bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 12
Romans 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
1
Wawqikuna y panikuna, qamkunatam rugä Tayta Diospa poderninman kawaynikikunata churayänaykipä. Pay kuyapaykäyäshuptikiqa kawaykaq santu sacrificiu kaykuyällay. Tsaynö karmi Tayta Dios munanqannö rasunpa sirviyanki.
2
Wakin runakuna jutsata rurayaptinpis qamkunaqa jutsata ama rurayaytsu. Yarpaynikikunapis ñöpata kanqannöqa ama katsuntsu, sinöqa Tayta Dios munanqannö katsun. Tsaynö kawarmi pay munanqannö kaway kushikuypä kanqanta tantiyayanki.
3
Tayta Dios kuyamarmi willakuqnin kanäpä churamashqa. Tsaymi llapaykita nï: Wakin kaqpita mas väliq kayanqaykita ama yarpäyaytsu. Payman yärakunantsikpä Tayta Dios yanapaykämashqaqa llapantsikpis välinqantsikta tantiyakushun.
4
Cuerpuntsikchö atska partintsikkuna karpis juk cuerpullachömi kaykan. Tsaynö karpis manam tsay rurayllatatsu rurayan.
5
Tsaynöllam Jesucristuman criyikuqkuna atskaq karpis juk cuerpunölla kantsik.
6
Tsaynö kashqam Tayta Dios cada ünuta churamantsik pay munanqannö sirvinapä. Profëta kanapä churamashqaqa payman yärakur willakuyninta willakushun.
7
Yanapanapä churamashqaqa yanapashun. Yachatsinapä churamashqaqa yachatsishun.
8
Valuratsinapä churamashqaqa valuratsishun. Imatapis qaranapä churamashqaqa alli shonquntsikwan qarashun. Mandanapä churamashqaqa shumaq yarpachakuykur mandashun. Kuyapäkuq kanapä churamashqaqa kushishqa pitapis yanapashun.
9
Janan shonqulla kuyanakuyänaykipa rantinqa llapan shonquykikunawan kuyanakuyay. Llutankunata rurayänaykipä ama yarpayllapis yarpäyaytsu. Tsaypa rantinqa allita rurar kawayay.
10
Castaykikunawan kuyanakuyanqaykinö kuyanakuyay. Tsaynölla jukniki jukniki respitanakuyay. Kikillaykikuna alli kawayänaykipä yarpachakuyänaykipa rantinqa wakinkunapis alli kawayänanpä yarpachakuyay.
11
Ama qela kayaytsu, sinöqa kushi kushilla Tayta Diosta sirviyay.
12
Tayta Diosta shuyar kushishqalla kawayay. Imanö ñakarpis payman yärakuyay. Imaypis payta mañakuyay.
13
Jesucristuman criyikuq mayiki faltapakuqta rikarqa yanapayay. Wayikikunaman chäyämuptinpis patsatsiyay.
14
Chikishuqnikipa wasanta ama rimayaytsu. Tsaypa rantinqa Tayta Dios yanapananpä mañakuyay.
15
Kushishqa kaqkunawan kushikuyay. Waqaq kaqkunawan waqayay.
16
Jukniki juknikipis alli kawayay. Runa tukuyänaykipa rantinqa humildi kaqkunawanpis kuyanakur kawayay. Ama yachaq tukuyaytsu.
17
Chikiyäshuptikipis ama chikiyaytsu. Tsaypa rantinqa pïmaypis rikananpä allita rurar kawayay.
18
Imaykanöpapis llapan runakunawan alli kawayay.
19
Kuyay wawqikuna y panikuna, chikishuqnikikunapa contran ama venganzata ashiyaytsu. Tsaypa rantinqa Tayta Dios juzgananpä paypa poderninman churayay. Tayta Diospa palabranmi nin: «Llutanta rurayanqanpitam kikï juzgashä».
20
Mastam nin: «Chikishuqniki mallaqaptinqa mikuyta qaray. Yakunaptinqa yakuta makyay. Tsaynö ruranqaykipitam pasaypa penqakunqa».
21
Runakuna llutanta rurayaptinpis qamkunaqa allillata rurayay.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 13 →
All chapters:
1
2
3
4
5
6
7
8
9
10
11
12
13
14
15
16