31
«Tsaynöllam Moisés qellqanqan leykunachö nin: «Pipis warminwan rakikarqa divorciu papelta firmapätsun».
32
Peru noqam nï: Mayqan runapis warmin jukwan mana kaykaptin juk warmiwan täkurqa jutsayuqmi kaykan warmin juk runawan tärar adulteriu jutsata rurananpä. Tsaynöllam runanpita rakikashqa warmiwan täraq runapis adulteriu jutsata ruraykan.
33
«Tsaynöllam musyayanki unay runakunata ninqanta: «Mana cumpliyänaykipäqa ama jurayankitsu. Jurarqa mana qonqaypa cumpliyanki».
34
Peru noqam nï: Ama ni imanirpis jurayankitsu. Ama jurayankitsu «ciëlupä» nirpis. Ciëluqa Tayta Diospa trönunmi.
35
Ama jurayankitsu «patsapä» nirpis. Kay patsaqa Tayta Diospa chakin jarukunanmi. Ama jurayankitsu «Jerusalénpä» nirpis. Jerusalénqa llapanpä poderyuq Rey täranqan markam.
36
Ama jurayankitsu «umäpä» nirpis. Manam poderyuqtsu kayanki aqtsaykita yuraqman ni yanaman tikratsiyänaykipäpis.
37
Awnirqa awniyanki, y mana cumpliyänayki kaptinqa ama awniyankitsu. Jurayparä awnirqa Satanás munanqannömi parlaykäyanki.
38
«Musyankim Moisés qellqanqan leykunachö ninqanta: «Ñawinta jipiptinqa kikinpa ñawintapis jipitsun. Kirunta jipiptinqa kikinpa kiruntapis jipitsun».
39
Peru noqam nï: Chikiyäshuptikipis ama chikiyankitsu. Laqyayäshuptikipis jukaq cäraykita kamapaykuyanki.
40
Pipis demandashurniki camisaykita qechuyäshuptikiqa punchuykitapis dëjapaykuyanki.
41
Qepinta juk lëwayaq apayänaykipä obligashuptikiqa ishkay lëwayaqpis apapäyanki.
42
Imatapis «qaraykallämay» nir mañakuyäshuptikiqa qaraykuyanki. Tsaynölla imatapis «mañaykallämay» niyäshuptikiqa mañaykuyanki.
43
«Tsaynöllam musyayanki runakuna niyanqanta: «Kuyanakuyanqaykiwanqa kuyanakuyanki. Chikishuqnikitaqa chikiyanki».
44
Peru noqam nï: Chikishuqnikikunata kuyayanki. [Ashlliyäshuptikipis allillata parlapäyanki. Mana alli rikayäshuptikipis alli rikayanki. Manakaqman churayäshuptikipis y] ñakatsiyäshuptikipis paykunapä Tayta Diosta mañakuyanki.
45
Tayta Diosqa alli runakunapä y mana alli runakunapämi rupayta yarqatsimun. Tsaynöllam alli runakunapä y mana alli runakunapäpis tamyatsimun. Ciëluchö kaykaq Papäniki kuyapäkuq kanqannö qamkunapis kuyapäkuq karqa paypa wamranmi kaykäyanki.
46
«Kuyanakuyanqallaykiwan kuyanakurqa alli runa kayanqaykita ama yarpäyaytsu. Impuestu cobraqkunapis kuyanakuyanqallanwanqa kuyanakuyanmi.
47
Amïguykikunallawan alli kawarqa ¿ima allitatä ruraykäyanki? Jutsasapa runakunapis tsaynöllaqa allim kawayan.
48
Ciëluchö kaykaq Papäniki jutsaynaq kanqannö qamkunapis jutsaynaq kayay.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28