bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 25
Matthew 25
Quechuan QXO (Biblia en Quechua del sur de Conchucos)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
1
«Tayta Diospa mandakuynin imanö kanqantapis willayäshayki. Chunka jipashkunash chiwchinkunata apakurkur casarakuq jövin shamuptin fiestaman yaykuyänanpä shuyaq aywayänä.
2
Pitsqa kaq jipashkunash alli yarpayyuq kayänä. Pitsqa kaqnash yarpayniynaq kayänä.
3
Yarpayniynaq kaqkunaqa manash aceiti ushakaptin chiwchinkunaman wiñayänanpä apayänätsu.
4
Peru alli yarpayyuq kaq jipashkunash sïqa chiwchinkunapä aceitita apayänä.
5
Casaraq jövin manarä chaptinshi tsay jipashkuna shuyaraykäyanqanchö punukaskiyänä.
6
«Pullan paqasnash juk runa qayakur ninä: «¡Casarakuq jövin shamuykannam! ¡Chaskiyänaykipä yarqayämuy!»
7
Tsayshi llapan jipashkuna shärirkur chiwchinkunata tsaritsiyänä.
8
Aktsinkuna upinaptinnash yarpayniynaq jipashkunaqa alli yarpayyuq kaqkunata mañakur niyänä: «Chiwchïkuna upiykannam. Aceitita qaraykayällämay».
9
Tsaynö niyaptinshi alli yarpayyuq kaqkuna niyänä: «Mana ushakäpakunantsikpä aceiti rantikuqkunapita ras rantiyämuy».
10
«Aceiti rantiq aywayanqanyaqshi casarakuq jövin chänä. Tsayshi alistakushqa shuyaraykaq jipashkunawan fiestaman yaykuskiptin punku wichqakaskinä.
11
Aceiti rantiq jipashkuna kutirnash punku wichqaraykaqta tariyänä. Tsayshi qayakur niyänä: «¡Taytay, taytay! ¡Punkuta kichapaykayällämay!»
12
Tsaynö qayakuyaptinshi casarakuq jövin ruripita nimunä: «Qamkunata manam reqïtsu. ¡Pirä kakuyankipis!»
13
Tsaynö willaskirnam Jesús nirqan: «¡Qamkunapis maya mayalla kaykäyay! Manam musyayankitsu imay junaq ni imay höra [ Runapa Tsurin kutimunanpä kanqanta]».
14
«Tayta Diospa mandakuynin imanö kanqantapis willayäshayki. Juk runash karupa aywakunanpä sirviqninkunata qayaskir qellayninta prestanä.
15
Habilidäninkuna imanö kanqanta musyarshi jukninta pitsqa talentu qellayta prestanä, jukninta ishkay talentu qellayta prestanä y juknintanash juk talentu qellayta prestanä. Tsaypitash karu markapa aywakunä.
16
Pitsqa talentu qellayta chaskiq kaqshi negociuta rurar pitsqa talentu masta gänanä.
17
Ishkay talentu qellayta chaskiq kaqpis negociuta rurarshi ishkay talentu mas qellayta gänanä.
18
Peru juk talentu qellayta chaskiq kaqshi sïqa patsata uchkuskir pampaskinä.
19
«Patronnin unayta kutiykurnash qellayninta prestanqanpita cuentata mañanä.
20
Pitsqa talentu qellayta chaskiq kaqshi pitsqa talentu mas qellayta entregar ninä: «Taytay, pitsqa talentu qellayta prestamanqaykiwanmi pitsqa talentu mas qellayta gänarqü».
21
«Patronninnash ninä: «Alli sirviqmi kanki. Wallkallapitapis qellayta miratsinqaykipitam mas mandaq kanaykipä churashayki. Wayïman yaykamuy fiestata rurar kushikunapä».
22
«Tsaynöllash ishkay talentu qellayta chaskiq kaqpis ninä: «Taytay, ishkay talentu qellayta prestamanqaykiwanmi ishkay talentu mas qellayta gänarqü».
23
«Patronninnash ninä: «Alli sirviqmi kanki. Wallkallapitapis shumaq miratsinqaykipitam mas mandaq kanaykipä churashayki. Wayïman yaykamuy fiestata rurar kushikunapä».
