bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 7
Matthew 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
1
«Tayta Dios mana juzgayäshunaykipä runa mayikikunata ama juzgayaytsu.
2
Runa mayikita juzgayaptikiqa Tayta Diosmi qamkunatapis juzgayäshunki. Runa mayikita imanöpis yanapayanqaykimanmi qamkunatapis Tayta Dios yanapayäshunki.
3
Ñawikikunachö jatunkaray qeru jatiraykaptinqa ¿imanirtä runa mayikikunapa ñawinchö ichiklla shuka jatiraykaqta rikapäyanki?
4
Ñawikikunachö jatunkaray qeru jatiraykaptinqa ¿imanöparä niyankiman: «Ñawikipita shukata jipipäshayki»?
5
¡Allish tukuq runakuna! Puntataqa ñawikikunachö kaykaq qerutarä jipiyay. Tsayrämi shumaq rikayanki runa mayikipa ñawinpita shukata jipiyänaykipä.
6
«Sagrädu kaqtaqa allqukunata ama jitapuyaytsu. Perlasnikitaqa kuchikunata ama jitapuyaytsu. Jitapuyaptikiqa kuchikunam jaruyanqa y allqukunam kanir ushayäshunki.
7
«Mañakuyaptikiqa Tayta Dios qarayäshunkim. Ashirqa tariyankim. Punkuta takakuyaptikiqa kichapuyäshunkim.
8
Mañakuq kaqqa chaskinmi. Ashiq kaqqa tarinmi. Punkuta takakuq kaqtaqa kichapunmi.
9
«Mayqaykitapis wamraykikuna tantata mañakuyäshuptiki ¿rumitatsurä aptaparkuyankiman?
10
Pescäduta mañakuyäshuptiki ¿culebratatsurä qarayankiman?
11
Qamkuna mana alli ruraq karpis wamraykikunata alli kaqllata qaraykäyaptikiqa ¿manatsurä ciëluchö kaykaq Papänikipis mañakuq kaqtaqa alli kaqkunata alistapanqa?
12
«Imanömi runa mayiki rikayäshunaykita munayanki, tsaynölla qamkunapis runa mayikita alli rikayanki. Tsaynö kawanapämi Moisés qellqanqanchö y profëtakuna qellqayanqanchöpis nin.
13
«Kichki punkupa yaykuyay. Anchu punkupa yaykuqkunaqa jatun nänipam infiernuman aywayan. Atskaqmi tsay punkupa yaykuyan.
14
Peru kichki punkupa yaykuqkunam sïqa llanu nänipa gloriaman aywayan. Wallkaqllam tsay punkupa yaykuyan.
15
«Profëta tukuqkunata cuidädutä chaskiyankiman. Paykunaqa üshanö shamurpis wanutsikuq löbunömi kaykäyan.
16
Jachata wayuyninpita reqinqantsiknömi runakunatapis imanö kawayanqanta rikar reqintsik. Manam kashakunapitatsu üvata pallantsik ni cardonkunapitatsu hïgusta qorintsik.
17
Alli jachaqa allitam wayun. Peru mana alli jacham sïqa mana allita wayun.
18
Tsaynöllam alli wayuq jachaqa mana allitaqa wayuntsu. Mana alli wayuq jachapis manam allitaqa wayuntsu.
19
Tsay jachataqa mutuskirmi ninaman qaykuntsik.
20
Jachata wayuyninpita reqinqantsiknömi runakunatapis imanö kawayanqanta rikar reqintsik.
21
«Manam «Señor, Señor» niyämanqallanpitatsu ciëluchö kaykaq Papänïpa Mandakuyninman yaykuyanqa, sinöqa pay munanqannö kawaqkunallam.
22
Juiciu finalchömi atskaq niyämanqa: «Señor, Señor, qampa willakuynikitam willakurqä. Tsaynöllam qampa jutikichö supaykunatapis qarqurqä. Tsaynöllam qampa jutikichö milagrukunatapis rurarqä».
23
Tsaynö niyämaptinmi nishä: «Qamkunata manam reqïtsu. ¡Jutsasapa runakuna, ñöpäpita witikuyay!»
24
«Ninqäkunata cäsuq runaqa qaqa jananchö wayita shäritsiq runanömi kaykan.
25
Tsay wayiqa pasaypa tamyaptinpis, mayu atskayar chaptinpis y alläpa vientuptinpis manam juchunqatsu.
26
«Peru ninqäkunata mana cäsuq runam sïqa arëna jananchö wayita shäritsiq runanö kaykan.
27
Tsay wayiqa pasaypa tamyaptin, mayu atskayar chaptin y alläpa vientuptinmi juchunqa. Tsaynöllam mana cäsuq runa pasaypa kuyapaypä kanqa».
28
Jesús tsaynö yachatsiptinmi runakuna pasaypa espantakuyarqan.
29
Manam ley yachatsikuq runakunanötsu yachatsirqan, sinöqa mas poderyuq karmi shumaq yachatsirqan.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28