Nehemiah 7

Quechuan QXO (Biblia en Quechua del sur de Conchucos)

← Chapter 6 Jump to: Chapter 8 →

1Murällata allitsayta ushaskir y punkukunatapis churayta ushaskirnam punku cuidaqkunata churayarqan. Tsaynöllam cantaqkunata y levitakunatapis churayarqan.

2Jerusalénchö mandaq kananpämi wawqï Hananita churarqä. Payta yanapananpämi churarqä cuartelchö mas mandaq soldädu Hananíasta. Hananíasqa wakin runakunapitapis masmi Tayta Diosta cäsukuq karqan.

3Paykunatam nirqä: «Rupay yarqaskamuptinrä Jerusalén punkunkunata kichayay. Tsaynölla rupay manarä jeqaptin punkunkunata wichqarkur trancayay. Tsaynö rurayay punku cuidaqkuna manarä aywayaptin. Jerusalénchö täraqkunapita akraykur wakinta churayay reqishqa wayikuna kanqanchö cuidayänanpä y wakintana churayay kikinpa wayin kanqanchö cuidayänanpä».

4Jerusalén markaqa jatunmi karqan. Tsaynö kaptinpis juchushqa wayikuna manarä allitsashqa kaptinmi wallkaqlla runakuna tsaychö täyarqan.

5Tayta Dios yarpayta qomaptinmi qayatsirqä mayor runakunata, autoridäkunata y wakin runakunatapis castanpa castanpa padronayänäpä. Tsaychömi punta shamuq runakuna padronakuyanqan rölluta tarirqä. Tsay libruchömi qellqashqa karqan:

6Kaychömi qellqashqa kaykan Jerusalénman y Judáman shamuq runakunapa jutinkuna. Tsay runakunaqa rey Nabucodonosor Babiloniaman prësu apanqan runakuna y paykunapita miraqkunam kayarqan. Cada ünunkunam unay castankuna yuriyanqan markaman aywayarqan.

7Tsay runakunapa mandaqninkunam kayarqan Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum y Baana. Kaychömi qellqashqa kaykan Babiloniapita Judáman shamuq Israel runakunapa castankunapa jutinkuna:

8Paruspita miraqkunam ishkay waranqa pachak qanchis chunka ishkay (2,172) kayarqan.

9Sefatíaspita miraqkunam kimsa pachak qanchis chunka ishkay (372) kayarqan.

10Arapita miraqkunam joqta pachak pitsqa chunka ishkay (652) kayarqan.

11Pahat-moabpita miraqkunam ishkay waranqa puwaq pachak chunka puwaq (2,818) kayarqan. Paykunaqa Josuépita y Joabpita miraqkunam kayarqan.

12Elampita miraqkunam waranqa ishkay pachak pitsqa chunka chusku (1,254) kayarqan.

13Zatupita miraqkunam puwaq pachak chusku chunka pitsqa (845) kayarqan.

14Zacaipita miraqkunam qanchis pachak joqta chunka (760) kayarqan.

15Binúipita miraqkunam joqta pachak chusku chunka puwaq (648) kayarqan.

16Bebaipita miraqkunam joqta pachak ishkay chunka puwaq (628) kayarqan.

17Azgadpita miraqkunam ishkay waranqa kimsa pachak ishkay chunka ishkay (2,322) kayarqan.

18Adonicampita miraqkunam joqta pachak joqta chunka qanchis (667) kayarqan.

19Bigvaipita miraqkunam ishkay waranqa joqta chunka qanchis (2,067) kayarqan.

20Adínpita miraqkunam joqta pachak pitsqa chunka pitsqa (655) kayarqan.

21Aterpita miraqkunam isqun chunka puwaq (98) kayarqan. Aterqa Ezequíaspita miraqmi karqan.

22Hasumpita miraqkunam kimsa pachak ishkay chunka puwaq (328) kayarqan.

23Bezaipita miraqkunam kimsa pachak ishkay chunka chusku (324) kayarqan.

24Harifpita miraqkunam pachak chunka ishkay (112) kayarqan.

25Gabaónpita miraqkunam isqun chunka pitsqa (95) kayarqan.

26Belén runakuna y Netofa runakunam pachak puwaq chunka puwaq (188) kayarqan.

27Anatot runakunam pachak ishkay chunka puwaq (128) kayarqan.

28Bet-azmavet runakunam chusku chunka ishkay (42) kayarqan.

29Quiriat-jearim runakuna, Cafira runakuna y Beerot runakunam qanchis pachak chusku chunka kimsa (743) kayarqan.

30Ramá runakuna y Geba runakunam joqta pachak ishkay chunka juk (621) kayarqan.

31Micmas runakunam pachak ishkay chunka ishkay (122) kayarqan.

32Bet-el runakuna y Hai runakunam pachak ishkay chunka kimsa (123) kayarqan.

33Nebo runakunam pitsqa chunka ishkay (52) kayarqan.

34Jukaq Elam runakunam waranqa ishkay pachak pitsqa chunka chusku (1,254) kayarqan.

35Harim runakunam kimsa pachak ishkay chunka (320) kayarqan.

36Jericó runakunam kimsa pachak chusku chunka pitsqa (345) kayarqan.

37Lod runakuna, Hadid runakuna y Ono runakunam qanchis pachak ishkay chunka juk (721) kayarqan.

38Senaa runakunam kimsa waranqa isqun pachak kimsa chunka (3,930) kayarqan.

39Kaychömi qellqashqa kaykan Babiloniapita Judáman shamuq sacerdötikunapa castankunapa jutinkuna: Josué casta Jedaíaspita miraq sacerdötikunam isqun pachak qanchis chunka kimsa (973) kayarqan.

