bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 22
Matthew 22
Quechuan QXO (Biblia en Quechua del sur de Conchucos)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
Mastam iwalatsiypa yachatsir Jesús nirqan:
2
«Tayta Diospa mandakuyninqa casaray fiestanömi. Juk reyshi ollqu tsurin casaraptin fiestata ruranä.
3
Tsayshi sirviqninkunata mandanä invitanqan runakunata qayamunanpä. Qayatsiptinpis manash aywayta munayänätsu.
4
Tsaypitash wakin sirviqninkunatana mandar ninä: «Törükunata y wera kaq torïtukunatapis pishtaskatsir maynam kusinatsirqüna. Llapanpis alistashqanam kaykan. Invitanqä runakuna shayämutsunna».
5
Tsaynö nir qayatsiptinpis manash mayqanpis fiestaman aywayänätsu. Wakinshi aruq aywayänä. Wakinshi negociun rantikuq aywayänä.
6
Wakinnash reypa sirviqninkunata maqar wanutsiyänä.
7
«Tsayshi reyqa pasaypa rabyar soldädunkunata mandanä. Chaykurnash sirviqnin wanutsiq runakunata wanuskatsir markantapis rupatsiyänä.
8
Tsaypitanash sirviqninkunata ninä: «Tsurï casarananpä llapanpis alistashqanam kaykan. Peru tsaynö kaptinpis invitanqä runakuna manakaqman churamarmi shayämushqatsu.
9
Kananqa nänikunapa aywar tariyanqayki kaq runakunata qayayämuy casaray fiestaman shayämunanpä».
10
«Tsaynö niptinshi sirviqninkuna nänikunapa aywar llapan tariyanqan runakunata willayänä. Tsayshi alli runapis mana alli runapis wayiman juntaqpä fiestaman chäyänä.
11
Invitanqan runakunata rikaq yaykurshi tsay rey rikanä juk runa trocakunni kaykaqta.
12
Tsayshi tsay runata tapunä: «Amïgu, casaray fiestaman invitaykaptïqa ¿imanirtä mana trocakullar shamurquyki?» Tsaynö tapuptinshi tsay runa ima niytapis puëdinätsu.
13
Tsayshi sirviqninkunata rey ninä: «Kay runata chakinta makinta wataykur mantsaypä tsakayman jitarpuyay. Tsaychömi pasaypa waqar kiruntapis uchunqa».
14
Tsaypitanam Jesús nirqan: «Atskaqtam Tayta Dios qayashqa. Peru wallkaqllatam akrashqa».
15
Tsaypitanam fariseukuna templupita yarquskir Jesústa imanöpapis llutanta parlatsiyänanpä willanakuyarqan.
16
Tsaymi shumaq yachaskatsir fariseukuna mandayarqan discïpulunkunata y Herodespa favornin shäriq runakunata. Paykunam Jesústa niyarqan: «Rabí, noqakuna musyayämi rasun kaqllata yachatsinqaykita. Manam runakuna alabayäshunaykita munartsu yachatsinki, sinöqa Tayta Dios munanqannöllam.
17
Kanan mä niyämay. Romachö mandaq Césarpä ¿impuestuta pägashwanku o manaku?»
18
Llutanta parlatsiyänan raykur tapuyanqanta tantiyarmi Jesús nirqan: «¡Allish tukuq runakuna! ¿Imanirtä llutanta parlatsimayta munayanki?
19
Mä impuestu pägana qellayta rikatsiyämay». Tsaynö niptinmi tsararäyanqan qellayta Jesústa entregayarqan.
20
Tsayta rikaykurmi Jesús tapurqan: «Kay qellaychö ¿pipa reträtuntä kaykan? Tsaynölla ¿pipa jutintä qellqashqa kaykan?»
21
Paykunanam niyarqan: «Mandaq Césarpam». Tsaymi Jesús nirqan: «Césarpa kaqtaqa Césarta entregayay. Tayta Diospa kaqtaqa Tayta Diosta entregayay».
22
Tsaynö niptinmi tsay runakuna espantashqa aywakuyarqan.
