bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 4
Romans 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
1
Unay castantsik Abrahamta Tayta Dios imanö perdonanqantapis yarpäshun.
2
Allikunata ruranqanpita Tayta Dios perdonaptinqa Abraham alabakunmanmi karqan. Peru manam allikunata ruranqanpitatsu payta perdonarqan, sinöqa pay ninqanta criyinqanpitam.
3
Tayta Diospa palabranmi nin: «Ninqanta criyiptinmi jutsaynaqtana Abrahamta Tayta Dios chaskirqan».
4
Musyanqantsiknömi arupakuq runaqa arunqanpita päguta chaskin. Mana aruykar imatapis chaskirqa qarayllatam chaskin.
5
Tsaynöllam jutsantsikkunata Tayta Dios debaldilla perdonamantsik. Manam allikunata ruranqantsikpitatsu perdonamantsik, sinöqa payman criyikunqantsikpitam.
6
Tayta Dios debaldilla perdonanqan runa kushishqa kanqanpitam rey Davidpis qellqarqan:
7
«Kushishqam kawan Tayta Dios perdonanqan runa. Paypa jutsankunataqa Tayta Dios manam yarpannatsu.
8
Kushishqam kawan jutsaynaqtana Tayta Dios chaskinqan runa».
9
¿ Señalakushqa Israel runakunallatsurä perdonashqa kaykäyan? ¿Manatsurä señalakunni mana Israel runakunapis perdonashqa kaykäyan? Abrahamta Tayta Dios perdonaptin imanö kanqanta yarpäshun. Ninqänöpis criyikuptinmi Abrahamta Tayta Dios jutsaynaqtana chaskirqan.
10
¿Señalakuptinrätsurä Abrahamta perdonarqan? Manam. Paytaqa manarä señalakuptinmi perdonarqan.
11
Perdonaskirrämi Abrahamta señalakunanpä Tayta Dios nirqan. Tsaynö señalakurqan Tayta Diosman criyikunqanpita perdonanqanta mana qonqananpämi. Tsaymi señalakunni kaqkunapis Abrahamnö criyikur paypa castan kaykäyan. Tsaynöpam Tayta Dios paykunatapis perdonan.
12
Tsaynöllam señalakushqa kaqkunapis Abrahamnö criyikur Abrahampa castan kaykäyan. Abrahampa castan kaykäyan manam señalakushqa kayanqanpitatsu, sinöqa Abrahamnö manarä señalakur criyikuyanqanpitam.
13
Manam leykunata cumpliyanqanpitatsu Abrahamta y paypita miraqkunatapis kay patsata entregananpä Tayta Dios promitirqan, sinöqa Tayta Diosman criyikuyanqanpitam.
14
Leykunata cumpliqkunalla Tayta Dios promitinqanta chaskiyänanpä kaykaptinqa wallällam kanman Tayta Diosman criyikuyanqanpis karqan. Tayta Dios promitinqanpis manam välinmantsu karqan.
15
Leyninkunata mana cumpliqkunataqa Tayta Diosmi castigan. Peru tsay leykunata musyaykarpis manam cumplintsiktsu.
16
Tsaymi leyninkunata cumplinqantsikpitatsu Tayta Dios promitimanqantsik salvacionta chaskintsik, sinöqa payman criyikunqantsikpitam. Tsaynöpam Israel runa mana Israel runa karpis Abrahamnö criyikushqaqa Tayta Dios kuyapämarnintsik salvamantsik. Abraham criyikunqannö Tayta Diosman yärakurqa Abrahampa castanmi kaykantsik.
17
Abrahampäqa Tayta Diospa palabranmi nin: «Atska nación runakunapa papänin kanaykipämi qamta churarqü». Tayta Dios tsaynö nirqan payman Abraham criyikushqa kaptinmi. Tayta Diosmi wanushqakunata kawatsimun y imapis mana kaqpitam kaman.
18
Abrahamta promitirmi Tayta Dios nirqan: «Atska nación runakunapa papänin kaptikim qampita miraqkuna yupaytapis mana atipaypä kayanqa». Tsay promitinqanta Tayta Dios imanö cumplinanpä kanqanta mana tantiyarpis Abrahamqa criyirqanmi.
19
Tsay promitinqan witsanqa pachak (100) watayuqnam Abraham karqan. Wamrayuq kananpäpis rukunam karqan. Warmin Sarapa killa qeshyanpis pärashqanam karqan. Tsaynö kaptinpis Abrahamqa Tayta Diosmanmi criyirqan.
20
Payqa promitinqanta manam düdarqantsu, sinöqa agradëcikurmi llapan shonqunwan yärakurqan.
21
Promitinqanta Tayta Dios cumplinanpä poderyuq kanqantam criyirqan.
22
Tsaynö yärakunqanpitam Tayta Dios jutsaynaqtana chaskirqan.
23
Qellqashqachö ninqannö manam Abrahamllatatsu Tayta Dios perdonarqan,
24
sinöqa noqantsiktapis perdonamantsikmi. Tsaynö perdonamantsik Señornintsik Jesucristuta kawatsimuq Tayta Diosman criyikushqam.
25
Jutsata ruranqantsikpitam Jesucristo wanunanpä Tayta Dios permitirqan. Perdonamänantsikpämi Tayta Dios kawatsimurqan.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 5 →
All chapters:
1
2
3
4
5
6
7
8
9
10
11
12
13
14
15
16