Nehemiah 3

Romani Baltic Latin (Biblija - Pe Baltitko Romani čib (Romanes) 2019)

← Chapter 2 Jump to: Chapter 4 →

1I uštyjá o Jelijašyvo, baró rašái, i e pšála léskire, i rašaja, i kerdé Bakrengiri pórta: jone obsvenciakirde la i čhudé vudará léngire, i vučardiatyr (bašniatyr) Miea ke/žýko vučardý Xananela obsvenciakirde len.

2I pašýl léste kerénas kherá Iierihoncy (Jerihonytka), pašýl lénde kerélas kherá o Zakhuro, Imrijoskiro čhavó.

3Mačhengire pórty kerénas manušá, savé bijandle dre Sienaja: jone učhakirde len, i čhudé vudará léngire, o klydyna léngire, i šybiery (zasovy) léngire.

4Pašýl lénde kerélas riemónto pe vánta o Mieriemofo, Urijaskiro čhavó, Gakocoskiro čhavó; pašýl lénde kerélas riemónto o Miešulamo, Bieriehiiaskiro čhavó, Miešyzabieloskiro čhavó; pašýl lénde kerélas riemónto o Sadoko, Baanaskiro čhavó;

5pašýl lénde kerénas riemónto Fiekoitka; ne sama slavutna léndyr na band'kirde péskiri men, sob (kaj) te kerél butý vaš péskire Ráske-Devléske.

6Pe Phurané pórty kerdé riemónto o Ioida, Pasieahoskiro čhavó, i o Miešulamo, Biesodijaskiro čhavó: jone učhakirde len, i čhudé léngire vudará, i klydyna, i šybiery léngire.

7Pašýl lénde kerélas riemónto o Mielatija Gavaonitianino, i o Iodono Mieronofostyr, Gavaonytkenca, i Micfitkonenca, savé sys tel zor pe pale-rekitka barydyréske okrugi.

8Pašýl léste kerélas riemónto o Uzilo, Xargaijaskiro čhavó, rupunari (sieriebrianiko), i pašýl léste kerélas riemónto o Xananija, Garakahimoskiro čhavó. I šukár neviakirde Jerusalimo ke buĥly vánta.

9Pašýl lénde kerélas riemónto o Riefaija, Xuraskiro čhavó, o barydyró pe paš-okruga Jerusalimóskiri.

10Pašýl lénde i proti péskiro kher kerélas riemónto o Iiedaija, Xarumafoskiro čhavó, i pašýl léste kerélas riemónto o Xatušo, Xašavnijaskiro čhavó.

11Pe vtoro štéto kerélas riemónto o Malhiia, Xarimoskiro čhavó, i o Xašuvo, Pahaf-Moavitko čhavó; jone-pac' kerénas riemónto pe Bovitko vučardý (bašnia).

12Pašýl lénde kerélas riemónto o Šalumo, Galohiešoskiro čhavó, barydyró pe paš-okruga Jerusalimóskiri, jov sys i léskire čhaja.

13Dolinakire portake kerélas riemónto o Xanuno, i e Zanoahoskire manušá: jone ĥazdyné len, i čhudé vudará léngire, i klydyna, i šybiery léngire, i iščo (inké) kerénas riemónto jone pe bar (tysjonco) kuniá vantakire ke pórta Gnejoskiri.

14Gnejoskire portake kerélas riemónto o Malhiia, Riehavoskiro čhavó, barydyró pe Biefkariemoskiri okruga: jov neviakirdia la i čhudiá vudará léngire, klydyna léngire, i šybiery léngire.

15Ĥanyngakire pórty kerélas riemónto o Šalumo Kolhoziejoskiro čhavó, barydyró pe Micfakiri okruga: jov ĥazdyjá len, i učhakirdiá len, i čhudiá vudará léngire, klydyna léngire, i šybiery léngire, – jov i kerélas riemónto pe vánta pašýl venderín (vodojomo) Sielaho, proti kralískiri únta (sado) ke ĥerunia (stupien'ki), kaj zmekenape Davidóskire foróstyr.

16Pal léste kerélas riemónto o Nijemíia, Azbukoskiro čhavó, barydyró pe paš-okruga Biefcuroskiri, ke koplíca Davidoskiri, i ke vyganady venderín (prudo), i ke kher muršengiro.

17Pal léste kerénas riemónto Lievíty: o Riehumo, Vanijaskiro čhavó; pašýl léste kerélas riemónto o Xašavija, barydyró pe paš-okruga Kieiljoskiri, paló péskiri okruga.

18Pal léste kerénas riemónto o pšála léngire: o Bavajo, Xienadadoskiro čhavó, barydyró pe Kieiljoskiri paš-okruga.

19I pašýl léste kerélas riemónto o Jeziero, Isusóskiro čhavó, barydyró pe Micfa, pe vtoro štéto, angíl syr te džas andré mardiárnia (oružejnia) pe venglo.

20Pal léste dobusóves (staratiel'nes) kerélas riemónto o Varuho, Zabvajoskiro čhavó, pe vtoro štéto, venglostyr ke vudará, ke Jelijašyvoskiro kher, baré-rašaskiro.

21Pal léste kerélas riemónto o Mieriemofo, Urijaskiro čhavó, Gakocoskiro čhavó, pe vtoro štéto, vudarendyr dre Jelijašyvoskiro kher ke jagóro pe Jelijašyvoskiro kher.

22Pal léste kerénas riemónto e rašaja, savé sys trusciál manušá dolostyr.

23Pal lénde kerélas riemónto o Vieniamino, i o Xašuvo, angíl léngiro kher; pal lénde kerélas riemónto o Azárija, Masiejoskiro čhavó, Ananijaskiro čhavó, pašýl péskiro kher.

24Pal léste kerélas riemónto o Binujo, Xienadadoskro čhavó, pe vtoro štéto, Azarijoskire kheréstyr ke venglo, ke zbangipen dromeskiro.

25Pal léste sys o Falalo, Uzajoskiro čhavó, angíl venglo i ke vučardý (bašnia), so vyterdjola kralískire-upratune kheréstyr, kaj isyn pašýl gréda (dvóro) tiemnicakiri (štaribnaskiri). Pal léste sys Fiedaija, Parošoskiro čhavó.

26E Niefiniei, xači, savé dživdé ke Ofieljo, kerdé riemónto anglal Panitka pórty ke vastóko i ke vytyrdyny vučardý.

27Pal lénde kerénas riemónto Fiekoitka manušá, pe vtoro štéto, štetóstyr angíl bari vytyrdyny vučardý ke Ofielytko vánta.

28Duredýr Grengire portendyr kerénas riemónto e rašaja, kažno mamúj péskiro kher.

29Pal lénde kerélas riemónto o Sadoko, Imieroskiro čhavó, mamúj péskiro kher, i pal léste kerélas riemónto o Šiemaija, Šiehanijaskiro čhavó, stregari pe vastokitko pórta.

30Pal léste kerélas riemónto o Xananija, Šieliemijaskiro čhavó, i Xanuno, šóvto čhavó Calafoskiro, pe vtoro štéto. Pal léste kerélas riemónto o Miešulamo, Bieriehiiaskiro čhavó, mamúj péskiri štúba.

31Pal léste kerélas riemónto o Malhiia, Gacorfijoskiro čhavó, ke kher Niefinieitko i bikibnar'jengiro, mamúj Gamifkadytka pórta i ke venglytka džiibnytka štúby.

32A maškír venglytka džiibnytka štúby ke Bakréngire pórty kerénas riemónto rupunarja i bikibnarja/kofarja (torgovcy).

← Chapter 2 Jump to: Chapter 4 →