23
Tsay junaqllam saduceukuna Jesústa tapuq aywayarqan. Paykunaqa manam criyiyantsu wanuqkuna kawayämunanpä kanqanta.
24
Tsaymi Jesústa tapuyarqan: «Rabí, Moisés qellqanqanchömi nin: «Warmiyuq runa tsuriynaq wanuptin wawqinmi llumtsuynin viüdawan täranqa. Tsaynöpam wamrankuna kaptin tsay wanuq wawqinpa tsurinkunanö kayanqa».
25
Kanan niyäshayki. Juk kutish qanchis wawqikuna kayänä. Mayor kaqshi juk warmiwan casaranä. Payshi manarä tsurin kaptin wanunä. Tsayshi qepa kaq wawqinna tsay viüdawan casaranä.
26
Paypis tsurin manarä kaptinshi wanunä. Tsaypita mas qepan kaqnash tsay viüdawan casaranä. Paypis tsurin manarä kaptinshi wanunä. Tsaynöllash llapan wawqinkuna tsay viüdallawan casarayänä. Tsurinkuna manarä kaptinshi llapanpis wanuskiyänä.
27
Tsaypitanash tsay viüdapis wanuskinä.
28
Wanushqakuna kawayämunan junaqqa ¿mayqanpa warminrä kanqa, qanchis wawqiwan casarashqa kaykaptinqa?»
29
Jesúsnam nirqan: «Qamkunaqa llutantam yarpäyanki. Manam Tayta Diospa palabranta ni Tayta Dios poderyuq kanqantapis tantiyayankitsu.
30
Kawaskamurqa mananam pipis casaranqanatsu, sinöqa ciëluchö [Tayta Diospa] angelninkunanöllanam kayanqa.
31
Wanushqakuna kawayämunanpä kanqanta ¿manaku Tayta Dios niyäshunqaykita liyiyarquyki? Palabranchömi nin:
32
«Noqaqa Abrahampa, Isaacpa y Jacobpa Diosninmi kä». Tayta Diosqa manam wanushqakunapa Diosnintsu, sinöqa kawaqkunapa Diosninmi».
33
Tsaynö yachatsinqanta wiyaykurmi runakuna pasaypa kushikuyarqan.
34
Saduceukunata upällatsinqanta musyaykurmi fariseukuna Jesús kaqman qorikäyarqan.
35
Tsaychömi ley yachatsikuq juk fariseo runa Jesús yachanqanta o mana yachanqantapis musyayta munar tapurqan:
36
«Rabí, ¿mayqan mandamientutatä mas cäsushwan?»
37
Jesúsnam nirqan: «Tayta Diosta kuyayanki llapan shonquykikunawan, llapan voluntänikikunawan y llapan yarpaynikikunawan».
38
Kay mandamientum llapan mandamientupitapis mas cäsunantsikpä kaykan.
39
Tsaynöllam juk mandamientupis nin: «Kikiki kuyakunqaykinö runa mayikita kuyanki».
40
Tsay ishkan mandamientuta cumplirqa Moisés qellqanqan llapan mandamientukunata y profëtakuna willakuyanqantam cumpliyanki».
41
Fariseukuna tsaychö qorikashqa kaykäyaptinmi Jesús tapurqan:
42
«Cristo ¿pï kanqantatä yarpäyanki? ¿Pipa Tsurintä kaykan?» Tsaynö tapuptinmi niyarqan: «Taytay, Davidpa Tsurinmi».
43
Jesúsnam nirqan: «Davidpa Tsurin kaykaptinqa ¿imanirtä Espíritu Santu tantiyatsiptin kikin Davidpis mandaqnin rey kanqanta nirqan? Paymi nirqan:
44
«Mandamaqnïtam Tayta Dios nirqan: «Derëcha kaq lädüman jamakamuy llapan chikishuqnikikunata podernikiman churamunqäyaq».
45
Kikin Davidpis mandaqnin rey kanqanta nikaptinqa ¿imanöpatä Cristuqa Davidpa Tsurin kanman?»
46
Tsaynö niptin manam pipis contestayta puëdirqantsu. Tsay junaqpita manam pipis Jesústa tapuyta valurarqannatsu.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28