bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 3
Romans 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
1
Tsaynö kaykaptinqa Israel runa kanqan y señalashqa kanqan ¿allipätsurä?
2
Allipämi. Tsaynö alli kaykan puntata Israel runakunata Tayta Dios willakuyninta musyatsishqa kaptinmi.
3
Peru tsaynö musyaykarpis manam llapantsu Tayta Dios ninqanta cumpliyarqan. ¿Paykuna mana cumpliyaptintsurä Tayta Diospis promitinqankunata cumplinqatsu?
4
Payqa cumplinmi. Runakuna llulla kayaptinpis Tayta Diosqa llapan promitinqankunatam cumplin. Tayta Diospa palabranmi nin: «Ninqaykita cumplirmi rasun kaqchö juzgamanki. Juzgamaptiki imanö defiendikuytapis manam puëdïtsu».
5
Tsaynö kaptinpis wakin runakuna mana tantiyarmi niyan: «Jutsa ruranqäpita Tayta Dios perdonamar allitam ruraykan. Castigamarmi sïqa mana allita ruraykan».
6
Runakuna tsaynö niyaptinpis manam tsaynötsu. Runakunata juzgananpä kanqanta musyaykarqa ¿imanirtä tantiyayankitsu castigarpis allita ruranqanta?
7
Tsaynöllam wakin runakunapis llutanta yarpar niyan: «Tayta Diosta promitinqäta mana cumpliptïpis perdonamaptinmi runakuna tantiyayan kuyapäkuq kanqanta. Tsaynö kaykaptinqa ¿imanirtä jutsa ruranqäpita Tayta Dios juzgamanqa?»
8
Tsay runakuna yarpäyanqannö kaykaptinqa jutsata rurashun Tayta Dios kuyapäkuq kanqanta tantiyayänanpä. Tsay yarpayqa manam allitsu. Tsaynö yachatsir purinqäta wakin runakuna niyaptinpis manam tsaynötsu yachaykätsï. Tsaynö niq runakunataqa Tayta Dios juzgarmi mana kuyapaypa castiganqa.
9
¿Wakin runakunapita mas jutsaynaqtsurä Israel runakuna kaykäyan? Manam. Kay cartachö ninqänöpis Israel y mana Israel runakunapis jutsayuqmi kaykäyan.
10
Tayta Diospa palabranmi nin: «Manam ni jukllayllapis jutsaynaq kantsu.
11
Pipis manam tantiyantsu. Pipis manam Tayta Diosta ashintsu.
12
Llapanmi jutsata rurayan. Llapanpis llutantam rurayan. Manam ni pipis alli ruraq kantsu. Manam ni jukllayllapis kantsu.
13
Shiminkunapis kicharaykaq sepultüranömi. Llullakuytaqa imaykanöpam yachayan. Parlakuyninkunapis culebrapa venënunnömi.
14
Runa mayinkunata maldicionarmi ashlliyan.
15
Runa mayinta wanutsiyänanpämi empëñu aywayan.
16
Maypa aywarpis llutankunata rurarmi runa mayinkunata llakikatsiyan.
17
Alli kaway imanö kanqantapis manam musyayantsu.
18
Tayta Diosta mantsapakuyänanpä manam ichikllapis yarpäyantsu».
19
Tayta Diospa palabranchö tsaynö niptinmi musyantsik leyninkunata musyaq runakunapis jutsayuq kayanqanta. Tsaymi runakunata Tayta Dios juzgaptin pipis tsapakuyta puëdinqatsu.
20
Tayta Diospa leyninkunata cumplinqanwanqa manam pipis jutsankunapita perdonashqatsu kanqa. Tayta Diospa leyninkunaqa manam salvamänantsikpätsu, sinöqa jutsayuq kanqantsikta tantiyatsimänapämi.
21
Kananmi sïqa Tayta Dios musyatsimarquntsik leyninkunata cumpliyta mana puëdishqapis imanöpa salvamänantsikpä kanqanta. Tsaytam Moisés y profëtakuna qellqayanqankunachöpis musyatsimantsik.
22
Jesucristuman yärakushqam Tayta Dios perdonamarnintsik pï kashqapis salvamantsik.
23
Llapan runakuna jutsayuq karmi Tayta Diospa ñöpanman chayta puëdiyantsu.
24
Peru tsaynö kashqapis Jesucristo rantimashqam Tayta Dios kuyapäkuq kar perdonamantsik.
25
Tsaynö perdonamantsik Jesucristo noqantsik raykur sacrificiu kar yawarninta jichaptin payman yärakushqam. Tsaynöpam Tayta Dios musyatsimantsik alli juzgaq juez kanqanta. Unaypitana runakuna jutsayuq kayaptinpis Tayta Dios manam castigarqantsu.
26
Tsaynö castigarqantsu runakunapa rantin Jesucristuta cruzchö castigananpä karmi. Tsaynöpam tantiyatsimantsik alli juzgaq juez kanqanta y Jesucristuman criyikuqkunata perdonanqanta.
27
Tsaynö kaykaptinqa ama alabakur nishuntsu: «Allikunata ruraptïmi Tayta Dios salvamashqa». Manam allikunata ruranqantsikpitatsu Tayta Dios salvamarquntsik, sinöqa payman criyikunqantsikpitam.
28
Tsaymi nï: Manam leyninkunata cumplinqantsikpitatsu Tayta Dios salvamarquntsik, sinöqa Jesucristuman criyikunqantsikpitam.
29
¿Tayta Diosqa Israel runakunallapatsurä Diosnin? ¿Manatsurä mana Israel runakunapapis Diosnin? Payqa mana Israel runapapis Diosninmi.
30
Tayta Diosqa jukllayllam. Tsaymi Israel runatapis mana Israel runatapis Jesucristuman criyikuyaptin salvan.
31
Jesucristuman criyikur salvashqa kaykarqa ¿manakaqmantsurä Diospa leyninkunata churaykantsik? Manam. Tsaypa rantinqa Jesucristuman criyikushqam tsay leykunata cumpliqtanö Tayta Dios chaskimantsik.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
All chapters:
1
2
3
4
5
6
7
8
9
10
11
12
13
14
15
16