bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 14
Matthew 14
Quechuan QXO (Biblia en Quechua del sur de Conchucos)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
Tsay witsanmi Galileapa mandaqnin Herodes musyarqan Jesúspä pïmaypis parlayanqanta.
2
Tsaymi yanapaqninkunata Herodes nirqan: «Tsay runaqa Bautizaq Juanmi kawamushqa kanqa. Tsaymi milagrukunata rurananpä poderyuq kaykan».
3
Ñöpatam Juanta Herodes prësu tsariskatsir cadënawan watarkur carcelman wichqatsishqa karqan. Tsaynö rurarqan Herodías jutiyuq warmi mañakuptinmi. Herodíasqa Herodespa wawqin Felipipa warminmi karqan.
4
Herodes warmintanö Herodíasta katsiptinmi Juan nirqan: «Wawqikipa warminwan kakurmi jutsata ruraykanki».
5
Tsaynö niptinmi Herodesqa Juanta wanutsiyta munarqan. Peru profëta kanqanta llapan runakuna niyaptinmi mantsarirqan.
6
Tsaypitanam Herodespa santunchö Herodíaspa jipash wamran llapan qayatsinqankunapa puntanchö shumaq tushurqan. Tsayta rikarmi Herodes pasaypa kushikur
7
Tayta Diospa jutinchö jurar tsay jipashta promitir nirqan: «Imatapis mañakamanqaykitam qarashayki».
8
Jipashnam maman ninqannölla Herodesta nirqan: «Bautizaq Juanpa umanta juk plätuchö qaramay».
9
Tsayta mañaptinmi rey Herodes pasaypa llakikurqan. Peru qayatsinqankunapa puntanchö jurashqa karmi mañakunqanta qarayänanpä wardiakunata nirqan.
10
Wardiakunanam Juanpa umanta carcelchö roquskir
11
juk plätuchö apamur jipashta entregayarqan. Y jipashnam mamanta entregarqan.
12
Tsaynö rurayanqanta musyaskirmi Juanpa discïpulunkuna ayanta qoriskir pampayarqan. Tsaypitanam Jesúsman aywaykur willayarqan.
13
Tsayta musyaskirnam büquiman yarkurkur tsunyaqman Jesús kikillan aywarqan. Aywanqanta musyaykurnam Jesústa tariyanqanyaq runakuna markakunapita chakillapa aywayarqan.
14
Büquipita yarpuskirnam atskaq runakuna shuyaykäyaqta Jesús tarirqan. Kuyaparninmi qeshyaqkunata allïtsirqan.
15
Tardiyaptinnam discïpulunkuna Jesúsman witiykur niyarqan: «Tsunyaqchömi kaykantsik. Patsapis tardiyaykannam. Runakunata niy markakunapa aywar mikuyninkuna rantiyänanpä».
16
Jesúsnam nirqan: «Manam mikuy ashiq aywayanmantsu. Qamkuna mikuyninkuna qarayay».
17
Discïpulunkunanam niyarqan: «Pitsqa tantawan ishkay pescädullam kapayäman».
18
Jesúsnam nirqan: «Tsayllatapis apayämuy».
19
Tsaypitam runakunata Jesús nirqan patsaman jamayänanpä. Pitsqa tantata y ishkay pescäduta aptarkurmi ciëluman ñukirkur Tayta Diosta Jesús agradëcikurqan. Tantata pakiskirnam discïpulunkunata makyarqan runakunata qarayänanpä.
20
Pacha junta mikuskiyaptinnam sobraq kaqkunata chunka ishkay canasta juntata qoriyarqan.
21
Tsaychö mikuqkunaqa pitsqa waranqanömi (5,000) kayarqan. Warmikunata y wamrakunataqa manam yupayarqantsu.
22
Tsaypitanam discïpulunkunata Jesús nirqan büquiman yarkurkur wak tsimpaman puntayänanpä. Aywaskiyaptinnam tsaychö kaq runakunata despidiskir
23
Tayta Diosta mañakunanpä kikillan jirkaman witsarqan. Tsaychömi patsa tsakanqanyaq mañakurqan.
24
Tsayyaqmi discïpulunkunaqa qocha chawpintana büquiwan aywaykäyarqan. Pasaypa vientuptin y yaku laqchikachaptinmi alläpa ñakayarqan.
25
Patsa waraykaptinnam discïpulunkuna kaqman yaku jananpa Jesús aywaykarqan.
26
Tsayta rikaykurmi discïpulunkuna pasaypa mantsakar niyarqan: «¡Achachay! ¡Almam shamuykan!»
27
Tsaymi Jesús nirqan: «¡Noqam kä! ¡Ama mantsayämaytsu!»
28
Pedrunam nirqan: «Taytay, rasunpa qam karqa noqapis yaku jananpa shamunäpä niykallämay».
29
Jesúsnam nirqan: «Shamuy». Tsaymi büquipita yarquskir yaku jananpa Jesús kaqman aywar qallaykurqan.
30
Alläpa vientuptinnam mantsakaywan jundikarnin qayarar nirqan: «¡Taytay, salvaykallämay!»
31
Jesúsnam jinan höra makinpita tsarirkur nirqan: «Yärakuyniynaq janan shonqu runa, ¿imanirtä yärakamankitsu?»
32
Büquiman yarkuskiyaptinnam vientupis päraskirqan.
33
Tsayta rikaykurnam büquichö kaykaqkuna qonquriykur niyarqan: «¡Taytay, rasunpam Tayta Diospa Tsurin kanki!»
34
Qochata päsaskirnam Genesaret pampaman chäyarqan.
35
Tsaychö runakuna Jesústa reqiskirmi maytsaypa willakatsiyarqan. Tsaymi llapan qeshyaqkunata allïtsinanpä apayarqan.
36
Chaykatsirmi Jesústa rugakuyarqan röpanpa kuchullantapis qeshyaqkuna yataykunanpä. Tsaychömi llapanpis yataq kaqkunaqa alliskiyarqan.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28