bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 8
Romans 8
Quechuan QXO (Biblia en Quechua del sur de Conchucos)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
1
Tsaymi Jesucristuchö kaqkunaqa condenashqatsu kayanqa. [Jutsata rurar kawayänanpa rantinqa Espíritu Santu tantiyatsinqannömi kawaykäyan.]
2
Jutsapa poderninchö kanqantsikpitam Espíritu Santu jipimarquntsik. Jutsapa poderninchö wanushqanö karpis Jesucristo salvamashqam alli kawayta tarintsik.
3
Jutsapa poderninchö kashqam Tayta Diospa leyninkuna salvamarquntsiktsu. Tsaynö kaptinmi Tsurin Jesucristuta Tayta Dios mandamurqan noqantsiknö runa kananpä. Paymi sacrificiupä apayanqan ashmanö noqantsik raykur wanurqan. Tsaynöpam jutsapa poderninpita Tayta Dios salvamarquntsik.
4
Salvamarnintsikmi leyninkunata cumpliqtanöna Tayta Dios chaskimantsik. Tsaymi jutsata rurar kawanantsikpa rantinqa Espíritu Santu tantiyatsimanqantsiknöna kawaykantsik.
5
Jutsapa poderninchö kawaqkunaqa shonqun yarpanqanta rurayänanpämi yarpachakuyan. Peru Espíritu Santupa poderninchö kawaqkunam sïqa Espíritu Santu tantiyatsinqannö kawayänanpä yarpachakuyan.
6
Jutsapa poderninchö kawaqkunaqa manam Tayta Diospa puntanman imaypis chäyanqatsu. Peru Espíritu Santupa poderninchö kawaqkunam sïqa Tayta Diospa puntanchö imayyaqpis kushishqa kawayanqa.
7
Jutsapa poderninchö kawaqkunaqa Tayta Diospa contran karmi leyninkuna ninqannö kawayta munayantsu ni puëdiyantsu.
8
Yapaymi nï: Tsay runakunaqa manam Tayta Dios munanqannö kawayta puëdiyantsu.
9
Peru noqantsikqa manam jutsapa poderninchönatsu kawaykantsik. Tayta Diospa Espïritun noqantsikchö kaptinmi paypa poderninchöna kawaykantsik. Jesucristupa Espïritun noqantsikchö mana kaptinqa manam Jesucristupatsu kantsik.
10
Jesucristo noqantsikchö kaptinmi perdonashqana kaykantsik. Tsaymi jutsata ruranqantsikpita wanunantsikpä kaptinpis Espíritu Santu kawayta qaramantsik.
11
Tayta Diospa Espïritun noqantsikchö kaptinmi wanunqanpita Jesucristuta kawatsimunqannö noqantsiktapis Tayta Dios kawatsimäshun. Tsaynö kawatsimäshun noqantsikchö kaykaq Espíritu Santupa poderninwanmi.
12
Wawqikuna y panikuna, tsaynö kaykaptinqa jutsa rurayta yarparpis ama rurashuntsu.
13
Jutsa rurayllachö kawashqaqa infiernumanmi Tayta Dios qaykamäshun. Peru Espíritu Santu tantiyatsimanqantsiknö jutsa ruraypä wanushqanö karmi sïqa imayyaqpis mana ushakaq kawayta tarishun.
14
Tayta Diospa Espïritun tantiyatsinqannö kawaqkunaqa llapanpis Tayta Diospa wamrankunam kayan.
15
Wamran kanantsikpämi Espíritu Santu qorimarquntsik. Espíritu Santuta chaskishqana karmi patronninta sirviq mantsa mantsa mañakunqannötsu Tayta Diosta mañakuntsik, sinöqa mana mantsaypa mañakurmi «¡Abba, Papä!» nintsik.
16
Kikin Espíritu Santum Diospa wamran kanqantsikta tantiyatsimantsik.
17
Tayta Diospa wamran karmi pay promitinqan herenciata Jesucristo chaskinqannö noqantsikpis chaskishun. Imanö ñakarpis Jesucristuman criyikurmi paywan gloriachö kawashun.
18
Kay patsachö ñakanqantsikkunaqa ushakaqllam kaykan. Gloriachö Tayta Dios kushikuyta qaramänapä kanqanmi sïqa imayyaqpis kanqa. Tsaytaqa llapan shonqüwanmi criyï.