40Imerpita miraq sacerdötikunam waranqa pitsqa chunka ishkay (1,052) kayarqan.

41Pasurpita miraq sacerdötikunam waranqa ishkay pachak chusku chunka qanchis (1,247) kayarqan.

42Harimpita miraq sacerdötikunam waranqa chunka qanchis (1,017) kayarqan.

43Kaychömi qellqashqa kaykan Babiloniapita Judáman shamuq levita castakunapa jutinkuna: Hodavías casta Josuépita miraqkuna y Hodavías casta Cadmielpita miraqkuna. Paykunam qanchis chunka chusku (74) kayarqan.

44Kaychömi qellqashqa kaykan Diosta alabar cantaqkuna mayqan casta shamunqanpis: Asafpita miraqkuna. Paykunam pachak chusku chunka puwaq (148) kayarqan.

45Kaychömi qellqashqa kaykan punkuta cuidaq runakunapa castankunapa jutinkuna: Salum casta, Ater casta, Talmón casta, Acub casta, Hatita casta y Sobai casta. Tsay castakunapita miraqkunam pachak kimsa chunka puwaq (138) kayarqan.

46Kaychömi qellqashqa kaykan Diospa templunchö aruq runakunapa castankunapa jutinkuna: Ziha casta, Hasufa casta, Tabaot casta,

47Queros casta, Siaha casta, Padón casta,

48Lebana casta, Hagaba casta, Salmai casta,

49Hanán casta, Gidel casta, Gahar casta,

50Reaía casta, Rezín casta, Necoda casta,

51Gazam casta, Uza casta, Paseah casta,

52Besai casta, Mehunim casta, Nefisesim casta,

53Bacbuc casta, Hacufa casta, Harhur casta,

54Bazlut casta, Mehída casta, Harsa casta,

55Barcos casta, Sísara casta, Tema casta,

56Nezía casta y Hatifa casta.

57Kaychömi qellqashqa kaykan Salomónpa sirviqninkunapita miraqkunapa castankunapa jutinkuna: Sotai casta, Soferet casta, Perida casta,

58Jaala casta, Darcón casta, Gidel casta,

59Sefatías casta, Hatil casta, Poqueret-hazebaim casta y Amón casta.

60Templuchö aruqkuna y Salomónpa sirviqninpita miraqkunam kimsa pachak isqun chunka ishkay (392) kayarqan.

61Tel-mela markapita, Tel-harsa markapita, Querub markapita, Adón markapita y Imer markapita Jerusalénman aywaqkuna legïtimu Israel casta kayanqan o karullapana casta kayanqanpis shumaq manam musyakarqantsu. Tsay runakunam

62Delaíapita, Tobíaspita y Necodapita miraqkuna kayarqan. Paykunam joqta pachak chusku chunka ishkay (642) kayarqan.

63Sacerdöti castapita Jerusalénman wakin shamuqkunam Habaíapita, Cospita y Barzilaipita miraqkuna kayarqan. Barzilaiqa tarqan Galaadpita kaq Barzilaipa warmi tsurinwanmi. Paywan täyaptinmi Barzilaipa jutinta aparqan.

64Tsay runakunam Habaía casta, Cos casta y Barzilai casta kayanqanta musyatsiyänanpä padrón libruchö jutinkunata ashiyarqan. Tsaychö mana tarirmi Jerusalénman chaykur sacerdötikuna aruyanqanchöqa aruyarqantsu.

65Gobernadorpis nirqan Tayta Diospä churanqanta manana mikuyänanpä hasta Urimta y Tumimta rikar sacerdöti musyanqanyaq.

66Jerusalénman shamuqkunam chusku chunka ishkay waranqa kimsa pachak joqta chunka (42,360) kayarqan.

67Paykunawanmi qanchis waranqa kimsa pachak kimsa chunka qanchis (7,337) ollqupis warmipis sirviqkuna shayämurqan. Diosta alabaqkunam ollqupis warmipis ishkay pachak chusku pitsqam (245) paykunawan shayämurqan.

68Caballunkunam qanchis pachak kimsa chunka joqta (736) karqan. Mulankunam ishkay pachak chusku chunka pitsqa (245) karqan.

69Camëllunkunam chusku pachak kimsa chunka pitsqa (435) karqan. Ashnunkunanam joqta waranqa qanchis pachak ishkay chunka (6,720) karqan.

70Wakin mayor runakunam Diospa templunta yapay shäritsiyänanpä puëdiyanqanman ofrendata qorirkur entregayarqan. Gobernadorpis entregarqan puwaq kïlu qorita, pitsqa chunka (50) tazonkunata y sacerdötikuna jatikuyänanpä pitsqa pachak kimsa chunka (530) sotänakunata.

71Mayor runakunam tesorëruta entregayarqan pachak joqta chunka (160) kïlu qorita y waranqa ishkay pachak chunka (1,210) kïlu qellayta.

72Común runakunapis entregayarqan pachak joqta chunka (160) kïlu qorita, pachak chunka (110) kïlu qellayta y sacerdötikuna jatikuyänanpä joqta chunka qanchis (67) sotänakunata.

73Sacerdötikuna, levitakuna, punku cuidaqkuna, cantaqkuna, templuchö aruqkuna y llapan Israel runakunapis awilunkunapa markankunachönam täyarqan. Qanchis kaq killapitanam llapan runakunapis wayinkunachöna täyarqan.

← Chapter 6 Jump to: Chapter 8 →