Nehemiah 10

Romani Baltic Latin (Biblija - Pe Baltitko Romani čib (Romanes) 2019)

← Chapter 9 Jump to: Chapter 11 →

1Manušá, savé čhudé čergenorja (piečati), sys: Nijemíia-Tiršafa, Gahalijaskiro i Siedekijaskiro čhavó,

2Sieraija, Azárija, Jeriemiéjo,

3Pašhuro, Amarija, Malhiia,

4Hatušo, Ševanija, Maluho,

5Harimo, Mieriemofo, Ovadija,

6Danijéljo, Giniefono, Varuho,

7Miešulamo, Avijá, Mijamino,

8Mazija, Vilgajo, Šemaija: adalé sys rašaja.

9Lievíty: Isúso (Johošuá), Azanijaskiro čhavó, Binujo, Xienadadoskire čhavéndyr, Kadmiilo,

10i léngire pšála: Ševanija, Godija, Klita, Fielaija, Xanano,

11Miha, Riehovo, Xašavija,

12Zakhuro, Šerievija, Ševanija,

13Godija, Vanijo, Vieninujo.

14Manušéngire šeralé: Parošo, Pahavor-Moávo, Elamo, Zafu, Vanija,

15Vunijo, Azgado, Bievajo,

16Adonija, Bigvajo, Adino,

17Atiero, Jezekíia, Azuro,

18Godija, Xašumo, Biecajo,

19Harifo, Anafofo, Nievajo,

20Magpiašo, Miešulamo, Xieziro,

21Miešezaviedo, Sadoko, Jadujo,

22Fielatija, Xanano, Ananija,

23Osija, Xananija, Xašuvo,

24Lohiešo, Pilha, Šovieko,

25Riehumo, Xašavna, Maaseja,

26Ahiia, Xanano, Anano,

27Maluho, Xarimo, Vaana.

28I javír manušá, rašaja, Lievíty, i manušá, savé rakhne pórta, bagaibnaskire Niefiniei, i saré manušá, savé otginé dre rig javire-theméskire manušéndyr ke Devléskiro Zakóno, léngire džuvliá, léngire čhavé i léngire čhaja, saré, savé mogindlé te ĥaljon,

29jone prijačne ke péskire pšála, ke lačhé-rodoskirenge (patyvaledyrša) léndyr, i giné dro otphenybén sovlahasa i prokošybnasa – te kerén pir Devléskiro Zakóno, savó sys dynó Mojzasa Devléskire-pishariskire vastésa, i te zrakhen, i te spolninen amaré Ráskire-Devléskire, Devléskire saré zaphenybena, i Léskire priphenybená, i Léskire uphenybená,

30i te na otdén peskiren čhajén manušénge javire themestyr, i léngire čhajén te na len pal péskire čhavénde;

31i kóli javéna manušá javire themestyr te janén tovary (arcíkuly) i saró vaš biknyben dro sávato (subóta), te na len léndyr dro sávato, i dro svénto dyvés, i pe eftáto berš te jačkiren vužlipena (dlugi), savé te na javén.

32I čhudiam ame péske dro Zakóno te das péstyr pir trin šékieli dro berš vaš trébima vaš amaré-Devléskiro Kher:

33vaš svénta maré, vaš kažno-dyvesýtko marunó janybén i vaš kažno-dyvesýtko célo shačkiribén, vaš sávaty, vaš nevočhon, vaš svénki, vaš svénta réndy i vaš svénta dyibená, sob (kaj) te žužakirenpe Izrailjoske grehostyr, i vaš saró, so kerélape dro amaré-Devléskiro Kher.

34I čhurdyjam ame žriébijo, konéske te janén kaštá: rašaja, Lievíty i manušá, kiéli, i savéske amaré rodóske dre uphendló časo kažno berš, te janes len ke amareskire-Devléskiro Kher, sob (kaj) jone te xačon vaš amaré Ráske-Devléske svénto dyibén, syr isyn začhindló dro Zakóno.

35I dyjam ame lav kažno berš te janas dro Ráskire-Devléskiro Kher pérva (anglatuné) barjakirdé (plódy) kažnoné drevostyr (kaštéstyr);

36adiáke-pac' te janas dro amaré-Devléskiro Kher ke rašaja, ke manušá, savé dynarinena dre amaré-Devléskiro Kher, amaré anglatunen čhavén amaren čhavéndyr i amaré kheritkoné murdaléndyr (skotóstyr), syr isyn začhindló dro Zakóno, i anglatuné amaré baré i tykné murdaléndyr (skotóstyr).

37I te janas anglatunó amaró maró, i svénto janybén amaró i barjakirdé (plódy) kažnoné vešéstyr mol (vino) i ksil ame javása te janas rašange vaš amaré Ráskire-Devléskiri piralý i dešengiri amaré phuvjátyr Lieviténge. Jone, Lievíty, javéna te len dešengiri dre saré fórja, kaj aménde isyn phuv.

38Pašýl Lievitende, kiéli jone javéna te len dešengiri, javéla te javél rašái, Aronoskiro čhavó, sob (kaj) Lievíty te lydžán dešengiri péskire dešengirjatyr dro amaré-Devléskiro Kher, dre štúby, savé vykedyné vaš piralý;

39pal-dová so dre dalé štúby syr Izrailjoskire čhavé, adiáke i Lievíty isyn bangé te janén svénto dyibén; maró, mol (vino) i ksil. Odój svénta khoré (sasúdy), i rašaja, savé dynarinena, i manušá, savé isyn terdé pašýl pórta, i bagaibnaskire. I ame na jačkirasa amaré-Devléskiro Kher.

← Chapter 9 Jump to: Chapter 11 →