24
«Peru juk talentu qellayta chaskiq sirviqninshi sïqa ninä: «Taytay, noqa musyämi mana kuyapäkuq kanqaykita. Qamqa mana murunqaykipitam cosechanki. Mana arunqaykipitam qorinki.
25
Tsaynö kanqaykita mantsarirmi qellaynikita pampaykurqä. Taytay, kay qellaynikitam kanqantanölla apamurqü».
26
«Patronninnash ninä: «¡Qamqa mana yärakuypä qela sirviqmi kanki! Mana murunqäpita cosechanqäta musyaykarqa y mana arunqäpita qorinqäta musyaykarqa
27
qellaynïta bancullamanpis churankiman karqan kutimur wachaynintawan qorinäpä».
28
«Tsaychö kaykaq runakunatanash ninä: «¡Tsararanqan qellaynïta qechuskir chunka talentu qellay tsararaqta qaraykuyay!
29
Yärakuypä kaqtaqa mastam alistapäshä. Peru mana yärakuypä kaqtam sïqa ichik tsararanqallantapis qechushä.
30
Kay yarpayniynaq sirviqta mantsaypä tsakayman jitarpuyay. Tsaychömi pasaypa waqar kiruntapis uchunqa».
31
«Runapa Tsurin chipipiykar santu angelninkunawan shamurmi chipipiykaq trönunman jamakunqa.
32
Tsay junaqmi maytsay nacionpitapis llapan runakuna puntanman qorikäyanqa. Tsaymi mitsikuq runa üshakunata cabrakunapita rakinqannö runakunata rakinqa.
33
Üshakunatam derëcha kaq lädunman rakinqa y cabrakunatanam itsuq kaq lädunman rakinqa.
34
«Derëcha kaq lädunchö kaqkunatam ninqa: «Qamkunataqa Papänï pasaypam kuyayäshunki. Tayta Diospa mandakuyninman yaykuyänaykipä shayämuy. Mandakuynintaqa kay patsata manarä kamarmi qamkunapä Papänï alistashqa.
35
Qamkunam mallaqaptï qarayämarquyki. Yakunaptïpis yakutam qarayämarquyki. Jäpa kaptïpis patsatsiyämarquykim.
36
Röpaynaq kaykaptïpis jatitsiyämarquykim. Qeshyaptïpis jampiyämarquykim. Carcelchö kaptïpis watukayämarquykim».
37
«Tsaynö niptinmi tsay alli ruraqkuna tapuyanqa: «Taytay, ¿imaytä mallaqaptiki qarayarqü? ¿Imaytä yakunaptiki yakuta qarayarqü?
38
¿Imaytä jäpa kaptiki patsatsiyarqü? ¿Imaytä röpaynaq kaptiki jatitsiyarqü?
39
¿Imaytä qeshyaptiki o carcelchö kaptiki watukaq shayämurqü?»
40
Tsaynö niyaptinmi rey ninqa: «Rasunpam nï: Pitapis tsaynö ñakaqkunata kuyaparqa noqatam kuyapäyämarquyki».
41
«Itsuq kaq lädunchö kaqkunatanam ninqa: «¡Maldicionädu kaqkuna, ñöpäpita witiyay! ¡Diablupä y angelninkunapä alistashqa imaypis mana upiq ninaman aywayay!
42
Qamkunaqa mallaqaptïpis manam qarayämarquykitsu. Yakunaptïpis manam yakuta qarayämarquykitsu.
43
Jäpa kaptïpis manam patsatsiyämarquykitsu. Röpaynaq kaptïpis manam röpata jatitsiyämarquykitsu. Qeshyaptïpis carcelchö kaptïpis manam watukayämarquykitsu».
44
«Tsaynö niptinmi itsuq lädunchö kaqkunapis tapuyanqa: «Taytay, ¿imaytä mallaqaykaqta, yakunaykaqta, jäpa kaykaqta, röpaynaq kaykaqta, qeshyaqta, carcelchö kaykaqta rikaykar yanapayarqütsu?»
45
Paykunatanam ninqa: «Rasunpam nï: Pitapis tsaynö ñakaqkunata mana kuyaparmi noqatapis kuyapäyämarquykitsu».
46
Tsaypitanam Jesús nirqan: «Tsay mana kuyapäkuq runakunaqa imayyaqpis castigashqam kayanqa. Peru Tayta Dios munanqannö kuyapäkuq runakunam sïqa mana ushakaq kawayta tariyanqa».
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28