bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Matthew 17
Matthew 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
1
Tsaypita joqta junaqtanam Pedruta, Santiaguta y Santiagupa wawqin Juanta pushakurkur juk jirkaman Jesús witsarqan.
2
Tsaychömi rikaraykäyaptin Jesús juk niraqman tikrarqan. Tsaymi cäranpis rupaynörä chipipirqan y röpanpis pasaypa yuraqman tikrarmi empañakuyparä atsikyarqan.
3
Tsaychömi rikayarqan Moisés y Elías yuripuykur Jesúswan parlaykäyaqta.
4
Pedrunam Jesústa nirqan: «Taytay, allipämi kaychö kaykäyä. Munaptikiqa kimsa tsukllata rurayämushä: jukta qampä, jukta Moiséspä y juktana Elíaspä».
5
Pedro tsaynö ninqan höram chipipiykaq pukutay paykunata tsapaskirqan. Pukutaypitanam Tayta Dios nimurqan: «Paymi kuyay Tsurï. Paypitam kushikü. Pay niyäshunqaykita cäsuyay».
6
Tsaynö nimuqta wiyaykurmi discïpulunkuna pasaypa mantsakar patsaman lätakuykuyarqan.
7
Tsaynö lätaraykäyaptinmi paykunata yataykur Jesús nirqan: «Ama mantsakäyaytsu. Shäriyay».
8
Tsaynö niptin rikaskiyänanpäqa Jesúsllanam ichiraykänä.
9
Jirkapita uraykäyämuptinmi Jesús nirqan: «Jirkachö rikayanqaykita pitapis ama willayankirätsu. Runapa Tsurin wanunqanpita kawamuptinrämi willakuyanki».
10
Discïpulunkunanam Jesústa tapuyarqan: «Runapa Tsurin wanunanpä kaykaptinqa ¿imanirtä ley yachatsikuqkuna niyan puntata Elíasrä shamunanpä kanqanta?»
11
Jesúsnam nirqan: «Elías rasunpam puntata shamunqa llapanta alistananpä.
12
Peru Elíasqa maynam shamushqa. Paytaqa pï kanqantapis mana reqirmi wanutsiyarqan. Tsaynöllam Runapa Tsurintapis wanutsiyanqa».
13
Jesús tsaynö niptinmi discïpulunkuna tantiyayarqan Elíaspä parlar Bautizaq Juanpä parlaykanqanta.
14
Runakuna qorikäyanqanman Jesús chaykuptinmi puntanman qonquriykur juk runa rugakur nirqan:
15
«Taytay, tsurïta kuyapaykullay. Wanuy qeshya tsariptinmi pasaypa ñakan. Atska kutim ninamanpis yakumanpis jeqashqa.
16
Discïpuluykikunaman apamuptïpis manam allïtsiyta puëdiyashqatsu».
17
Jesúsnam nirqan: «¡Yärakuyniynaq jutsasapa runakuna! ¡Imayyaqrä qamkunawan kaykäshä! ¡Imayyaqrä qamkunata awantayäshayki! Mä tsay jövinta apayämuy».
18
Puntanman chaykatsiyaptinnam jövinta ñakaykätsiq supayta Jesús ollqutuparqan. Tsaymi supayqa jinan höra jövinpita yarquskir aywakurqan. Tsay hörapitam jövinqa alliskirqan.
19
Tsaypita kikillankuna kaykarnam discïpulunkuna Jesústa tapuyarqan: «Noqakunaqa ¿imanirtä tsay supayta qarquyta puëdiyarütsu?»
20
Jesúsnam nirqan: «Shumaq mana yärakurmi qarquyta puëdiyarquykitsu. Rasunpam nï: Ñäbuspa murunnö ichikllapis yärakuynikikuna kaptinqa taqay jirkata witikunanpä niyaptikipis witikunmanmi. Manam imapis alläpa ajatsu qamkunapä kanman.
21
[Peru tsaynö kaptinpis kaynö supaykunataqa qarquyanki ayunar Tayta Diosman mañakurrämi]».
22
Galileachö puriykarmi discïpulunkunata Jesús nirqan: «Runapa Tsurintam chikiqninkunaman entreganqa.
23
Peru wanutsiyaptinpis kimsa junaqtaqa kawamunqam». Tsaynö niptinmi discïpulunkuna pasaypa llakikuyarqan.
24
Tsaypitanam Capernaúmman discïpulunkunawan Jesús chäyarqan. Tsaychömi templupä impuestu cobraqkuna Pedruta tapuyarqan: «Maestruykiqa ¿manaku templupä impuestuta pägan?»
25
Pedrunam nirqan: «Awmi, päganmi». Tsaypita wayiman Pedro yaykuskir imatapis manarä niptinmi Jesús nirqan: «Simón, ¿ima ninkitä? Reykuna ¿pitatä impuestuta cobrayan? ¿Marka mayinkunataku o jäpa runakunataku?»
26
Pedrunam nirqan: «Taytay, jäpa runakunatam». Jesúsnam nirqan: «Tsaynö kaptinqa tsurinkuna manam pägayantsu.
27
Peru cobraqkuna mana rabyakuyänanpä qochaman aywar anzuëluwan pescäduta tsarimuy. Punta kaq pescäduta tsarimunqaykipa shiminchömi qellay kanqa. Tsay qellaywan ishkantsikpä impuestuta pägamuy».
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28