bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 10
Romans 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
Wawqikuna y panikuna, Israel mayïkuna salvakuyänanpämi llapan shonqüwan Tayta Diosta rugakü.
2
Paykuna Tayta Diosta cäsuyta munarpis manam tantiyayantsu
3
imanö perdonamanqantsikta. Tsaymi yarpäyan Diospa leyninkunata cumplirrä perdonashqa kayänanpä kanqanta. Perdonashqa kayta munarpis manam Jesucristuman criyikuyantsu.
4
Jesucristo shamushqana kaptin manam Diospa leyninkunata cumplirtsu perdonashqa kaykantsik, sinöqa Jesucristuman criyikurmi. Payman criyikuq kaqtaqa llapantam Tayta Dios perdonan.
5
Leykunata cumplirrä Tayta Dios munanqannö kawayta munaqkunapämi Moisés qellqarqan: «Leynïkunata cumpliq kaq runaqa llapantam cumplinman».
6
Jesucristuman yärakurrä perdonashqa kanqantsikta tantiyarmi nintsik: «Shonquntsikchö ama yarpäshuntsu: «¿Pirä ciëluman witsanman?» (Tsay ninqannöllam Jesucristuta kay patsaman pushamunanpä pipis ciëlumanrätsu aywanman.)
7
«Tsaynölla ama yarpäshuntsu: «¿Pirä patsa rurinman yaykuykunman?» (Tsay ninqannöllam pipis willakuyninta musyayta munar Jesucristuta kawatsimunanpä patsa rurinmanrätsu yaykunman.)
8
Tsaypa rantinmi nintsik: «Tayta Diospa willakuyninmi shimikikunachö y shonquykikunachö kaykan». Tsaymi willakuyninta willakur nintsik:
9
Señornintsik Jesucristo mandashuqniki kanqanta nirqa y wanunqanpita Tayta Dios kawatsimunqanta llapan shonquykikunawan criyirqa salvashqam kayanki.
10
Llapan shonquykiwan criyiyaptikiqa Tayta Diosmi perdonayäshunki. «Señor Jesucristuqa mandamaqnïmi» niyaptikim Tayta Dios salvayäshunki.
11
Tayta Diospa palabranmi nin: «Pipis payman criyikurqa manam manakaqllapätsu criyikunqa».
12
Tsaymi Israel runatapis mana Israel runatapis criyikuptinqa Tayta Dios perdonan. Llapantsikpapis kikillan Diosnintsik karmi mañakuq kaqtaqa pïmaytapis salvan.
13
Tayta Diosmi palabranchö nin: «Noqata mañakamaq kaqtaqa pïmaytapis salvashämi».
14
¿Imanörä salvananpä mañakuyanqa Jesucristo salvamaqnintsik kanqanta manarä yärakurqa? ¿Imanörä yärakuyanqa willakuyninta manarä wiyarqa? ¿Imanörä wiyayanqa pipis mana willaptinqa?
15
¿Imanörä willanqa willakunanpä pipis mana mandaptinqa? Tayta Diospa palabranmi nin: «Alli willakuyta apamuqkunam pasaypa kushikuypä kaykäyan».
16
Peru willakuyaptinpis manam llapan runakunatsu Jesucristupa alli willakuyninta chaskiyan. Isaías qellqanqanchömi nin: «Tayta Dios, willakuyanqäta ¿pirä criyishqa?»
17
Imanö kaptinpis Jesucristupa alli willakuyninta wiyarrämi payman pipis yärakun.
18
Peru ¿manatsurä willakuyninta Israel runakuna wiyayashqa? Paykuna unaynam wiyayashqa. Tayta Diospa palabranmi nin: «Willakuyninqa maytsaychömi musyakan. Palabrankunaqa patsa kuchunyaqmi chan».
19
Tsay willanqankunata musyaykarpis ¿manatsurä Israel runakuna tantiyayashqa? Paykunaqa tantiyayarqanmi. Moiséspis qellqarmi nirqan: «Juklä marka runakunatana yanaparmi qamkunata rabyanätsishayki. Mana tantiyakuq runakunata chaskirmi qamkunata llakikatsishayki».
20
Tsaynöllam Isaíaspis qellqar nirqan: «Mana ashimaqkunatam parlaparqü. Mana rugakamaq runakunatam yanaparqü».
21
Peru Israel runakunapämi sïqa qellqar nirqan: «Mana cäsumaq runakunamanmi qoyay qoyay makïta makyararqü».
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16