bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 2
Romans 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
1
Israel runa, qampis jutsayuq kaykar ¿imanirtä runa mayikita juzgaykanki? Tsaynö juzgayaptikim pï kaptikipis Tayta Dios juzgashurniki castigashunki.
2
Musyantsikmi pitapis jutsa ruraq kaqtaqa jutsata ruranqanman Tayta Dios castigananpä kanqanta.
3
Tsaynö kaykaptinqa ¿Tayta Diospa castïgunpita qeshpiyankitsurä?
4
Tayta Dios mana ras castigayäshuptiki ama yarpäyaytsu mana castigayäshunaykipä kanqanta. Payqa kuyapäkuq, pacienciakuq y perdonakuq karmi jutsaykikunata dëjayänaykita shuyaraykan.
5
Peru rumi shonqu karmi jutsaykikunata dëjayankitsu. Tsaymi juzganan junaqchö Tayta Dios pasaypa rabyar castigayäshunki.
6
Tsay junaqqa imanöpis kawayanqanmanmi llapan runakunata juzganqa.
7
Tayta Diospa puntanchö kawayta munar alli ruraqkunataqa imayyaqpis kawayänanpämi gloriaman pushanqa.
8
Peru Tayta Diosta mana cäsur jutsa ruraqkunatam sïqa rabyar mana kuyapaypa castiganqa.
9
Mana kuyapaypa castigaptinmi llapanpis jutsa ruraqkuna ñakar llakikuyanqa. Puntatam Israel runakuna ñakayanqa y tsaypitanam mana Israel runakuna.
10
Alli ruraqkunam sïqa Tayta Diospa puntanchö alli kawayta chaskiyanqa. Puntatam Israel runakuna chaskiyanqa y tsaypitanam mana Israel runakuna.
11
Tayta Dios pipapis favornin mana shäriypam runakunata juzganqa.
12
Tsaymi leyninkunata musyaqkunatapis y mana musyaqkunatapis jutsata rurayanqanpita Tayta Dios ushakätsinqa. Leyninkunata musyaqkunataqa tsay leykuna ninqannömi juzganqa.
13
Manam leyninkunata musyayanqallanpitatsu Tayta Dios pitapis salvanqa, sinöqa leyninkunata cäsuyanqanpitam.
14
Mana Israel runakuna Diospa leyninkunata mana musyarpis allita rurarqa tsay leykunata musyaqnömi kaykäyan.
15
Jutsankunapita llakikuyaptin y allita rurayanqanpita kushikuyaptinmi musyantsik runakunapa shonqunkunachö Diospa leyninkuna qellqashqa kanqanta.
16
Tsaymi pakayllapa jutsa rurayanqanpita juzganan junaqchö Tayta Dios pïmaytapis juzganqa. Tsaynö juzgananpämi Jesucristuta Tayta Dios churashqa. Tsaynö kananpä kaqtam alli willakuyta willakur pitapis tantiyatsï.
17
Israel runakuna, tantiyakuyay. Qamkunam yarpäyanki Diospa leyninkunata yachayanqaykipita mana juzgayäshunaykipä kanqanta. Tsaynöllam kushikuyanki Tayta Dios akrayäshunqaykipita.
18
Tayta Diospa leyninkunata musyarmi pay munanqannö kawayänaykipäpis musyayanki. Tsaymi alli kanqanta y mana alli kanqanta tantiyayanki.
19
Qapranö kaqkunata pushaqnö y tsakaychönö kawaqkunata aktsipaqnö kayanqaykitam yarpäyanki.
20
Mana yachaqkunata y wamrakunata alli yachatsiq kayanqaykitam yarpäyanki. Tsaynö yarpäyanki Diospa leyninkunata yachakushqa karmi.
21
Wakin runakunata tsaynö yachaykätsirqa ¿imanirtä kikikikuna cäsuyankitsu? Mana suwakuyänanpä yachaykätsirqa ¿imanirtä kikikikuna suwakuyanki?
22
Adulteriu jutsata mana rurayänanpä yachaykätsirqa ¿imanirtä kikikikuna adulteriu jutsata ruraykäyanki? Ïdulukunata rikaytapis mana munaykarqa ¿imanirtä ïdulukunapa adornunkunata suwakuyanki?
23
Diospa leyninkunata yachanqaykipita alabakuykarqa ¿imanirtä tsay leykunata mana cumplir Tayta Diosta manakaqman churaykäyanki?
24
Tsaynö kawayaptikim Tayta Diospa palabranpis nin: «Qamkuna llutanta rurar kawayaptikim mana criyiq runakuna Tayta Diosta manakaqman churayan».
25
Tayta Diospa leyninkunata cumpliyaptikiqa señalakuyanqaykipis allim kaykan. Peru leyninkunata mana cumpliyaptikim sïqa señalakuyanqaykipis manakaqllapä kaykan.
26
Mana señalakushqakunapis Diospa leyninkunata cumpliyaptinqa ¿manatsurä señalakushqatanö Tayta Dios chaskinqa?
27
Tsaymi mana señalakushqa karpis Diospa leyninkunata cumpliqkuna juiciu finalchö niyäshunki: «Señalakushqa kaykarqa y Diospa leyninkunata shumaq yachaykarqa ¿imanirtä Tayta Diosta cäsuyarqaykitsu?»
28
Manam papänin o maman Israel runa kanqallanpitatsu pipis rasunpa Israel runa. Tsaynöllam señalakushqa kanqallanpitatsu pipis rasunpa señalakushqa kaykan.
29
Sinöqa rasunpa señalakushqa kaykan shonqunta Espíritu Santu señalaptinmi. Paykunata runakuna chikiyaptinpis Tayta Diosmi kuyan.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 3 →
All chapters:
1
2
3
4
5
6
7
8
9
10
11
12
13
14
15
16