bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Romans 6
Romans 6
Quechuan QXO (Biblia en Quechua del sur de Conchucos)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
1
Tsaynö kaykaptinqa Tayta Dios mas kuyapämänantsikpä ¿jutsata rurartsurä kawashun?
2
¡Manam! Noqantsikqa jutsa ruraypä wanushqanönam kaykantsik. Tsaynö kaykarqa ¿imanöparä jutsata rurar kawashwan?
3
¿Manaku musyayanki Jesucristo cruzchö wanunqannö noqantsikpis bautizakur jutsa ruraypä wanushqanöna kanqantsikta?
4
Bautizakunqantsik höram Jesucristuwan pampakuqnö karquntsik. Tsaypitam Jesucristuta Tayta Dios poderninwan kawatsimunqannö noqantsiktapis mushuq kawayta qaramarquntsik.
5
Jesucristo wanunqannö noqantsikpis jutsa ruraypä wanushqa kaykarqa pay kawamunqannömi kawamushun.
6
Shumaq tantiyakushun. Unay kawaynintsikqa Jesucristuwan cruzchö wanushqanam kaykan. Tsaymi kananqa jutsapa poderninchönatsu kantsik.
7
Wanushqakuna jutsata mana rurayanqannömi noqantsikpis jutsata mana rurar kawanantsik.
8
Tsaymi kananqa Jesucristuwan wanushqana kar musyantsik paypa poderninchöna kawanantsikpä kanqanta.
9
Tsaynöllam musyantsik Jesucristo kawamushqana kar imaypis manana wanunanpä kanqanta. Payqa wanuyta vincishqanam.
10
Juk kutilla wanurmi jutsa ruraypita jipimänapä wanurqan. Kananqa Tayta Diospa puntanchönam kaykan.
11
Tsaynölla qamkunapis jutsa ruraypä wanushqanöna kayay. Kananqa [Señornintsik] Jesucristuchö kar Tayta Dios munanqannö kawayay.
12
Tsaynö kaykaptinqa jutsapa poderninchö amana kawayaynatsu. Shonquyki jutsaman apayäshuptikipis ama rurayaytsu.
13
Llutan ruraykunaman ama mëtikuyaytsu. Wanuyanqaykipita kawamushqanö kaykarqa Tayta Diospa poderninchöna kawayay. Llapan cuerpuykipis Tayta Diosllapäna katsun.
14
Manam Tayta Diospa leyninkunata cumpliyanqaykiman yärakurtsu salvakuyanki, sinöqa kuyapäkuq kayninman yärakurmi. Tsaynö karqa manam jutsapa poderninchönatsu kayanki.
15
Kuyapäkuq Tayta Diosman yärakur salvacionta chaskiykarqa ¿jutsa rurayllachötsurä kawashun? ¡Manam!
16
Jutsata rurallar kawashqaqa jutsa ruraymi patronnintsik. Sirviqninta llapan munanqanta patrón ruratsinqannömi jutsa ruraypis patronnintsik kar munanqanta ruratsimantsik. Tsaynö kawarqa castigashqam kashun. Peru patronnintsik Tayta Dios kaptinmi sïqa salvakuntsik.
17
Unayqa qamkunapapis patronnikikuna jutsa ruraymi karqan. Peru Jesucristupa willakuyninta llapan shonquykiwan chaskishqa karmi kananqa Jesucristupa poderninchöna kaykäyanki. Tsaymi Tayta Diosta agradëcikü.
18
Jutsapa poderninpita librina karmi Tayta Dios munanqanta rurarna kawaykäyanki.
19
Patronman iwalatsiypa tsaynö parlaykä shumaq tantiyayänaykipämi. Ñöpataqa jutsapa poderninchö karmi melanaypä kaqkunata rurar kawayarqayki. Peru kananqa ama tsaynö kawayaynatsu, sinöqa jutsa rurayta dëjaskir Tayta Dios munanqannöna kawayay.
20
Jutsapa poderninchö karqa Tayta Diosta mana cäsurmi kawayarqayki.
21
Tayta Diosta mana cäsur ¿ima allitatä jipiyarquyki? Tantiyakuyaptikiqa tsay llutan rurayanqaykikuna llapanpis penqakuypämi kaykan. Tsaynö kawayanqaykipitam wanuyanki.
22
Peru kananqa jutsa ruraypita librina karmi Tayta Diospa poderninchöna kawaykäyanki. Tsaymi pay munanqannö kawayänaykipä yanapaykäyäshunki. Tsaynö kawarmi paypa puntanchö imayyaqpis kawayanki.
23
Jutsa rurayqa wanuymanmi apamantsik. Peru Señornintsik Jesucristo noqantsik raykur wanushqa kaptinmi Tayta Dios debaldilla salvamantsik puntanchö imayyaqpis kawanantsikpä.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 7 →
All chapters:
1
2
3
4
5
6
7
8
9
10
11
12
13
14
15
16