19
Tsaynö kaptinmi Tayta Dios wamrankunata puntanman qorinanpä llapan kamanqankuna shuyaykäyan.
20
Shuyaräyanqanyaqmi pay kamanqankuna maldicionädu kaykäyan. Peru manam kikinpitatsu maldicionashqa kayan, sinöqa Tayta Dios maldicionanqanpitam. Kanan maldicionädu kaptinpis
21
wamrankunata mushuqman Tayta Dios tikratsinqannöllam llapan kamanqankunatapis mana ushakänanpä mushuqman tikratsinqa.
22
Tsayyaqmi Tayta Dios llapan kamanqankunapis warmi qeshyakuyta ñakanqannö ñakar llakikuykäyan.
23
Manam kamanqankunallatsu llakikuykäyan, sinöqa Tayta Dios juklla qorimänantsikta munarmi noqantsikpis llakikuykantsik. Espíritu Santuta primiciatanö chaskishqa karmi shuyaykantsik cuerpuntsiktapis mushuqmanna tikratsinanpä.
24
Mushuqman tikranapämi Tayta Dios salvamarquntsik. Peru tsay höra manam chämunrätsu. Mushuqman tikrashqana kaykarqa ¿imatanatä shuyaräshun?
25
Peru mushuqman manarä tikrarmi sïqa imanö ñakarpis shuyaraykantsik.
26
Tayta Diosta mañakurpis pay munanqannö mañakuyta manam puëdintsiktsu. Tsaymi Espíritu Santu Tayta Diosta waqapaypa favornintsik mañakun.
27
Mañakurmi Tayta Dios munanqannölla imaypis mañakun. Espíritu Santu noqantsikpä mañakunqankunatam Tayta Dios musyan. Payqa shonquntsik imata yarpanqankunatapis musyanmi.
28
Musyantsikmi ima päsaptinpis Tayta Diosta kuyaqkunapä llapanpis alli kananpä kanqanta. Paykunataqa kikin munanqannö kayänanpämi Tayta Dios qayarqan.
29
Unaypitana reqirmi Tsurin Jesucristunö kayänanpä destinarqan. Tsaynöpam Jesucristuqa llapan criyikuqkunapa mayor wawqin.
30
Destinanqan kaqkunatam Tayta Dios qayarqan. Qayanqan kaqkunatam perdonarqan. Perdonanqan kaqkunatanam gloriaman pushanqa.
31
Tsaynö kaykaptinqa ¿imatanatä munashun? Tayta Dios favornintsik kaykaptinqa ¿pinatä contrantsik kanqa?
32
Noqantsik raykur wanunanpä kuyay Tsurintapis mandaykämurqa ¿manatsurä llapan awnimanqantsiktapis paywan Tayta Dios cumplinqa?
33
Kikin Tayta Dios akraykämashqaqa y jutsantsikkunatapis perdonaykämashqaqa ¿pirä puntanchö shimpimäshun?
34
Jesucristo wanunqanpita kawaskamur Tayta Diospa derëcha kaq lädunchö jamar favornintsik parlaykaptinqa ¿pirä castigashqa kanantsikpä ninqa?
35
Jesucristo kuyamanqantsikpita ¿pirä rakimäshun? Payqa kuyamantsikmi ñakashqapis, llakikushqapis, runakuna chikimashqapis, mallaqashqapis, röpaynaq kashqapis, peligruchö kashqapis y runakuna wanutsimashqapis.
36
Tayta Diospa palabranmi nin: «Munanqaykinö kawayaptïmi chikiyämar imaypis wanutsiyäman. Pishtayänanpä üshanömi kaykäyä».
37
Tsaykuna päsamashqapis Tayta Dios kuyamashqam kushishqa imaypis yärakuntsik.
38
Tayta Diosmi kuyamantsik kawashqapis, wanushqapis, ima päsamashqapis y ima päsamänantsikpä kaptinpis. Tsaymi angelkunapis, ni supaykunapis, ni ima poderyuq kaqkunapis,
39
ni ciëluchö kaqkunapis, ni patsa rurinchö kaqkunapis, ni Tayta Dios ima kamanqankunapis pay kuyamanqantsikpita rakimäshuntsu. Tsaynö kuyamanqantsiktam tantiyatsimarquntsik noqantsik raykur wanunanpä Señornintsik Jesucristuta mandamur.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
All chapters:
1
2
3
4
5
6
7
8
9
10
11
12
13
14
15
16